المساعد الشخصي الرقمي

مشاهدة النسخة كاملة : اللي مايبغاني لايمشي سكتي يذلف وراه (حبيب والهاجري)

محمد المرشدي
26-Sep-2011, 05:14 PM
حبيب

الهاجري سلطان له عامين لابس له عباه !!! ولا درى ان الحيه ام جنيب داخل كمها

قلنا سلم منها لكنه ماستر ربي علاه !!! قدام يطلع راسها دمه شرب من سمها



سلطان

الهاجري سلطان يمكن مايباك ولا تباه !!! وانته ليا شفت البروق تلوح تنظر يمها

احد ن تربع بالفقر واحد ن تربع بالغناه !!! هاذي عرب في همها هاذي عرب في همها



حبيب

اللي مايبغاني لايمشي سكتي يذلف وراه !!! وام الكباير طبعها دايم مثل طبع امها

انته تزكيها وهي فالشرع مافيها زكاه !!! ياللي تحلل لحمها مدري تحلل دمها



سلطان

الا تعال ابنشدك رزق اليتاما من كلاه !!! قدام يوم ن تمدح اصحابك ويوم تذمها

انته توصيني وانا في ذمتي ماابغى وصاه !!! الذيب يعرف ريحة البارود يوم يشمها



حبيب

الذيب دايم متهم لوكان بطنه ماملاه !!! وانته من ادناها يابن وسام ليش تخمها

كلن يعرف ان الجراده ماتجيب الا دباه !!! حنا نسميها جراده وانت كيفك سمها



سلطان

الذيب من هاك السنه في جعبته تسعين شاه !!! اكل شياه الشاوي اللي فرقته ماضمها




وهنا بالصوت والصوره



http://www.youtube.com/watch?v=AM3J65Fkl5Y&feature=related
محمد الذيابـــي
26-Sep-2011, 05:43 PM
,’


محمد المرشدي مشكور يالغالي


طاروق مميز


,’
ابو فايح
26-Sep-2011, 09:45 PM
طاروق قمه لا أدري لماذا لم يستمر طويلا

ربما يكون المعنى من البدايه على علاقة الهاجري بقناة الساحه وبرنامج المعنى
ثم حاول الهاجري إتهام حبيب العازمي في حقوق شعراء مسابقة ولي العهد او غيرها


الهاجري
الا تعال ابنشدك رزق اليتاما من كلاه !!! قدام يوم ن تمدح اصحابك ويوم تذمها



حبيب

الذيب دايم متهم لوكان بطنه ماملاه !!! وانته من ادناها يابن وسام ليش تخمها




يا زين النقض على الإتهام


بيت قمه وتركيب وفكره فريده
خالد السويداني القحطاني
26-Sep-2011, 10:41 PM
محاورة عجيبه متعددة المعاني مره على مسابقة شاعر العرب
ومره على قناة الساحه والمرقاااب
وشعراء من الوزن الثقيل
ولعب رفيع المستوى
واول مره اشووف مستوى حبيب والهاجري
بهذا المستوى للئمانه
تحياااتي
لك اخي محمد المرشدي واشكرك
كل الشكر
بدوي 2011
27-Sep-2011, 02:23 AM
محاورة قمّــــة


وأبوفيصل ماشاءالله عليه قمّـــة وأداء ولا أرووع
الجوراسي
30-Sep-2011, 12:29 AM
ويلوموني فيك ياابو فيصل

شاعر لن تتكرر

اسفى على ملعبة لاتحضرها
الكاايد
30-Sep-2011, 04:59 AM
شرحك سرااااااا يالجوراسي :)

ابو فيصل مطنووووووخ الله يطول عمره وعمر الوزن الثقيل بن وساااام


شكراً يامحمد على التميز
محمد المرشدي
03-Oct-2011, 04:14 PM
لاهنتو يالربع على الردود اللي تبيض الوجه
الحافي 1
05-Oct-2011, 03:06 PM
يا سلام على المحاوره
مصر
05-Oct-2011, 03:31 PM
محاورة في قمة الروعة وحبيب كعادته مبدع
سعد بن مناحي بن شفلوت
07-Oct-2011, 11:12 PM
محاوره قمه ولاتستغرب منهم

تسلم ولاهنت