أنصحك بالدخول .!

[بـدر الـروقي]

بسم الله الرحمن الرحيم ..

أخواني أعضاء وزوار منتدى قبيلة عتيبه الهيلا ..

أسعد الله أوقاتكم بكل خير ..



أضع بين أيديكم هذه القصيده وأتمنى أن تنال على أعجابكم ..وتحظى بالقبول ..




ياسعــود ..


ياسعود لاتنشد عن الحال وشفيه = عمري براه الهم بأول شبابه
همن بجوف الصدر ياسعود مخفيه =وغيرك ترى ياسعود محدن درابه
آشكي عليك الحال واللي بدا فيه = الحزن في قلبي منوّخ ركابه
حتيش لو حزني عن الناس كانيه = لابد ماتظهر عليَ الكآبه
بالليل اسلي خآطري من بلاويه = لكنْ ماسرع فرحته وآنقلابه
هذي ثلاث ايام والعين تبكيه = وش عاد لو الزين طول غيابه
ان جيت اكفّ الدمع زادت مجاريه = وزوّد على نفس المولع عذابه
أن مرني طيفه أضمه وأداريه = ماغير أضم الريح والريح جابه
أفرح ليامن حل ذكره وطاريه = وأعيش في فرحة خفوق اهتنابه
أسج رجلي يمّ بيته وأناجيه = بيني وبينه مابقى غير بابه
يردني عنّه سلوم ومشاريه = ياحيّ ذاك البيت واللي ربابه
اي والله أني عاشقه حيل وأغليه = والله يستر كان هجري نوابه
وياسعود كانك تنشد الحال وشفيه = اسأل عيوني كان تبغى الأجابه

وسلاااامتكم ..

بـدر الـروقي ..

[محمد الذيابـــي]

وياسعود كانك تنشـد الحـال وشفيـه=اســأل عيـونـي كــان تبـغـى الأجـابـه


الله عليك يابدر قصيدة رائعه من شاعر رائع

نتمنى منك المزيد من الابداع


تقبل مروري يالغالي

[بـدر الـروقي]

صح بـدنك ..

ولاهنت ع المرور ..


ملاحظة : أي مراقب يدخل هنا .. أتمنى أنه ينسق القصيدة لأني عدلت عليها وراح التنسيق وأطلب المطور ولا يطلع لي .. والله لايهينكم ..

تحيتي ..

[خالد بن مبيريك]

أنصحك بالدخول .!
بـدر الـروقي






يابدر


لن ازيد على ابداعك حرف واحد



تحياتي

[عبدالله بن سليم]

آشكي عليك الحال واللي بدا فيه = الحزن في قلبي منوّخ ركابه



صح لسانك يا بدر .. والله يفرجها عليك ,,

[الموج]

أفرح ليامن حل ذكره وطاريه = وأعيش في فرحة خفوق اهتنابه
الاخ بدر الروقي صح لسانك قصيدة رائعه
الموج \ابو حاتم

[سيف نت]

صح لساااااااااااااااااانك