تركي الميزاني ومحمد السناني اشره ع اللي مايشب النار

[سيف السليس]

السلام عليكم ورحمة الله وبركاته

ذا طاروق بين الشاعرين
تركي الميزاني و محمد السناني
بـ المدينه المنوره 26/6/1431هـ

للامانه أعجبني , فـ ما حبيت أبخل عليكم بـ كتابته


تركي الميزاني

سلام رديه على الجهنان وافين الشبور=رديةً مضمونها المقدار والمخرج ملي
تعال يامحمد نبا ننشدك عن بعض الامور=وانته وانا في بداية المشوار والمخرج ملي
محمد السناني

يامرحبا بالطرقي اللي كل مافيه مخبور=ترحيبةً ماتقبل المعذار والمخرج ملي
انته تعرف الساعه اللي وقفوها لاتدور=والخيل توه بأول المضمار والمخرج ملي

تركي الميزاني

ماجابني غير الرجال اللي غلاهم فالصدور=والجار مايجهل حقوق الجار والمخرج ملي
اللي من الاوهام يبني له على القمه قصور=لابد فالواقع يهد جدار والمخرج ملي

محمد السناني

انته لأنك جيت زودت السعاده والسرور=الناس يمك تلفت الانظار والمخرج ملي
ان كان لك نيه تطش الروس الاربع فالقبور=لاتشتغل صفارة الانظار والمخرج ملي

تركي الميزاني

ترا الحروف الابجديه واضحه بين السطور=يوم الشطاره لعبة الشطار والمخرج ملي
نبا نشب النار يالجهنان وتفوح القدور=اشره على اللي مايشب النار والمخرج ملي

محمد السناني

انته ليا قفلت بيبان المنافذ والعبور=نقطة قلم ماتقبل التكرار والمخرج ملي
انته الك نيه تغسل يديك من دم الجزور=لازم تدوس القرش والدينار والمخرج ملي

تركي الميزاني

دام الدواء موجود لجل العله اللي فالنحور=الصدق واضح ماعليه غبار والمخرج ملي
الحمدلله ماندور للعشاء والا الفطور=نفرض تجارتنا على التجار والمخرج ملي

محمد السناني

ان كان عندك خوف من صوت الرصاصه لاتثور=دورلها منفذ يمين يسار والمخرج ملي
احيان من باب الثقه يدخل على الرجل الغرور=لين المنافس يكشف الاسرار والمخرج ملي

تركي الميزاني

اهم شيء ان السناني مايلف ولا يدور=لايعكس الشارع مع الدوار والمخرج ملي
احيان يقبل لك عذر واحيان منته بمعذور=لايختلف ظنك ولا تنهار والمخرج ملي

محمد السناني

عند الضروره كل شيء يباح لو كان محظور=يمكن نجرب جيزة المسيار والمخرج ملي
ان كان ماعندك ثقه فالمال وعيال الظهور=نزل من الحسبه ثلاث انفار والمخرج ملي



بـ انتظار المحللين :d
وبالأخص أبو فايح ;)

[الرجل الشامخ]

مشكور يا السليس على النقل

اتوقع والله اعلم

ان السناني يحث تركي على الزواج

ومحاورتهم فيها كلام ماينقال

هههههههههههههههه




اهـــم شـــيء ان السـنـانـي مـايـلـف ولا يــــدور **لايعكـس الشـارع مـع الـدوار والمـخـرج مـلـي

تركي خربها في البيت هذا


والي فاهم يبي يعرف وش يقصد تركي في البيت هذا

هههههههههههههه

تحياتي

نترك التحليل للأخوان

[سيف السليس]

تعديل

لا تشتغل صفارة الانذار والمخرج ملي :)

[قاسي العتيبي]

الخيل توه بأول المضمار
غريب هذا التركيب من السناني الخيل (جمع) توه (مفرد) مافيه تطابق

السناني خربها في البيت اللي قبل الأخير

عند الضرورة كل شي يباح لوكان محظور
نبا نجرب جيزة المسيار والمخرج ملي

سيف مشكور على النقل

[ابو فايح]

هههههههههه

حلوه يحثه على الزواج



المحاوره أعتقد أنها في مجال الشعر وأعتقد في شاعر ما ومن بدأ المعنى تركي 2000

السناني مصيبه كبيره ما يترك لفلفة الأبيات الأبيات الأولى من السناني كلها لفلفه

يا زين هالبيت
احيان من باب الثقه يدخل على الرجـل الغـرور***لين المنافس يكشـف الاسـرار والمخـرج ملـي

[الشوردي]

يقول السناني


يامرحبا بالطرقي اللي كل مافيه مخبـور=ترحيبةً ماتقبل المعذار والمخـرج ملـي

كل مافيه مخبور!!!!!!!!!

كلام مهوب طيب في حق تركي

والسناني مايخلي نتقاته

[محمد الذيابـــي]

مشكور على النقل

[فيصل بن فهد الجهني]

يا حي الليل اللي يجمع ابن متروك و ابن عطاالله

عزالله ان ملعبتهم طيبه .. و هم طيبين


لا هنت يا الذيب

[محمد الذيابـــي]

انتـه تعـرف الساعـه الـلـي وقفـوهـا لاتــدور *** والخيل توه بأول المضمار والمخرج ملي


المعنى في هذا البيت ويدور حول موضوع تركي الذي انتشر عبر وسائل الاعلام سابقا.


والدليل هذا البيت:

انت الك نيه تغسل يديك من دم الجـزور *** لازم تدوس القرش والدينار والمخرج ملي

[العبدلي11]

صح لسنة الشعار مبدعين دائماً