سلامي عدد شوح العروض بعساس الرين

[غالي الرهافي]

سلامي عدد شوح العروض بعساس الرين = سبايرت فيضن حدر المزن قيعانه = سما سامي الحروه وياجوج سد الصين =شفاليح قومن قادح السرد صوانه

[عبدالمجيد الثعلي]

هلا مرحبا ترحيب غالي وللغالين=وش شعور شاعر هذي اللي من ألحانه
ورى السور واجد مير بالسد محبوسين=وعطنا الخبر ياللي تغني على شأنه

[مشاري الشيباني]

غالي الرهافي

عبد المجيد الثعلي

صحت الالسن والقلوب

[عبدالله جبارالعتيبي]

غالي الرهافي
.
.
.
.
.عبدالمجيدالثعلي




صحت ألسنتكم

[غالي الرهافي]

ياعبد المجيد العلم في موقعة حطين =تقطع عقيد القوم راحو بقطعانه = تحرى لعام الفين واثنينه وعشرين =تشوف الشرار يطير من فوق دخانه

[عبدالمجيد الثعلي]

ياكم وقعة درات رحاها وصفـــ ى طحين=ويبقى عيار إم 11 فوق نيشانـه

أبو عين وحده شاف نيـات أبو قلبيـن=ولو ولــع الكبريت ناره بعيـدانـه

[عايش دحيم العتيبي]

صحت السنتكم

[غالي الرهافي]

تدور المعارك وانت وين انت رايح وين =ترى بندقك ياصاحبي مالها خانه= انا نيتي وحده ولا العب على الحبلين =اعرفك ذهين ولا انت من ناس وجعانه

[عبدالمجيد الثعلي]

بلاء اللي معه رخصة سواقه مع التأميـن=مانأمنـّه يصدم مـمنّ رقبتـه أمانـه

سماء الليل الأسوّد لو برّق كل شيء يبيـن=ولاتشتم الفارس وسرجه على حصانـه

[جمال منير]

الله الله
صح لسانك ياغالي
وصح لسانك ياعبدالمجيد

متابع متابع

ولا أدري وين تغدونها :) ههههه

[غالي الرهافي]

تصرف ياراع الموتر ايسار ولا يمين = لاتسرع مع الشارع وتصدم بعمدانه= تخيل البروق ان كان شوفك سليم العين = علام البشر من كلمة المدح زعلانه