الليل ساري والرحاه تدور**خلص ديونك يا عضياني

[المسرّي]

الفالح مساك الله بالخيييييييييير
طاروق خفيف لطيف

استلم


الليل ساري والرحاه تدور= خلص ديونك يا عضياني
يوم الحرايب والفرود تثور = مااعتقك مني غير قحطاني

[ماجد الهذلي]

الله الله يالمسري

طاروووق طيب


منتظرين الفالح

شعراء كبار ومحاوره بتكون قويه

[ماجد الهذلي]

الله الله يالمسري
طاااروق طيب
وشعراء كبار

أنا في صفك يا مسري

مايهمك

تحياااتي

[ماجد الهذلي]

الله الله يالمسري
طاااروق طيب
وشعراء كبار

أنا في صفك يا مسري


تحياااتي

[مرزوق حمدان العتيبي]

الفالح مساك الله بالخيييييييييير
طاروق خفيف لطيف

استلم


الليل ساري والرحاه تدور= خلص ديونك يا عضياني
يوم الحرايب والفرود تثور = مااعتقك مني غير قحطاني

ياسلالالالالام يالمسري
محتاجين لمثل هالمحاورات الحماسيه
واصلوا
وينك يالشبح ؟
:)

[تذكار هايم]

اسلم اسلم

يالمسّري

صح لسانك

[علي فلاح العضياني]

دارت رحاها وانت مالك دور=عـجـيـب كان انك تحداني


يالغامدي كلمتك هذي زور=حنا الرجال اطوال الايماني

[علي فلاح العضياني]

مرزوق العتيبي

ماجد
تذكار هايم

الله لايهينكم على المرور


ولا تقاطعونا


الفالح

[المسرّي]

خلوووووووووووها

الله خلقني للمرض دكتور=واربّي العتبان من داني
الكلمه اللي سمعها الجمهور= ما لحقها زورٍ وبهتاني

[المسرّي]

ماجد
ونعم بحزاااااااامي

**************
مرزوق
تشرفني متابعتك طال عمرك

*************
تذكار
الله لا يعدمني منك
وصح بدنك يالغالي

[تذكار هايم]

خلوووووووووووها

الله خلقني للمرض دكتور=واربّي العتبان من داني
الكلمه اللي سمعها الجمهور= ما لحقها زورٍ وبهتاني


امبراطووووووووووووووووووووووووور


شعلللللللللللللللها


هههههههههههههههههههههههههه

[((الدلبحي))]

المسري _ الفالح

تسلمون على الابداع وصحة السنتكم

تحيااااااااااااااااتي

[علي فلاح العضياني]

اكشف على نفسك عن الخابور= انته من الخابور مرضاني

انا رفعت البيرق المنشور=ماهي ببدعه ورث جداني

[مرزوق حمدان العتيبي]

اكشف على نفسك عن الخابور= انته من الخابور مرضاني

انا رفعت البيرق المنشور=ماهي ببدعه ورث جداني

ياسلالالالالالالام ابداع
واصــــلوا

[معقل المجانين]

اليل ,,,,,,,,,,,,,,, اليل

تراني في صف الفالح

واسمعوياغامد

لاتزعل يالمسري
هذا الموقف الغصاب

شدحيلك يالفالح

[المسرّي]

اخطيت دربك يا عديم الشور= سحّر كلابك يا عريباني
لا وآغبون حبيب ومستور= الجيل الاول يرثي الثاني

[المسرّي]

تذكااااار
بيض الله وجهك يا محزمي

*********
الدلبحي
صح بدنك والله يحييك

*******
مرزوق ومعقل
الزعل ممنووووووووع
وكل(ن) يحتمي ماقفه
ولو اني ما بغيت العلوم ذي لكن الفااااالح حدني علاها

[بعيـد المرامع]

دارت رحاها وانت مالك دور=عـجـيـب كان انك تحداني


يالغامدي كلمتك هذي زور=حنا الرجال اطوال الايماني

الله الله

عزالله انك يالفالح على اسمك

والصفوف ازهلها ..والمسرّي تزهله :D

والليل الليل

[علي فلاح العضياني]

خلوووووووووووها
يالغامدي يا أكًال(......) الثور=ميراثكم من جدك الفاني

والله لسوقك سوق بالباكور=من عقبها ما عاد تنساني

[قرنــاس الصبيحي]

الفالح صح لسانك وصح لسانك يامسري


استمروووووووووووووووووووووووووا الى الابداع يااهل الابداع

[الفراهيدي]

المسري _ الفالح

تسلمون على الابداع وصحة السنتكم

تحيااااااااااااااااتي

[نايف الحميدي]

الفالح المسري
شعله بارود
شدو الحيل وانا في صف الفالح

[المسرّي]

استلم يالفاااااااالح

حنا ترى ما ناكل من السور=سواتكم يا عيال مسحاني
ما ضرنا ما قلت يا بلفور=وعودكم ما تقضي الشاني

[مرزوق حمدان العتيبي]

خلوووووووووووها
يالغامدي يا أكًال(......) الثور=ميراثكم من جدك الفاني

والله لسوقك سوق بالباكور=من عقبها ما عاد تنساني

ههههههههه
الله يرج بليسك يالفالح الثور هذي كيف طرت علاك ...
واصــــلوا وخلونا نستفيد ...
تحياتي

[ماجد الهذلي]

استلم يالفاااااااالح

حنا ترى ما ناكل من السور=سواتكم يا عيال مسحاني
ما ضرنا ما قلت يا بلفور=وعودكم ما تقضي الشاني


مسري واصل ومايهمك

تحياتي

[الحر الأشقر]

المســري لا هنت على هالطاروق واصلوا وحنا متابعينكم


الفالح لا هنت وبيض الله وجهك ودايم طال عمرك مبدع واصلوا







أخوكم / الحر الأشقر

[علي فلاح العضياني]

من مسحنا عان الك سبع شهور= لاتحسبن العلم يخفاني


في كل ليل ودمعتك شختور= صارت حياتك هم واحزاني

[تذكار هايم]

استلم يالفاااااااالح

حنا ترى ما ناكل من السور=سواتكم يا عيال مسحاني
ما ضرنا ما قلت يا بلفور=وعودكم ما تقضي الشاني


صح لسانك

ضربه قاضيه

واصلوووووووووووووووووووووو

[المسرّي]

خلووووووووووها

اعرفك ما تمسح ياكون التور=مبلي عسى ربي ما يبلاني
في كل يوم وحظكم معثور=من جدكم الاول "جهيماني "

[علي فلاح العضياني]

خلووووووووها
الغامدي ياكل من الميسور=لانن بطنه صار ملياني

تاريخنا بافعالنا مسطور=فعلن يروع كل جاباني

[المسرّي]

حمّلتك الليله حمول الجور=تشتالها لو كان زعلاني
مسطور لكن بالردى مذكور= بيت بلا طاقه وبيباني

[علي فلاح العضياني]

مخبور ياراع الحمل مخبور=الظاهر ان الربع عتباني

علمك على ربعك هذا محصور=تراك في كلمتك غلطاني

[المسرّي]

الفاااااااااااااالح
بيض الله وجهك وما قصرررررت
وترى الدعوووووووى مزووووووووح
يعني لا تزعل " عتيبه ولا غاااااااااامد "
تشرفت باللعب معك


*******************

اشكر كل من مر من هنا مشجع او مشارك او متفرج
وليعلم الجميييييييييييييييييييع اننا اخوااااااااااااااااااان
مهما طال الكلام اوقصر

[علي فلاح العضياني]

وانت مشكووووووووور يالمسري وماقصرت


والدعوى مزوح ما لاحقنا شك في ذلك

[تذكار هايم]

المسّري سلمت ويعطيك العافيه وتو الناس

الفالح يعطيك العافيه

مشكوووووووووووووووووورين اسمتعنا معاكم

[الـقناص]

الله يعطيكم العافيه
ماقصرتم

[عبدالعزيز بن جودان الرويس]

صحت السنتكم
لاهنتو على هالمحراف

[الفـــايز]

محاوره اكثر من رائعه تسجيل اعجاب