حرفي البريء

[جمال منير]

السلام عليكم
.
.
.



وقـفّـت أنــا حـيـران مــن حـيـرة أمـــري=ودّي اغـــنّـــي والـمـشــاعــر شـحـيــحــه
الحـرف واقـف بيـن حلـقـي وصــدري=ويمـكـن يطـيـح وندّفـنـه فــي مطـيـحـه
مـكــبــوت مـــــع آلآم وقـــتـــي وكــــــدري=ومحـروم يطـرب فالفيـاض الفسيـحـه
وعـن الجدايـد مـن نشـد قلـت مــدري=ومـن أول أطمـع فـي لسـان الذبيحـه
الهامـي الرسمـي بعـد كـان حـصـري=فيـه القصـيـد الـعـذب وأغـلـى مديـحـه
غاب ورحل من بعد سيسّت جدري=وانـهــار مــثــل جــــدار غــــزه واريــحــه
وأمسيت ضايق بال..مشلول فكـري=وضيعت بيـن المخطيـه والصحيحـه
قـولـوا لـــه يـعّــود بـعّــد طـــال صـبــري=لــو كــان ماتـبـرى النـفـوس الجريـحـه
عـلـى الاقــل يـرجـع برجعـتـه شـعــري=من غاب غابت معه حتى القريحه
.
.
.
وسلامتكم

[مرزوق حمدان العتيبي]

..

.

صح لسانك جميل ماكتبت
ياجمال ...

[محمد الذيابـــي]

وعن الجدايد من نشـد قلـت مـدري
ومن أول أطمع فـي لسـان الذبيحـه


تصوير جميل من شاعر جميل كجمال

لاهنت يالغالي

[جمال منير]

الاخ / مرزوق حمدان,,,

صح بدنك يالغالي,,

ولاخلا ولاعدم,,

[عبدالرحمن العتيبي]

"
"

على الاقل يرجـع برجعتـه شعـري
من غاب غابت معه حتى القريحـه



الله عليك يا جمال صح لسانك يا شعر ،،،

[فهد رشيد الزلامي]

قولـوا لـه يعّـود بعّـد طـال صبـري
لو كـان ماتبـرى النفـوس الجريحـه
على الاقل يرجـع برجعتـه شعـري
من غاب غابت معه حتى القريحـه


صح لسانك ...واعتلى شانك... والله يرده لك نبي نستمتع بما تكتب .

[جمال منير]

الاخ/ محمد الذيابي
شكراا شكراا على الاطراء والحضور
لاعدمناك

[فهد العازمي العتيبي]

...

صح لسانك ولاهنت

ويعطيك العافيه ،،،

[جمال منير]

الاخ/عبدالرحمن: هلابك وشكراا على المرور
وصح بدنك
ولاخلا ولاعدم

[جمال منير]

الاخ: فهد رشيد: شكرااا على مرورك الرائع
وصح بدنك
ولاعدمناك

[جمال منير]

الاخ /فهد العازمي: الله يعافيك
وصح بدنك يالغالي