المساعد الشخصي الرقمي

مشاهدة النسخة كاملة : قصيدة (وبياض الثلج والحمرة!!)


محمد ناصر الأكلبي
01-Sep-2011, 02:50 PM
السلام عليكم هذه أول قصائدي في هذا المنتدى الرائع وأتمنى أن تنال رضاكم:

الليل يشهد ونجم الكون مع بدره=والرمش والجفن ونون العين والدمعة
على السهر والشقاء والهم والحسرة=على رجاوي علي تعود منقطعة
على جفاف العدود ويبسة الخضرة=صارت هموم العرب في الصدر مجتمعة
على الآمال التي في النفس منحشرة=و أخاف لاتروح روحة مالها رجعة
سبت فراق الحبيب الي علاقدره=ابو عيون ما خلت في الحشا قطعة
كنها جيوش على ذبح الخصم جسرة=ترسل سهام لقلبي قامت بشلعه
والمبسم تقول ختم في وسط سطره=ياكود تكد حروفه من صغر طبعه
سواد ليل وبياض الثلج والحمرة=في عود ري ن لاسار في مشيته هزعة
في غيبته يمتلك عقلي مع فكره=وليا حضر فالجوارح معه مستمعة
أصد والنون كنه يصال في جمرة=خوف من الناس تدري بوضعي ووضعه
وضلوعي ماهيب من كسرتك منجبرة=الا لاباشرت جبر الضلع مع ضلعه
صارت دروب الشفاة الي نبي عسرة=والليل مظلم وفي يدي ماتت الشمعة
والنفس تاهت وساقي تقول منكسرة=والضلع نايف ويحرس صيدتي سبعه
للناس ما قدر أبين حالتي الخطرة=أخاف ناس تكبر في الهوى صدعة
قولوا له إني أنا باقي على خبره=حبه في قلبي بنى قلعة ورا قلعة!



وسلامتكم..

الرجل الشامخ
01-Sep-2011, 03:40 PM
صح الله لسانك يا ابو ناصر


تقبل تحياتي

محمد ناصر الأكلبي
01-Sep-2011, 10:25 PM
الرجل الشامخ



صح بدنك


ولاهنت على المرور..

مرزوق حمدان العتيبي
04-Sep-2011, 04:30 PM
...

ابدعت صح لسانك ولاهنت

يالاكلبي

محمد الذيابـــي
08-Sep-2011, 07:51 PM
صح لسانك يابو ناصر

ابداع من شاعر مبدع


تقبل مروري

محمد ناصر الأكلبي
09-Sep-2011, 04:29 PM
مرزوق حمدان

محمد الذيابي


صح أبدانكم



ولاهنتوا

على المرور

...