اجمل بيتين فتل ونقض والمشاركة للجميع

[الفراهيدي]

بسم الله الرحمن الرحيم
اخواني اعضاء منتدى الهيلا
السلام عليكم ورحمة الله ةبركاته

فكره بسيطه الا وهي ولمن يريد المشاركه ياتي من قوله او من منقوله اجمل بيتين فتل ونقض
سواً لشعرا كبار او غير دلك

اخواني ارجو المشاركه لكي تعم الفائده الجميع




















تحياتي,,,,,,,,,,,,,( الفرهيدي ),,,,,,,,,,,,,تحياتي

[الفراهيدي]

مطلق الثبيتي :
لوانه رجل يستاهل صناديق الذهب لاباس=لكنه واحدن جاهل واعده مثل ورعاني


حبيب العازمي :
انا الشاعر وأنا الماهر وانا السابح وانا الغطاس=وانا اللي لوتدرهم يالثبيتي ماتعداني



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ


قال ..صياف الحربي :

انا وانت فالميدان شعلة وبارود=ولا ينفع الطرقي حليب المراعي



فرد ...حبيب العازمي :

انا وانت فالميدان والسيف محدود=واظن الدوا يبرى القلوب الوجاعي


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ


قال ابن تويم
ترى هذي الديرة يسمونها ام سباع=وفيها سباع تاكل الذيب سرحاني


فرد المسعودي عبدالله
وانا جيتها فالصيف ماجيت فالمرباع=وش تقول جيت السبع والسبع ماجاني

[privehart]

وابيات جميله وجوهريه ويعطيك الف عافيه على اختيارك ونعدك بالمشاركه قريباً انشاء الله

[((الدلبحي))]

الفراهيدي

بيض الله وجهك وابشر بالمشاركه

تحيااااااااااااااااتي

[نايف العبيد العتيبي]

تسلم الفراهيدي وابيات حلوة وشعر رائع

من شعراء عمالقة :::::::::::

واتمنى الشباب يتحفوننا بما لديهم من نقض وفتل :::::::

تقبل شكري وتقديري

أخوك الوسم

[الفراهيدي]

privehart
حيك الله ولاتحرمنا من مشاركاتك

الدلبحي
شكرأ على مرورك

الموسم
حياك الله

[الفراهيدي]

يقول : حبيب العازمي
والله لولا ربعنا الغالين عتبان=لاشب ناراً ماتطفيها المطافي


فرد : معيوض الثبيتي
والله لو أنك جبل لا أصير بركان=وتشوف شئً مايغطية اللحافي

[ماجد الهذلي]

الفراهيدي بيض الله وجهك على هذه الفكره الرائعه

[الــغــازي]

الفراهيدي

بيض الله وجهك

وبشر بالمشاركة


__________
قال الجبرتي
عيوني يابسه والراس يابس والعظام يبوس
..................................أشوف الضلع قد الحبحبه والحبحبه قده



فرد عبد الله المسعودي
تبى تابس عظامك دامت أنك تشتغل بفلوس
..................................بعير يأكل الضرمه يبى يصبر على الكده

[ابن هليل]

الفراهيدي بيض الله وجهك على هذه الفكره الرائعه

ويعطيك الف عافيه على اختيارك

ونعدك بالمشاركه قريباً انشاء الله

[المسرّي]

بيض الله وجهك يالفراهيدي
فكره رائعه ومجهود قيم



وهذي مشااااركه :
ملفي المورقي :

ما تركت الرياض وجيت لسليم غازي = غير بانتف رموش الذبذبه والزحيمي

رد دخيل الزحيمي :

انت نعرفك نجدي كيف تصبح حجازي= روح هات الكبار العازمي والعصيمي

[علي فلاح العضياني]

كانت هذه المحاوره في حفركشب



زيد
سلام رديه تسوي جسر بين الدولتين=تدفع عتيبه عن حدود مطير يم حدودها

حبيب
يامرحبا ترحيبةٍ مثل الرحا تطحن طحين=تقلع مطير من المنازل مع دروب جدودها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شليويح المطيري
عقب ما انته عسكري بالفرقه اللي في حولًي= مادرينا كيف حطوك العرب ريس جهامه
الزلامي
المكان اللي نزلته من قديمٍ منزلٍ لي=وانت مثل بعيرٍ اجرب لاشداد ولا مسامه

[ابن هليل]

فكره رائعه يالفراهيدي

مطلق الثبيتي

يالعصيمي معاشك من بنوك اليمامه

@@@@@@والا أنا من بنوك اللله يجيني معاشي


جبت ستين شيخ وكل شيخ بعلامــه

@@@@@@ جعلهم عند سيلً بارقه فالمناشــــــــي




مستور العصيمي

أنت رزقك يجي لك من جحلط تهامه

@@@@@@ مزنةً مالحقنا من طرفها رشــــــاشي

اطلب الله يامطلق في طريق السلامه

@@@@@@ لأنت قاطع نصيب ولا نت خادم بلاشي


وسلامتكم

[الفراهيدي]

قال احمد الثبيتي

نبا نقفل الليلة على مشرع الباب

***************ولا هو بساري لين اصفي حسابي



فود مشرع الذيابي

انا معتزي لدرب بندق ومشعاب

*************** وصكتك ماهي من مذاهب عتيبه

[الفراهيدي]

بيتين اعجبتني من محاورات التي في منتدى الهيلا

نايف الحميدي
دلةٍ ماتضبط الراس لاصار معموس
.....................مالي بفنجالها مير عٌـده واركنـه


الفالح
ندهن اشنابك ونرخي عليها حد موس
................... شاربٍ ما يقبل الكيف لازم نحسنـه


http://www.otaibah.net/m/showthread.php?t=14427

[الدمار الشامل]

فتل ونقض

الشاعر فلاح القرقاح
ماباقي الا المنصه علم الجمهور يزحف وراه -- تراني ارقب ليال النور مبطي واتحرالها
حبيب العازمي
يا الربع خلو مجال الصاحبي لاحدن يضيق علاه -- خايف على غترته من زحمه الجمهور وعقالها

[المسرّي]

حبيب العازمي يقول لابومشعاب السلمي :

يا راعي المشعاب حطه واستريح=لا ترفعه عند العرب وانا هنا

رد ابو مشعاب :

ان كان نفسك فيه علّم بالصحيح= اكله لعلّه يا حبيب بالهنا

[الفراهيدي]

قال سالم بن جفين الصويت

يا جماعتنا ترى ما حصل منكم قصور
************** وأنت دأب اسود و يأكل برأسه وذنبه



فرد عابد بن غافل الذويبي

ما وصـنا ما وصـنا لتـنـبـيـش القبور
************** وانتبه لراس ولا الــذنـب لا تـقـربه

[الـقناص]

الفالح :

وين المسري عليه بالحرام اني لسريـه=وان ما سرى عيب اغني بالمثايل ياعتابه
ابطرحه واضربه بالسندوانه بين اذانيـه=والضربه الثانيه يالربع ما فيهـا طلابـه

المسرّي: (نقض خطير)

ماهوب فالح ما دام(ن) ياعتيبه ذي هقاويه=ما يدري ان المسرّي فارسٍ مـا ينهقابـه
لكنّ ما دام شب المعركـه والنـار بيديـه=والله لا اخلّيه عبره للبقيّـه مـن شبابـه

[الــغــازي]

عيضه الثبيتي
عز اله أنك لاتخون ولاتبور
*****************لكن فيك صغيرة واصحالها


حبيب العازمي
عز الله اني ماتعامل بالغرور
*****************وأن كان حاجه في فيك بدالها

[خليفة صياف]

السلام عليكم ورحمة الله وبركاتة

ابن طمحي :

بعدكم فالسوق كثروا مطولة السباح ********* وابلشونا مثل حجاج باكستانيا

صياف :

دخلوهم فالمدارس على شان النجاح ******** وان تردوا واسقطوا قول ياورعانيا



صياف

انت تعرفني كم الطير من فوقك يحوم $$$$ لو بغى يحتل ذيك الديار احتلها

مستور

ادري انك عسكري لا دفاع ولا هجوم $$$$ والديار الى تبيها متى تاصلها


صيـــــــاف

اربعة عتبان خاوو ثنين من البقوم $$$$ كشفت الاسرار لناس وش تعملها

مستور

الجمال السارية وش عليها من وسوم $$$$ كان مالها وسوما محد يدلها


$$$$$$$$$$$$$$$$$$$$$$$$$$$$$$$$$$$$$$$$$$$$$$$$$4

صيـــــــــــــــــــــــــــــــــــــــــاف

حنا قبايل حرب والحرب معروف %%% نمشي مع العربان مانعرف الخوف
وانت ماغيرضلوع واعضود واكتوف %%% هذا الصحيح وقولو الي تقولون


اخوكم : خليفة صيــــــــــــــــــــــــــــــــــــــــــــاف

[الفراهيدي]

يقول : حبيب العازمي
انا ومستور ربع ومثل الاخوان=لكن هذا السنه ماني بداري
المشكله كلها خاتم سليمان=ولاقراه سلمي ولامطاري


فرد : مستور
هذا من اول لكن اليوم يافلان=حطيت لك ياحبيب عم غاري
رفعت راسك وصار الجيب مليان=وانته من اول تقيل فالكباري

[بــــ عون ــــن]

صياف الحربي
ياشليويح صك الباب عن كل ريحه = قبل تشتب نار(ن)ما يغلق حطبها
يفرح الضيف يوم يطيح راس الذبيحه = وان شبع من لحمها ما التفت في عصبها

شليويح المطيري
لو نصحت العرب ما تستمع للنصيحه = كل سلعه يسنع دربها اللي جلبها
وأنت ياشعيل تبرك لوفوق الصفيحه = يوم بعض الجمال تخاف تجرح ركبها
==============================================
منيف البلوى
حسبي الله على العطار والعنزروت = يطبخ العنزروت بدله الشاذليه

صياف الحربي
حسبي الله على اللي علم العنكبوت = لين راحت تعرف تركب البندقيه
==============================================
قال صياف :
يوم الأسامي كثيرة ويش سموك = الليل عجل عليه بالإجابه

ورد حبيب :
سميت شاعر شبابه وانته الغوك = ماعاد لك لا مقام ولامهابه
==============================================
قال الجبرتي :
أخرجي يالخارجية وادخلي يالداخلية = يالبناخي لايجيك الخوف من بطن الأماني
كل مارحتو وجيتو قلت أنا ولد أسلمية = روح يازعزوع دور لك بعد زعزوع ثاني

الرد من بكر الحضرمي :
مانقول الا الكلام اللي على تقوى ونية = واحليلك واحليلك يالعميل الشقلباني
أن جحدتونا حجدناكم وذمتنا برية = حقنا ماضاع مابين العرب والترجماني
==============================================
قال احمد الناصر
الغشامة والجهل بالرجال أكبر مصيبة = والعمى ماقالوا انه يبشر بالهلالي

الرد من سلطان الهاجري :
الغشامة والجهل مشكلة في عود شيبه = والولد يمديه يفهم ليا جاء له مجالي
==============================================


قال خليف بن دواس المطيري :
وين اودي سلعة غاليه معها ضمان = جابها دلال في سوق وأخطاها زبون

رد عبد الله العير :
سلعتك لو هي فرس كان جبت إلها حصان = مير مدري عن سلعكم عساكم تذهبون
==============================================
في إحدى المحاورات قال الشاعر عبد الله بن محمد الجبرتي :
وصيتني يالشريف بموترٍ وانا توصيت = شريت لك موترٍ ياطا على صم الحجارة
يمشي تماتيك مايحتاج لا مويه ولا زيت= وتسوق به فالبلد من غير رخصه وأستماره

فرد عليه زميله الشاعر الشريف عايض آل زيد بهذا الرد الرهيب حيث قال :
أنا موصيك وأنته بالوصاة ابطيت واخطيت = وإن كان وأنك شريته صدق محمي الخسارة
يكتب عليه اسمكم وأقول من عند الجباريت = حتى اسمكم يشتهر ويروح من حارة بحارة
==============================================
عوض الله /
السحيمي عود شايب تعدى الأربعين= وإن غلط مسموح ,,,, والنار من شبابها

صياف /
انت توك ما طلع فيك ضرس العقل زين = لارسلوك تروح ,,,, والنار من شبابها
==============================================
قال الشاعر محمد بن جرشان البقمي :
مادام ابن عواد بالملعبة حاضر وموجود = خيل خيالٍ يصبح الصبح سامرةٍ بروقه
الرد من صياف:
مادام ابن عواد موجود ضلع طويق ممدود = يوجعك لو يطيح فوقك ولو تطيح فوقه
==============================================
السواط
أناسواة الكبتن الطيار = ون طرت أجيب ألك الاماريه

صياف
منته مقصر والعلوم كثار = طيار مير الارض مخفيه
==============================================
مطلق الثبيتي رحمه الله:
الحريبي لو لقاله واحد(ن) يقطع لسانـه = ماتغزل في بنات الهند سمحات الخدودي

صياف الحربي:
ياعتيبه قولوا لمطلق يمرح في مكانه= مايدافع عن بنات الهند ياغير الهنودي
==============================================
حبيب/
ماكل من طار عدوه طير من الطيور = بكرة نمر المدينة وش نسويبها

رد راشد السحيمي /
ماقدمك ألا السيوف اللي تقص الظهور = بكرة تمر المدينة ما تصليبها
==============================================
صياف:
الجبرتي مع العربان ثايـر غبـاره = كل ماواق في راس الجبل سد ريعه

الجبرتي:
الجبرتي مع العربان سايق حماره = لوّ قالوا تبيع العير والله ما أبيعه
=============================================
قال الشاعر محمد الشمالي :
إن كان ماحطيت في علباك مشعاب أسلمي= ماني عشير أم الكفوف اللي تدق خضابها

فرد عليه الشعر سلطان الهاجري:
إن كان ماحطيت مشعابك تحت راس قدمي= ماني عشير الطيبين اللي تعز أصحابها
=============================================
محاورة جرت بين الشاعرين محمد الجبرتي والشاعر / عبدالله المسعودي
عندما كانا متزاعلين ولا يتقابلان فجمع بينهم احد عشاق هذا اللون دون ان يدري احدهم بالاخر فعندما رأوا بعضهما وقامت الملعبه تقدم الجبرتي:

سلام الله برديه تحوز من الرجال رجال= وانا ماني مسمي والرجال تعرف اساميها

فتقدم عبدالله المسعودي :
هلا يامرحبا بيه وباللي يوفي المكيال = ومن لايوفي المكيال يجلس لين يوفيها

[الفراهيدي]

وقال محمد الجبرتي لولده عبد الله :

وش عاد باقي ياعبد الله تهيض هات الأمثال
.......................................... شريت لك الموتر اللي ماشراه ابوي ليه
أنا اشهد اني ربيتك لين صرت اليوم رجال
..................................... واليوم صرتوا رجال ولا لكم شرهه عليه

رد ولده عبد الله :

الله يخليك ليه ثم أرد اريال بريال
................................. لو كان ماني بمحصي كل ماسويت فيه
وأنته شريته لنفسك ولى انا ماغير جمال
................................ بالصبح اوديك مكة والعصر يم الضبية

[ابو عاتق]

حبيب العازمي يقول لابومشعاب السلمي :



يا راعي المشعاب حطه واستريح = لا ترفعه عند العرب وانا هنـا




رد ابو مشعاب :



ان كان نفسك فيه علّم بالصحيح = اكله لعلّه يـا حبيـب بالهنـا

هههههههههههههههههه

الله يعطيكم العاافيّـه



يقول مستور العصيمي

لو مات كل الامـّـه محد حطك اماام == انته كماء تمرة ٍ في راس عرجونهــاا

قال رشيد الزلامـي

تقول صاحبك تمره ويش هذا الكلام == اثرك كماء القنبله في وسط كرتونهـاا

[الفراهيدي]

وقال احمد الناصر
الغشامة والجهل بالرجال أكبر مصيبة
............................... والعمى ماقالوا انه يبشر بالهلالي

الرد من سلطان الهاجري :

الغشامة والجهل مشكلة في عود شيبه
................................ والولد يمديه يفهم ليا جاء له مجالي

[طويل الذراع]

بيض الله وجهك

مشكووور وماقصرت

تسلم



مع تحيات

[الفراهيدي]

قال مطلق الثبيتي:

الحريبي لو لقاله واحد(ن) يقطع لسانـهما
****************************تغزل في بنات الهند سمحات الخدودي


فرد صياف الحربي:


ياعتيبه قولوا لمطلق يمرح في مكانهما
***********************يدافع عن بنات الهند ياغير الهنودي

[علي الثبيتي]

هذه المراسله جرت بيني وبين الشاعر محمد ابن طمحي الذيابيي
اقول= سلام الله برديه لها ساس ولها مضمون
ابا ارسلها لبو طمحي ويفهم وش معانيها
= الي عندك طلب والصعب لامنك نويت يهون
كمنك راعي النخوه وتاخذها وتعطيها
قال = هلا يامرحبا ترحيبتن تسوالها مليون
اغنيها وا ترجمها واترجمهاواغنيها
= الك عندي طلب لكن اباك اتقول ويش ايكون
على شان ابذل المجهود لين الله يسويها
وسلامتكم

[محمد العتيبي]

السلام عليكم ، موضوع رائع ومفيد جدا ،

اسمحولي بهذه المشاركه البسيطه:
حبّيب العازمي العتيبي :


سلام الله سلام(ن) صارفه من بنكي المحروس

وانا اللي حارسه واصرف قدر ما احتاج من مالي .

تقولون الحياه احلام لكن الحياه ادروس

لا لاها ادروس الاول ما ذخر له علم للتالي.


مستور العصيمي العتيبي :


يدوم الك البقا لكن بنكك ما ش فيه افلوس

ما فيه الاّ الربا يالعازمي والوقت ميالي .

تجيك ايام يا راع التجاره تظهر المدسوس

يقوله واحد (ن) فالوقت ذاق المر والحالي .

[زعيم القوافي]

يسعدني المشاركه اخوي الفراهيدي

يقول شليوح المطيري

ينبع الما لين يغدي كنه النافوره
من عدود طوال للشيال ما تنطاقي

كيف تفطر بالعرب قدام عيد فطوره
انت مسلم مير في قلبك تشيل نفاقي


قال مطلق الثبيتي

جم عدك ما يعبي له مية قاروره
طيته ضاقت على الضامي وحلقه ضاقي

انته اعرج وانته اعمى حالتك مخبوره
لا تقرب من هنوف عافت العشاقي



وتقبل تحياتي