اسئلة هامة عن سلم حماية (الدخيل) عند عتيبة ،، هام

[مزحم العتيبي]

السلام عليكم ورحمة الله وبركاتة


وكل عام وانتم بخير




الدخيل عند عتيبة


انا من الشباب اللي يجهلهم (بعض) وانا اقول بعض وليس كل قوانين الدخيل


من المعروف ان عتيبة تدخل الدخيل ومدة حمايتها سنة وشهرين ويكون تحت حمايتها من اعداءه ولم يذكر التاريخ ان عتيبة خانت الدخيل ولله الحمد


عندي عدة اسئلة

س 1 / مثل لاسمح الله وانا هنا اضرب مثل لكي اطرح سؤالي بصيغة مفهومة للجميع ، مثل لو حربي ذبح مطيري ودخل الحربي على عتيبي من المعروف ان العتيبي سيدخلة ولكن سؤالي هل يلزم على الحربي ( الدخيل ) المكوث في ديرة العتيبي المدخل لمدة سنة وشهرين او ان الحربي لايلزمة المكوث في ديرةالعتيبي واذا كانت الاجابة هي لايلزم الحربي المكوث في ديرة العتيبي فاذا ماهو موقف العتيبي من المطران ومالذي سيعمله لهم هل سيخبرهم ان الحربي دخيلة ويحذرهم من المساس به ، ونفرض انه لايلزمة المكوث في ديرة عتيبة وذهب الحربي بعيد عن عتيبة وتعرض له المطران وقتلوه فما موقف عتيبة

س 2/ مثل لاسمح الله عتيبي ذبح عتيبي اخر ودخلو على قبيلة من قبايل عتيبة خلنا نقول النفعه مثلا فانا سؤالي هنا نفس سؤالي الاول هل يلزم العتيبي القاتل ان يمكث في ديرة النفعة اللي ادخلوه مدة سنة وشهرين او لايلزمة المكوث في ديرة النفعة واذا كانت الاجابة لايلزمة المكوث في ديرة النفعة فماهو موقف النفعة من قبيلة المقتول هل سيحذرونهم من المساس به او التعرض له بنية الثار ، ونفرض ان القاتل لايلزمه المكوث عند النفعة وذهب بيعد عن ديارهم وتعرض له ورثة المقتول وقتلوه فما موقف النفعة اذا وماموقف اي عتيبي لو جرت عليه هذه المشكلة

ارجوا االاجابة على اسئلتي وارجوا انكم فهمتوا قصدي مع ان عندي التعبير لدي ضعيف شوي هههههههههه


تنبية

انا جعلت في الاسئلة ضرب مثل على الحروب والمطران والنفعة

وهذا لكي يتم فهم السؤال بسهولة
وشكرا

[عـقـــــــــــاب]

من ذبح الدخيل يذبح فهمت ياسناايدي

وانا قد سمعت ان فيه قوم ذبحوا دخيل وهم مايدرون انه دخيل , وصاارت ذبحه ..... بينهم الله يكفينا الشر

واللي يدخل على عتيبه يمشي في أي مكان يبيه في ديار عتيبه لين تنتهي المده و عقبها اذا يود ان يذهب يذهب وإذا شاء يقعد مافيه اشكاليه اللي يريحه

اما تقول ياسنايدي دخل على عتيبه وهو ماهوب عتيبي وتبيه يذهب الى ديار خارجه عن حكم عتيبه
..... أصلا ماهوب راايح لديرة اللي يبون ذبحته بأي وسيله ولا ماهي الفايده من الدخول ! فهمت !

وتذكّر اللي عتيبي و اللي ماهوب عتيبي ينطبق عليه نفس الكلام

اتمنى اني افدت ياذيبان تقبل مروري

[مزحم العتيبي]

عقاب مرحبا يالذيب
اشكرك على المشاركة
ولكن
انا حددت سؤال اول وسؤال ثاني

اتمنى انك تجاوب على السؤال الاول والثاني بالترتيب عشان افهمك زين وتصير الاجابة واضحة واستفيد منك

ولاهنت على المشاركة يالغالي

[البلجيك]

الاخ مزحم من منطق مقولة ((لكل دوله زمن ورجال))

نقول هالحين فالوقت الحالي ماماحد يدخل في وجهه الا رجال قليل عرف ولا يفهم غي سلوم الرياجيل شي...لان الوجه يعتق الارقاب ويفكها في سلوم وقوانين العرب والرجال...ولا هو امر بسيط واذا ماحميت اللي في وجهك عيب عليك ..

والناس في الوقت الماضي كان يقدرون جاه ووجه الرجل ولايستطيعون ان ينتزعوا اللي تحت حماه وذا لم يردعهم رادع مافي الدم الا الدم في حكم الجاهليه ولان مافيه حكم ولاشرع والقوي ياخذ حقه بيمناه

اما الان فصعبه ان تدخل الدخيل في وجهك لاسباب؟؟
سفهاء الرجال لاتخضع للقوانين والسلوم....يجيك الواحد طايش ولا الضغط مرتفع ولا مغيم ماهوب في عقله ويذبح دخيلك ثم تبلش معه اذا ذبحته حطوك بكره مكانه وكيبره ياخذون راس الطيب في الرخمه...وليا خليت رفيقك ماصنت دم وجهك... وعيب عليك وعار مايمسح زالك حي !

نحن في زمن حكم وشريعه والحمد لله على نعمة الاسلام والحكومه تقبض على الجاني باسهل الطرق

وشكراااا وشكراااااا :)

[سرحان الشيباني]

من المعروف ان عتيبة تدخل الدخيل ومدة حمايتها سنة وشهرين ويكون تحت حمايتها من اعداءه ولم يذكر التاريخ ان عتيبة خانت الدخيل ولله الحمد

كل قبيلة من قبيلة عتيبه لها مده معينه فيهم اللي سنه وست شهور وفيهم اللي سنه وثلاث شهور تختلف من قبيله الى قبيله

اما الشيابين مافيه وقت محدد يبقى الدخيل الفتره اللي يبيها او يحالفهم عن طريق شاة الحلف هذا اللي اعرفه

[مزحم العتيبي]

البلجيك

سرحان الشيباني

حياكم الله وكل عام وانتم بخير

ولاهنتوا على المشاركة

اقدر لكم مشاركتكم واجتهادكم وبيض الله وجيهكم

ولكن انا طرحت سؤالين ولاوصلت للاجابة المناسبة لحد الان


ومحور السؤال هل يجب على الدخيل الجلوس في ديرة اللي ادخله ولا يجوز له الخروج منها ويبقى تحت حمى الرجل اللي ادخله ، وماموقف المدخل من طلابة الثأر من دخيلة اذا كان الدخيل مايلزمة الجلوس عند اللي ادخله

هذا هو سؤالي واضح واتمنى اجابة واضحة

واشكركم على مشاركتكم ولاتبخلوا علينا بمزيد من الاجابات

[البلجيك]

الاخ مزحم//

الدخيل في الوجه ماهوب فالديار

معنى الدخيل //اي ان هذا الرجل تحت حمايتي ومن يرشة برشة الماء سوف يرش برشة الدم

ويتجول في الديار حثما شاء ....وشبيه هذا وسم العصا كان عتيبه ياسمون عصى المسافر اذا مرهم وهو يريد العمره... وهل مكه المكرمه ملك لعتيبه ....

اتمنى وضحة الفكره

[مزحم العتيبي]

الاخ مزحم//

الدخيل في الوجه ماهوب فالديار

معنى الدخيل //اي ان هذا الرجل تحت حمايتي ومن يرشة برشة الماء سوف يرش برشة الدم

ويتجول في الديار حثما شاء ....وشبيه هذا وسم العصا كان عتيبه ياسمون عصى المسافر اذا مرهم وهو يريد العمره... وهل مكه المكرمه ملك لعتيبه ....

اتمنى وضحة الفكره

لاهنت يالبلجيك

لكن هل ماهو موقفي انا من طلابة الثأر من دخيلي هل اروح احذرهم بعدم المساس به وانه في وجهي واذا تعرض لضضر فانهم المسؤولين عنه وسوف يندمون

وافرض انهم طلابة الثار من دخيلي قتلوه يعني اروح اقتلهم ((( الله يبطي بالشر)))

[البلجيك]

لاهنت يالبلجيك

لكن هل ماهو موقفي انا من طلابة الثأر من دخيلي هل اروح احذرهم بعدم المساس به وانه في وجهي واذا تعرض لضضر فانهم المسؤولين عنه وسوف يندمون

وافرض انهم طلابة الثار من دخيلي قتلوه يعني اروح اقتلهم ((( الله يبطي بالشر)))

وكيف يدرون اجل...عند طريق شركة فيدكس ولا جهاز الكنود :)

اكيد لازم تركب موترك وتنصى امير الشمل والامير يخبر ابناء قبيلته وينبههم ويحذرهم من المساس به ولا ترسلك رياجيل يمهم


اتنمى انك استفدت

[مزحم العتيبي]

البلجيك والله اني اتعبتك معي
لكن بيض الله وجهك

والله يبطي بالشر

هههههههههههههههههههههههههههههههههههههههههه

والله اذا الفيدكس بيخدمني في الامور هذي ياطيبة

[البلجيك]

البلجيك والله اني اتعبتك معي
لكن بيض الله وجهك

والله يبطي بالشر

هههههههههههههههههههههههههههههههههههههههههه

والله اذا الفيدكس بيخدمني في الامور هذي ياطيبة

تعبك راحه ياقلبي :) :)