قصيدة نصح للعملاق / خلف بن هذال العتيبي

[القناص 2012]

يقول :-



النذل خل البير بينك وبينه
احذر تجي بينه وبين البير



يرميك فيها غافل في سكينه
يستغبي اللي ما معه تفكير



يسحنك في قلبه ويقرص بعينه
ويقرضك بالغيبه بغير وغير



طبايعه من ردوه الحظ شينه
اطبوع كلب انجس من الخنزير



من ضاع دينه خان وانكر خدينه
فرقاه اخير ان كان ما به خير



تقعدوا يا اهل القلوب الفطينه
قصّوا لسانه ودهنوا له سير





منقول

[علي الدغيلبي]

صح آلله لسآن شآعر آلوطن : خلف بن هذآل .. وهذه آلجزآله ليست مستغربه من شآعر كبير مثل آبو هذآل

.. وآلشكر موصوول لك آخوي آلقنآص .. على هذ آلنقل ..

[القناص 2012]

صح بدنك يالغالي ولاهنت على المرور

وشاكر لك حضورك

[محمد بن عديس]

القناص يعطيك العافيه اولا

ثانيا من وجهة نظري ان هذه القصيده ليست لخلف او يمكن ان تكون لخلف ولكن هناك اخطاء املائيه بالنقل

لأن اغلب البيوت مكسره وحنا نعرف خلف وشعره

وفالآونه الاخيره كثروا أعداء الشاعر الذين يقومون بنقل قصائد مكسره وبدائيه بأسم شاعر الوطن خلف بن هذال

[غالب الذيابي]

القناص يعطيك العافيه اولا

ثانيا من وجهة نظري ان هذه القصيده ليست لخلف او يمكن ان تكون لخلف ولكن هناك اخطاء املائيه بالنقل

لأن اغلب البيوت مكسره وحنا نعرف خلف وشعره

وفالآونه الاخيره كثروا أعداء الشاعر الذين يقومون بنقل قصائد مكسره وبدائيه بأسم شاعر الوطن خلف بن هذال



ابن عديس،، انا قبلك اعتقدت هالاعتقاد .. اذا كانت لخلف فهي من البدايات ،، وانا راح اتصل هالحين

واعطيكم الخبر اليقين.
:
:
:
:

[محمد بن عديس]

الله لا يهينك يا غالب

ونحن بإنتظاركـ

[محمد الذيابـــي]

لاهنت يالقناص


قصيدة فيها من النصح الشي الكثير

[القناص 2012]

اخواني الاعزاء

اشكركم على المرووور

واتفق معكم ان القصيده من بدايات خلف

وهذا اللي توقعته سابقا

والقصيده مكرره ومنقوله من نفس هذا المنتدى

وناقل الكفر ليس بكافر

كنت حريص على النصح اللي فيها اكثر من الاهتمام بغيره

ولو نبي نتابع ونصحح كل مايطرح في المنتديات ماراح نخلص

خذوا الفائده واتركو غيرها

وتقبلوا تحياتي