فتى الظهران
14-Sep-2011, 05:04 PM
قالوا العربان صاحبك الاول وين راح ؟=قلت صحبة ذا ومثله مهيب مشرفه
راح جعله روحة الطير خفاق الجناح= والتقاه اللي يحبه عساه يخرفه0
لايحسب انه حسرني نزوحه يوم زاح= وان دمعي كل يوم عليه اذرفه
مافقدت الا الغثا والمشاكل والصياح=والردى اللي فوق راس اللسان مطرفه
كل يوم والخواطر يمليها جراح= المزاج يعكره والكلام يحرفه
مثل هذا افرح لياراح وابشر بالفلاح=كل ماقفت به ركاب الزمان مهرفه
علم اللي تو مازاف له عشب المراح=لايغره لو يشوف الغصون مورفه
الوخام وعشبة الدار مافيها صلاح=ان عرف ولا لابد الزمان يعرفه
من كفاه الله شر المخاليق استراح=لو مايملك غير شي بسيط يصرفه
ابن عباد السلولي
راح جعله روحة الطير خفاق الجناح= والتقاه اللي يحبه عساه يخرفه0
لايحسب انه حسرني نزوحه يوم زاح= وان دمعي كل يوم عليه اذرفه
مافقدت الا الغثا والمشاكل والصياح=والردى اللي فوق راس اللسان مطرفه
كل يوم والخواطر يمليها جراح= المزاج يعكره والكلام يحرفه
مثل هذا افرح لياراح وابشر بالفلاح=كل ماقفت به ركاب الزمان مهرفه
علم اللي تو مازاف له عشب المراح=لايغره لو يشوف الغصون مورفه
الوخام وعشبة الدار مافيها صلاح=ان عرف ولا لابد الزمان يعرفه
من كفاه الله شر المخاليق استراح=لو مايملك غير شي بسيط يصرفه
ابن عباد السلولي