راشد السحيمي و فيصل الرياحي"رحمه الله" طاروق رائع

[مهجرس]

راشد السحـيمي=
يامرحبا ترحيبة منها على صدري وسام=فحلال حرب أهل الفعول الأولة و التالية
قالوا معك فيصل و قلت النور أخير من الضلام=قـدوة لشعار البقوم أهل القصور العالية

.=
.=


فيصل الريــاحي=
دام البقاءو الله يوفقنا على درب النظام=أنتم و حنا مانبأ غير العلوم الغالية
أنا معك حاضر و لاني بألحق الطيب ملام=لكن خل القلب سالي مع قلوبٍ سالـية

.=
.=


راشد السحيمي=
مانتهمك بنقص ما أنته في محل الاتهام=رجال ماتغلط و غلطات الدهر متوالية
قلتم شعيل يشيلها قلنا شعيل أعـوج سنام=لكن ياويل الجمل لو يزعـــــل الجمالية

.=
.=

فيصل الريـاحي=
ياصاحبي ياصاحبي بين الرياجيل أحترام=و أن راحت أسلوم العرب ماتنفع الاموالية
أنته دخلت الحرب ياراشد و شديت الحزام=لكن خف ربك ترى الجـنات بالاعمالية

.=
.=

راشد السحـيمي=
ان حاش أبن منصور خمس أصوات مافيها كلام=فايز بكأس العــــالم اللي نظمته إيطاليه
لعلها لوقعت فالجلد ماتصل العظـام=قدرتك يامنش اللحم فوق العظام البالية

.=
.=

فيصل الرياحي=
أن راحت الافعال يارجال مافاد الكـلام=بجلس مع الخمسة و أخير من الديار الخالية
بعض العرب لانام ياراشد يضيعه المنام=يقــــدر يعمر له قصور فالحلام الحالية


.=
.=

راشد السحيمي=
لاصرت شيخ أنشدك وش فرق الحلال من الحرام=هناك زعلت جاليةو اهناك زعلت جالية
يمكن نواصـل شـغـلـنا و أنـخـلي الجـمعة دوام=لولا جوازات المدينة كثرت العمالية

.=
.=

فيصل الرياحي=
ماني بمفتي مير أعرف الاجر و أعرف الآثام=و الفرق واضح مثل فرق الخيل و الخيالية
خلك مع العالم نصيح القلب و علومك تمام=و الغرب فيه إجبالية و الشرق فيه إجبالية



ارجوا من الاخوان تحليل هذه المحاورة .... و خصوصاً ابو فايح مانستغني عن مروره و تحليله

[ابو فايح]

لا هنت يا مهجرس


المعنى ما عندي خبر فيه ولكن كأن السحيمي يلوم الرياحي الله يرحمه على خطأ يراه منه


الله يرحم ابو بدر ويطول عمر السحيمي

[قاسي العتيبي]

طاروق فعلاً قوي قوي
الله يرحم فيصل ويطوًل عمر راشد

[محمد الذيابـــي]

الله يرحم الرياحي


طاروق رائع مشكور يالغالي

[طلب الشيباني]

مهجرس حيآك الله ..



اذا تاريخ المحاوره قريب وأقصد به بعد شاعر المعنى من نسخته الاولى ..



فأتوقع والعلم عند الله أنه كان المقصود به فيصل الرياحي وجلوسه بلجنة التحكيم ..



وكثير من الابيات تدل على ذلك ..



الا اذا كانت قديمه فأنني لا اعلم ..




تحياتي

[السفراني]

ربما فيصل أشاد بشاعر غير كفو ويلومه راشد على ذلك والعلم عند الله