الا ياليل وين الشاعر اللي ماعليه خلاف

[سعود بندر الحربي]

الا ياليل وين الشاعر اللي ماعليه خلاف
نبا ناخذ معه محراف ونعد التقاريــــــري

ولاني زاهمه مطلق ولاني زاهمه صياف
اعرف السر دايم موضعه في داخل البيري

[عبدالمجيد الثعلي]

يا أهل بغداد وش تقريركم فمحمد الصحـاف=تركتوها حجر منحوت وألا طايره طيري
عسى يرحمهم الله والشعر هذا الزمن ينعـاف=ولايحسب فقيده غير شروى سالم الزيـري

[سعود بندر الحربي]

علامك ياوسيع العرف تبدي رايك المزهاف
توقع لاتفقع والسبب بعض المشاويــــري

عدوك بالمشوك معك يسعى دايم ويطاف
وانا ادري واحد ماجور والثاني على الكيري

[عبدالمجيد الثعلي]

ترى مافيه كوكب فالسماء غير القمر ينشـاف=ولا فالسوق بيع ومشترى تمليك !تأجيـري!
عدوي بالخلال أخل عينه بيننا الميقــاف=ورفيقك كل لون بصورته ويرافقه غيـــري

[سعود بندر الحربي]

ترا سوق الغلا ماهو حلا تبسط على الاكتاف
تعين للبضايع داخل الدكان تصديــــــــــــــري

ولا ياسبق رجلك لاتحزمنا على الانــكــــــاف
تدور عجة الدخان وتسد المعابيـــــــــــــــــري

[عبدالمجيد الثعلي]

آلا ياسائق الإسعاف شغل سفتي الإسعـاف=خطيرة حالة الشعار محتاجه لتخديـري
ليا من إحتزمنا ما أنت ويا العافيه تنعـاف=نبا نحط العرب قدام ونسوق المظاهيـري

[عبدالله جبارالعتيبي]

صحت الألسن والقلوب
ونا في صف عبدالمجيد الثعلي (الليل )
ولا فيه قصور فبو بندر

[عبدالمجيد الثعلي]

صحت الألسن والقلوب
ونا في صف عبدالمجيد الثعلي (الليل )
ولا فيه قصور فبو بندر

هلا و مرحبا والله بصديقي عبدالله

صح بدنك ويحق لي أفتخر بالصف اللي أنت فيه



ونورتنا بمرورك

[ابراهيم الحيسوني الحربي]

ترا الاسعاف للي في خشيمه صابه الارعاف
تفضل يالمريض مجهز لك بنج وسريـــــــــري

ليا جاتك على كيفك تبا العرب وتبا الاشـــراف
ولا انت محصلن من عندنا لو كان دغريــــــري

[ابراهيم الحيسوني الحربي]

ابراهيم هو سعود
واصل ياطير شلوى

[ابراهيم الحيسوني الحربي]

غرزت يالثعيلي
لكن ماجور على كل حال

[محمد الذيابـــي]

طاروق رااااائع



صحة الالسن جميعا