صدفه عزيزه وتحسب من خيار الصدف

[سعود بندر الحربي]

سلام مني وانا شاعر ولي الشرف
اشارك اخواني الشعار بالمنتدى

صدفه عزيزه وتحسب من خيار الصدف
مريت للمنتدى واوحيت صوت الندى

[عجاب الدغيلبي]

الله يحييك ياسعود شرفت المنتدى بحضورك
استلم استلم

يامرحبا من هواجيسٍ سعدها وقف
دايم بعيدة مدى ماهي قصيرة مدى

يلزمك قدام لا تبدأ تحدد هدف
من شأن تربح ولا تغدي جهودك سدى

[علي الثبيتي]

مساكم الله بالخير ومن العايدين بعد الزحمه ههههههه

صحت السنتكم

ابو بندر والدغيلبي

وعلى القوه

متابع

[سعود بندر الحربي]

الله يبارك فيك والشرف لي ياطويل العمر



دام البقا والسوالف كاش ماهي سلف
واللي ماتمشي عساها ياعميلي فدى

هل الهلال وبعدها هل ياللاسف
واللي بعدهن علينا محتواه احتدى

[عجاب الدغيلبي]

السلعة البايرة محصورةٍ فالطرف
واللي جلبها على أهل العرف ضايع جدى
ماهي غريبة نحطك للمهند علف
مادام حده رهيف ولاغطاه الصدى

[سعود بندر الحربي]

اسبوع وتلوع كبدك لاقربت الملف
كل المشاكل ليا قالو وعدها بدى


ماهي جديده ليا صحنا وقلبك وقف
حنا حددا صح لكنا اشد حددا

[حاكم الغنامي]

السلعة البايرة محصورةٍ فالطرف
واللي جلبها على أهل العرف ضايع جدى


الله الله

عجاب الدغيلبي صح لسااانكــ يامبدع



وصح لسانك ياسعود الحربي
مبدع



متابع

[عجاب الدغيلبي]

ياضعف هقوتك ياعايش حياة الترف
تطلق حبال الفخر تقضب حبال الردى

حديدنا له علاقة مع جموع النجف
يستقبله خامني ويودعه مقتدى

[سعود بندر الحربي]

لااكون اهرج طويل العمر راعي كنف
تراك تحت الامر لو حبلك مجودى

اشوفك تعرف داره واسمه ومعترف
اخاف عندك قرابه من ديار العدى

[عجاب الدغيلبي]

أنظارنا فوق عن بعض المهن والحرف
يا مضيعٍ شيمتك لأجل العشاء والغدى


أنته على دينهم وبدارهم تعتكف
شبيههم فالخطأ شبيههم فالقدى

[سعود بندر الحربي]

نظرتك نظرة حصيني سيته منهرف
وليا ضربته غدا عن ناظري واحتدى


انا اعتكف برمضان وفي بيوت الشرف
ولاانت في شهر عاشورا وتحدي حدا

[سعود بندر الحربي]

صح لسانك ياعجاب

والختام عندك

[عايش دحيم العتيبي]

صحت السنتكم