طـــاروق غـــريب!!!!

[محمد الذيابـــي]

من ابداعات المسعودى رحمة الله عليه

ومستور العصيمي امده الله بالصحه والعافيه
..


ارجو ان تنال على إعجابكم ..


المسعودي

اتهرج ولاني بليا عرف // واعرف الحق ليّه وماهو عليّ // جعل مستور موجود بين الرجال
بيني وبينه اعلوم // ابا قولها

فيه مستور غيرك يامستور قف // يالله استر على كل مستور حيّ // كنت ساكت وذلحين طال الجدال
واللي اتقوله القوم // ابا قولها



قال مستور,,

اعرف العلم والعارفه من عرف // هابط السوق وصل البلد من عشيّ // يامدور مكاسب بلا راس مال
لك نهار امس واليوم // ابا قولها

اخذ حقك من الناس والك الشرف // لايروح الك عند الطماميع شيّ // وان تبا الزود ماهو على كل حال
كل ماجلس وماقوم // ابا قولها


قال المسعودي,

يوم سموك جاحد متى تعترف // وش يكون العتيبي مع الهذليّ // خمس حبات بارد بواحد ريال
لامكاسر ولا سوم // ابا قولها

امش فالدرب سيدك ولا تنحرف // وانتغيّر مسارك ترا منت أبيّ // حالف اني لاوديك روس الجبال
حاكم القوم محكوم // ابا قولها


قال مستور ,

ليه في ظرف يومين دمك نشف // ياشفاعة محمد وقوّة عليّ // ماتوردك للماء قصار الحبال
بات ضميان محروم // ابا قولها

ياهذيلي توقع معي لاتخف //انتبه والحذر عند ميح الدليّ // انت مجنون عاقل ومضرب مثال
للعرب دلّ واسلوم // اباقولها


قال المسعودي ,

مالنا فالرديه مع الناس شفّ // وأن نوينا على الطيبه ياصبيّ // ماحدانا عن الجم قيلن وقال
ننزل البحر وانعوم // ابا قولها

كل مكره على روس اهلها تلفّ // روح لهلك وانا رايح اعرف هليّ // ماتعانز ياصاحب بجرفً هيال
رزقك السهل مقسوم // اباقولها