الــوآفــي
17-Sep-2011, 02:23 PM
الشاعر حزام بن غدري الغبيوي ( رحمه الله ) ارسل رساله الى ابنه مقحم بن حزام بن غدري وهو في وظيفته بالرياض
رد عليها الابن مقحم والقصيدتين تعبر عن نفسيهما
يقول حزام رحمه الله
يامل قلب كل ماصبحت وامسيت = تقول يرمابه على موقد النار
ماجور ياقلب العنى اللي تعنيت = تكفى ورى يا قلب مانته بصبار
اشقيتني يالقلب وانته تشقيت = واعد الاشهر والليالي بالادوار
يا طرقي اللي من هل الحره انحيت = اوصل وصاتي كان طاريك محدار
على الرياض ان كان ولياك مريت = اسلم ولك لي على صقر الاوكار
يكثر الترحيب يوم انك الفيت = واجبك عنده من كبيرات الاوقار
ليا قال مقحم هات الاخبار حييت = قله تباطاناك وندير الافكار
منعك معروفك ومعه استكنيت = وقطعت من يمك مواصلة الاخبار
وابطيت في غربتك يا مقحم ابطيت = وارجيك رجوى كل مسني للأمطار
وانته على حضيتي كيف ما جيت = وانا منول طامعٍ فيك بالخار
بعد طمعت انك تجي صقر وارهيت = اليوم مادري عنك وش انت من طار
غاذيك وانته فرخ واليوم هديت = واحتجت صيدك يوم شطات الاسعار
ورزقي على الله مع يقين بتثبيت = لكن ما يرضي الفلس كل صقار
تكفى يا مقحم عقب ما فيك شوريت = اليوم اشوفك قمت تسقط فالانظار
ويقال لي قول وانا ما توحيت = مكذب فالقول واقول ماصار
وسكت فيما زل عنك وتحريت = ابا يجي شبرك ورا كل الاشبار
يوم الجهل عاذرك لو انك اخطيت = واليوم لا عاذر ولا معك معذار
اقفر ذنوبك عندنا ويش ضويت = اللي معك ضوو سياير وقصار
طمعت فيما زل واليوم ذليت = بعد بداللي كل عود بالاثمار
برقت في اهل العسكريه ولديت = فيما نعرف وما تجي عنه الاخبار
ان كانّك بالمرجله ما استهميت = والا حسبتك من عديمين الابصار
اسمع ترى والدك ينصحك يا شيت = هاك النصيحه كان ما عندك انكار
المرجله فأول شبابك ليا اخطيت = ليا شبت ما ذبلت رقعه ولا سار
ليا قل مالك عن مواجيبك ازريت = ومن جاك يبغا منك ماهوب عذّار
أطولك خلق الله وحطك ترديت = ويشتمك حين يروح من دار في دار
والناس ما تشقى بك ان رحت وان جيت = وتكتم خواطرها ليا جيت مرار
واينك تروح ابغيض لو ما تزريت = وشيمتك ما تسوالها ربع دينار
غريت فيما زل ها ثم غريت = مار انتبه والناس تعرف بالاذكار
ناساً تضم المال ويجيلها صيت = لو انها مال البرع عندها كار
لو كان في الدنيا شحاح ومشاميت = يجيلهم شيمه وقيمه ومقدار
وقليّلين المال تحسب سرابيت = ولا بد ما يمكر بهم كل مكار
واليا حفظت المرجله واستكفّيت = كفيت اذاك ولا تعرض للأشرار
وظليت وطن لمن يجي ناصي البيت = للضيف وطن وللمسايير والجار
ولا اكلت عرض احدٍ ولا فيه نمّيت = وكثر النميمه فالقفا مابها خار
تمسي جديد وكل صبح استجديت = مثل الليال اللي تجدد والاشهار
وليا قطعت اللازمه ما استخليت = الله ترى عبده نهاه عن الابذار
وليا ذكرت الله وخفته وصليت = وذكرت من يعلم خفيات الاسرار
وعفيت عن ما يكره الرب عفيت = وتبعت ما يرضيه والرب غفّار
يالعبد لا تجهل بعد شفت واوحيت = اعمل بقول الرسل هدي وانذار
الله عليم بما تبين وما اخفيت = وهو المصير الراحم النافع الضار
وليا جلست بمجلس حيث مريت = اسمع ترى للهرج عبره ومعبار
وليا بدا وجهك ومن هرجك ابديت = احذر تجيب اللي مقطعة الاعقار
لا تكثر الهرجه بسوو وسويت = ليا جيت لك في مجلس فيه ثمّار
وليا حدا داعاك والا انت داعيت = اقطر دروب الصدق ويجيب الاقرار
الحق ما يصدر بليّا تثابيت = والكذب ما تورد حباله وقصّار
ترى ليا لاغى خصيمك ولاغيت = تناشت القالات بكبار وصغار
واصبر وكب معارضة كل ماوحيت = ومردودكم للحق والحق محكار
واختم كلامي عد من حج للبيت = بذكر الله اللي من ذكر ذكره اختار
وبعد ان وصل المرسول الى مقحم رد بهذا الرد
يا مرحبا يالطرقي اللي تعنيت = يا مودي اخبار ويا جايب اخبار
من أعلى المحاني تاصٍ الشرق والفيت = عسى السلامه من طويلات الاسفار
جاني معك وصيةٍ مالها صيت = من والدي فيها تشره وتذكار
عزالله اني يوم وصيت وفيت = وانا بعد بأوفيك يا مرسل الخار
واليا قضيناواجبك واستعديت = تبغى ديارك عقب ما جيت زوار
اعطيك مكتوب بيمناي خطيت = للوالد اللي غرب في نازح الدار
وزود على المكتوب سلم ليا جيت = سلام احلى من لبن در الابكار
سلم على الوالد وبلغ هل البيت = سلام مشتاق عليه الدهر جار
قله تراني عنك ما قد صديت = اشيل حملك ما نقصته وصبار
وانا احسبني عن مواجيبك اوفيت = وانته تمثلبي على شاة جزار
قدّمت ما عندي ولا عنكم أخفيت = ولالي بها فضل ولا زود مقدار
وانا تراني عزوتك وان تعزويت = والكير من دون الجناحين ما طار
كان الفتى ما شال حمل النعاتيت = خله لعله عند قصاف الاعمار
وانا وحيد اليا نويت وتهقويت = وللناس هقوات صغيرات وكبار
ما دمت انا وحدي عزمت وتحديت = وان ما رفعتك فوق ما عاد ابي خار
اما قدح زندي ومنه استمديت =حياة عز ولا حياة بها عار
وان كان ما دست الخطر واستعزيت = مشيي مع اسناني على الضعف معيار
وفي غربتي لا تحسب اني تعنيت = هموم قلبي وارداتٍ وصدّار
شربت كاس الهم غصب وعلّيت = وعيني حربها النوم بالدمع مدرار
ولا ينفع المهموم يابوي ياليت = مازال ما داس الفتى درب الاخطار
عار عليه يقول ياليت سويت = وحرام يجلس مجلس فيه الاخيار
وان سالتني عن ما مضى ويش حبيت = ويش اختياري مع طويلين الاشبار
فالاستقامه ماشيٍ ما تدريت = ودرب العلا نرقاه لو دونه اعسار
درب العلا يابوي ما عنه زليت = ولاني برغاي وبالحمل هدّار
وترى الشكاله مطلبي ما تراخيت = امشي طريق المجد بالسر وجهار
وان كان عن درب المعالي تنحيت = اخذ العوض فيّه من الخالق البار
امشي على دربك ولا منه ملّيت = دربٍ رسمته مالنا فيه مخيار
وفي منزلك ننزل ليامنه شديت = ودون اللوازم ما نحسّب لمخسار
عهد علي اوفيه ما عنه كليت = مادام راسي حي ما طقه الغار
اوفيه لو ان المراجل شفاليت = والنقص ماله فالمواجيب مسعار
ويالله يا علّام مابديت واخفيت = يا عالمٍ مكنون عبده وما صار
لن كان في درب الخطا ما تماديت = تفرج لعبدك يوم لوذات الافكار
وختامها وصّل ردودي تعافيت = يامودي اخبار ويا جايب اخبار
رحم الله حزام بن غدري وابقى الله ابنه متعافيا
رد عليها الابن مقحم والقصيدتين تعبر عن نفسيهما
يقول حزام رحمه الله
يامل قلب كل ماصبحت وامسيت = تقول يرمابه على موقد النار
ماجور ياقلب العنى اللي تعنيت = تكفى ورى يا قلب مانته بصبار
اشقيتني يالقلب وانته تشقيت = واعد الاشهر والليالي بالادوار
يا طرقي اللي من هل الحره انحيت = اوصل وصاتي كان طاريك محدار
على الرياض ان كان ولياك مريت = اسلم ولك لي على صقر الاوكار
يكثر الترحيب يوم انك الفيت = واجبك عنده من كبيرات الاوقار
ليا قال مقحم هات الاخبار حييت = قله تباطاناك وندير الافكار
منعك معروفك ومعه استكنيت = وقطعت من يمك مواصلة الاخبار
وابطيت في غربتك يا مقحم ابطيت = وارجيك رجوى كل مسني للأمطار
وانته على حضيتي كيف ما جيت = وانا منول طامعٍ فيك بالخار
بعد طمعت انك تجي صقر وارهيت = اليوم مادري عنك وش انت من طار
غاذيك وانته فرخ واليوم هديت = واحتجت صيدك يوم شطات الاسعار
ورزقي على الله مع يقين بتثبيت = لكن ما يرضي الفلس كل صقار
تكفى يا مقحم عقب ما فيك شوريت = اليوم اشوفك قمت تسقط فالانظار
ويقال لي قول وانا ما توحيت = مكذب فالقول واقول ماصار
وسكت فيما زل عنك وتحريت = ابا يجي شبرك ورا كل الاشبار
يوم الجهل عاذرك لو انك اخطيت = واليوم لا عاذر ولا معك معذار
اقفر ذنوبك عندنا ويش ضويت = اللي معك ضوو سياير وقصار
طمعت فيما زل واليوم ذليت = بعد بداللي كل عود بالاثمار
برقت في اهل العسكريه ولديت = فيما نعرف وما تجي عنه الاخبار
ان كانّك بالمرجله ما استهميت = والا حسبتك من عديمين الابصار
اسمع ترى والدك ينصحك يا شيت = هاك النصيحه كان ما عندك انكار
المرجله فأول شبابك ليا اخطيت = ليا شبت ما ذبلت رقعه ولا سار
ليا قل مالك عن مواجيبك ازريت = ومن جاك يبغا منك ماهوب عذّار
أطولك خلق الله وحطك ترديت = ويشتمك حين يروح من دار في دار
والناس ما تشقى بك ان رحت وان جيت = وتكتم خواطرها ليا جيت مرار
واينك تروح ابغيض لو ما تزريت = وشيمتك ما تسوالها ربع دينار
غريت فيما زل ها ثم غريت = مار انتبه والناس تعرف بالاذكار
ناساً تضم المال ويجيلها صيت = لو انها مال البرع عندها كار
لو كان في الدنيا شحاح ومشاميت = يجيلهم شيمه وقيمه ومقدار
وقليّلين المال تحسب سرابيت = ولا بد ما يمكر بهم كل مكار
واليا حفظت المرجله واستكفّيت = كفيت اذاك ولا تعرض للأشرار
وظليت وطن لمن يجي ناصي البيت = للضيف وطن وللمسايير والجار
ولا اكلت عرض احدٍ ولا فيه نمّيت = وكثر النميمه فالقفا مابها خار
تمسي جديد وكل صبح استجديت = مثل الليال اللي تجدد والاشهار
وليا قطعت اللازمه ما استخليت = الله ترى عبده نهاه عن الابذار
وليا ذكرت الله وخفته وصليت = وذكرت من يعلم خفيات الاسرار
وعفيت عن ما يكره الرب عفيت = وتبعت ما يرضيه والرب غفّار
يالعبد لا تجهل بعد شفت واوحيت = اعمل بقول الرسل هدي وانذار
الله عليم بما تبين وما اخفيت = وهو المصير الراحم النافع الضار
وليا جلست بمجلس حيث مريت = اسمع ترى للهرج عبره ومعبار
وليا بدا وجهك ومن هرجك ابديت = احذر تجيب اللي مقطعة الاعقار
لا تكثر الهرجه بسوو وسويت = ليا جيت لك في مجلس فيه ثمّار
وليا حدا داعاك والا انت داعيت = اقطر دروب الصدق ويجيب الاقرار
الحق ما يصدر بليّا تثابيت = والكذب ما تورد حباله وقصّار
ترى ليا لاغى خصيمك ولاغيت = تناشت القالات بكبار وصغار
واصبر وكب معارضة كل ماوحيت = ومردودكم للحق والحق محكار
واختم كلامي عد من حج للبيت = بذكر الله اللي من ذكر ذكره اختار
وبعد ان وصل المرسول الى مقحم رد بهذا الرد
يا مرحبا يالطرقي اللي تعنيت = يا مودي اخبار ويا جايب اخبار
من أعلى المحاني تاصٍ الشرق والفيت = عسى السلامه من طويلات الاسفار
جاني معك وصيةٍ مالها صيت = من والدي فيها تشره وتذكار
عزالله اني يوم وصيت وفيت = وانا بعد بأوفيك يا مرسل الخار
واليا قضيناواجبك واستعديت = تبغى ديارك عقب ما جيت زوار
اعطيك مكتوب بيمناي خطيت = للوالد اللي غرب في نازح الدار
وزود على المكتوب سلم ليا جيت = سلام احلى من لبن در الابكار
سلم على الوالد وبلغ هل البيت = سلام مشتاق عليه الدهر جار
قله تراني عنك ما قد صديت = اشيل حملك ما نقصته وصبار
وانا احسبني عن مواجيبك اوفيت = وانته تمثلبي على شاة جزار
قدّمت ما عندي ولا عنكم أخفيت = ولالي بها فضل ولا زود مقدار
وانا تراني عزوتك وان تعزويت = والكير من دون الجناحين ما طار
كان الفتى ما شال حمل النعاتيت = خله لعله عند قصاف الاعمار
وانا وحيد اليا نويت وتهقويت = وللناس هقوات صغيرات وكبار
ما دمت انا وحدي عزمت وتحديت = وان ما رفعتك فوق ما عاد ابي خار
اما قدح زندي ومنه استمديت =حياة عز ولا حياة بها عار
وان كان ما دست الخطر واستعزيت = مشيي مع اسناني على الضعف معيار
وفي غربتي لا تحسب اني تعنيت = هموم قلبي وارداتٍ وصدّار
شربت كاس الهم غصب وعلّيت = وعيني حربها النوم بالدمع مدرار
ولا ينفع المهموم يابوي ياليت = مازال ما داس الفتى درب الاخطار
عار عليه يقول ياليت سويت = وحرام يجلس مجلس فيه الاخيار
وان سالتني عن ما مضى ويش حبيت = ويش اختياري مع طويلين الاشبار
فالاستقامه ماشيٍ ما تدريت = ودرب العلا نرقاه لو دونه اعسار
درب العلا يابوي ما عنه زليت = ولاني برغاي وبالحمل هدّار
وترى الشكاله مطلبي ما تراخيت = امشي طريق المجد بالسر وجهار
وان كان عن درب المعالي تنحيت = اخذ العوض فيّه من الخالق البار
امشي على دربك ولا منه ملّيت = دربٍ رسمته مالنا فيه مخيار
وفي منزلك ننزل ليامنه شديت = ودون اللوازم ما نحسّب لمخسار
عهد علي اوفيه ما عنه كليت = مادام راسي حي ما طقه الغار
اوفيه لو ان المراجل شفاليت = والنقص ماله فالمواجيب مسعار
ويالله يا علّام مابديت واخفيت = يا عالمٍ مكنون عبده وما صار
لن كان في درب الخطا ما تماديت = تفرج لعبدك يوم لوذات الافكار
وختامها وصّل ردودي تعافيت = يامودي اخبار ويا جايب اخبار
رحم الله حزام بن غدري وابقى الله ابنه متعافيا