الا يابن جبار العتيبي على الميدان

[غالي الرهافي]

الا يابن جبار العتيبي على الميدان =تقدم ولا من شفت فرصه تغانمها = ياكثر الكلام اللي تعيده بهرج لسان = ولن جات للافعال ضاعت معالمها

[فهيد الايدا المورقي]

غالي الرهافي صح لسانك

تحيتي

[غالي الرهافي]

بناخي الايداء صح بدنك وتقبل تحياتي

[محمد ناصر الأكلبي]

صح لسانك ياغالي


وننتظر بوجبار


ليكتمل الابداع

....

[عبدالله جبارالعتيبي]

معك حاضرن ياصاحبي طول الأزمان=وكل المعارك دوم ياهيه نحسمها
أنا ماهرج في حجه ألا ببرهان=وراجع سجلاتك إذا كنت فاهمها

[غالي الرهافي]

يامكثر معاركم ويامكثر الفرسان =اشوف البشر قامت تحذف عمايمها= مادامك تقول وتفعل القول ياشيهان =نبي نستلم دعواك ياللي تسلمها

[عبدالله جبارالعتيبي]

بقضل الألهه نفوز والراس طربان=ونرم العمايم يوم نكسب غنايمها
على الموقع الشخصي لحضرتك يفلان=نشوف العذارا منت قادر ترقمها

[عبدالله جبارالعتيبي]

أعتذر منك يالرهافي
ظرف طاري ساعه ورجع

[غالي الرهافي]

طموحك على روس المشاريف والظلعان = لكن خطوتك ماظني الحظ خادمها = نبي نحظر القاري ليا من دخلك جنان = علومن تغبر لحيتك ماتدسمها

[عبدالله جبارالعتيبي]

ترى الحظ من راعيه لازان والله زان=وتبقى الحرار فوكرها طول موسمها
على الموقع المشهور يفلان بالعنوان=لقيناك تايه منت عارف محازمها

[سعود بندر الحربي]

صحت الالسن

[غالي الرهافي]

لا سديت شي ولنت داري وش اللي كان = الادوار مجرها والاجوا مغيمها= ياراع البظاعه ردها داخل الدكان =بعد شفتها بطلت ماني بسايمها