مصافحه الى

[ذيب السلطان]

بسم الله الرحمن الرحيم







الكلمه الي ماتناسب مقامي=حشمت نفسي والرياجيل عنها
من خوف يلحقني عليها ملامي=وابلش بها قبل اتغانم رسنها
حسبي على شرهاتكم يالكرامي=الي تعدت شامها مع يمنها
الكلمه الي وقعها في عظامي=سجيت فيها كيف ابسج عنها
والطلقه الي دقرت في حزامي=ترهب عدوي والخوي ماضمنها
باقول والنبره اترجم كلامي=الي صداها مايشابه لحنها
الرميه الي جات من غير رامي=انا بري منها واخالف سننها
خوة هل المعروف غاية مرامي=والمعرفه ماتسعد الي دفنها




وسلامتكم

[فهد العازمي العتيبي]

،،،

صح لسانك ولاهنت ،،،

[خالد بن مبيريك]

هلابك والله



صح لساانك ولاهنت


تحياتي

[مرزوق حمدان العتيبي]

..

.
ابيات جزله
صح لسانكــ

[محمد الذيابـــي]

,’



صح لسانك يالذيب .


,’

[ذيب السلطان]

الله يعطيكم العافيه


وسامحوني على القصور

[قناص القوافي]

الله الله
ذيب السلطان
صح لسانك على الجزله
والي مثلك وشرواك بعيد عن العيب والزلات
ولايهون جميع اخواني الاعضاء
تحيتي

[فايز بن سرحان الثبيتي]

صح بدنك ياذيب بالفعل ابيات جزله تنم عن تجربه قويه


لو ان هناك علامة استفهام حول هذا البيت ؟؟

والطلقه الي دقرت في حزامي
ترهب عدوي والخوي ماضمنها

[محمد الذيابـــي]

,’


تم التنسيق ....

وطريقة التنسيق موجوده في موضوع مثبت فالاعلى امل الاستفاده.


,’

[ذيب السلطان]

اشكرك ياقناص القوافي هذه شهاده لااتوضع الا على الصدر



الكلمه الي دقرت في حزامي
ترهب عدوي والخوي ماضمنها


بيت واضح جداً ولااعلم كيف افسرها لك

ولكن هي الكلمه الي في لساني
ومن المستحيل ان تخرج ولكنها اخافت العدو التي لم يعرفني جيداً
ولو كان يعرفني جيداً اصبح صديقي الذي لم يتوقع كلمه مني تسحق العدو وتسكته



هذي هي ان صح التعبير


للعلم لم ادخل هنا لكي استمتع بكلمة صح لسانك
بل تواجدي هنا للنقد البناء الذي يكون منك ياخي الكريم



اشكرك






واشكر من نسق القصيده ويستاهل حبة خشم

[فايز بن سرحان الثبيتي]

حياك الله ياذيب ولكن المفهوم من البيت هو ان خويك القريب لا يضمن الرصاصة التي في حزامك وهذا تشبيه غير سليم "

اعتذر عن اي تجاوز "


في انتظار جديدك بلا شك "