منتدى العتبان

[عبادعاصم العصيمي]

اقرب شاعر من اهل المحل




ياقوم يامنتدى العتبان=عود سواليف هراجه
عز الله انه منول كان=وتال الزمن طاحت ابراجه

[عبدالله جبارالعتيبي]

ياصاحبي عوذالشيطان=والجزل موجود فسياجه
من ماضي الوقت لين الآن =ساسه حجر والذهب تاجه

[سنجار المري]

من ماضي الوقت لين الآن =ساسه حجر والذهب تاجه

الله وكبر مافيكم حيله وافين


وتقبلوا تحياتي

[عبادعاصم العصيمي]

والله لا فاضي ولا مليان=هروج وهروج منعاجه
اشوف اللي ضول فالميدان=لكنها ناس دواجه

[إدارة القسم]

موفقين وصحت الالسن

[عبدالله جبارالعتيبي]

أصابع اليد ماهي خوان=والذود معروف بخلاجه
سير على مطير والسلمان=وتلقى الدجاجه على صاجه

[عبادعاصم العصيمي]

مثل على ما تبا يافلان=كلن بعرفه ومنهاجه
ياجار لا تظلم الجيران=احسب لبكره وش تواجه

[عبدالله جبارالعتيبي]

البيت مبني على السيسان=وعلومنا ناروهاجه
الصدق مايزعل العربان=والله مبغى ولا حاجه

[عبدالله جبارالعتيبي]

من ماضي الوقت لين الآن =ساسه حجر والذهب تاجه

الله وكبر مافيكم حيله وافين


وتقبلوا تحياتي

هلا بالي له الخاطر يهلي
أبوناصر وجودك شرف

[عبدالله جبارالعتيبي]

موفقين وصحت الالسن

صح بدنكم

ونورتو الصفحه

[عبدالله جبارالعتيبي]

الليل يالعصيمي

[ذعير العالي]

عبد الله جبار بيض الله وجهك رد جميل وكافي وهنيك عليه وشكراً

[عبدالله جبارالعتيبي]

عبد الله جبار بيض الله وجهك رد جميل وكافي وهنيك عليه وشكراً

ذعير العالي
وجهك أبيض
ومرورك شرف

[عبادعاصم العصيمي]

البيت يبنى على العمدان= ون طاحت نطفي سراجه
لكن شايبكم المرضان =روحوا وهاتوا له علاجه

[عبدالله جبارالعتيبي]

لتوصي حصان ولدحصان=يعرف دخوله ومخراجه
ددسنك جتنا على البيبان=منكوب والضرب فحجاجه

[عبادعاصم العصيمي]

تقول والهرج بالمجان=ياشاوي(ن)يتبع انعاجه
الشاعر مسري القيفان=ماودي اسبب احراجه

[عبدالله جبارالعتيبي]

ياصاحبي واللسان مصان=أضبط مخارجه ونتاجه
في كل ميدان يحميدان=إركبك فوق زلاجه

[عبدالله جبارالعتيبي]

صح لسانك يبن عباد
وحياك في منتدى ربعك

[عبادعاصم العصيمي]

بالهون ياطير ابن برمان =ماينفع الفلم دبلاجه
اقول يا ملهي الرعيان=الباب قفلت مزلاجه

[محمد ناصر الأكلبي]

صحت الألسن


وأنا بدعت طاروق لبوجبار إثره مرتبط

وعلى راحتك الرد

يابوجبار لو تخليه بعدين!!

[عبادعاصم العصيمي]

لاحول ولا قوه الا بالله

الرجال بيلعب طاروقين في نفس الوقت

انا لله وانا اليه راجعون

[سـعـد الـعـصـيـمـي]

الله الله الله الله
طااااااروق معتبر ليته اكتمل بس
صحت السنتكم

[عبدالله جبارالعتيبي]

الله الله الله الله
طااااااروق معتبر ليته اكتمل بس
صحت السنتكم

صح بدنك ياسعد العصيمي
ومرورك شرف

[عبدالله جبارالعتيبي]

لاحول ولا قوه الا بالله

الرجال بيلعب طاروقين في نفس الوقت

انا لله وانا اليه راجعون


الله يهديك ياعباد
قلنا صح لسانك يعني إنتهت المحاوره
وصح لسانك مره ثانيه