ياسلام الله على عتيبه سلامن. عادي

[سلطان الحربي]

يا سلام الله على عتيبه سلامن عادي =ان بغيتوها كذا والا ماهي مقصودة
جيت اسولف واتمشى فالجبل والوادي =وإدري انًًًًها ماتعوضني جبال السودة

[مجول بن جلال المقاطي]

لن مشا ولا عدى يالشاعر القصادي = من جهل سلم الرجال يبيحون سدوده
خللك بحرتك يالحربي وين انته غادي = لاتدفك للمخاطر نفسك المقروده

[سلطان الحربي]

لاتزعلني ويخلعكم صدى رعادي=مامشت رجلي مع ادروبن ماهي محموده
يالعتيبي انت بالله جمع والا احادي =ودي اعرف كان نفسك فالزمن ملهوده

[مجول بن جلال المقاطي]

لن زعلت من الكلام اللي عليه اسنادي = ماتعبنا في رضاك وهرجتك منقوده
كيف تنشدني وانا شداد الذلول اشدادي = روح وانشد عالمن غاياتها مفقوده

[سلطان الحربي]

ان زعلت أطبخك كلك طبخت البرادي=ريض لاتجني عليك أعصابك المشدودة
ضنتي مانته يابن جلال. ريس نادي=كل رجلن في زمانه عارفين اجهوده

[إدارة القسم]

لن زعلت من الكلام اللي عليه اسنادي = ماتعبنا في رضاك وهرجتك منقوده
تسلمون على بيوتكم الجزله
واصلوا

[طلب الشيباني]

الليل يا مجول ..



صحت السنتكم جميع ..



تحياتي

[مجول بن جلال المقاطي]

رح يابو براد عنا لاتجي متحادي = ثم على جبهتك اوطي ضربة الجلموده
والله اني فارسن يرهب قديح زنادي =قدمي الفارس يضيع وسابقة مردوده

[أبن حشيان]

هههههههههههاي


شدو حيلكم اليل بدري يااااالله ياراعي الحصان


انهب البرادي من راعيه

[حاكم الغنامي]

الله الله


صحت الالسن والقلووب

متابع

[سلطان الحربي]

ان ابغيت الصدق يابن الناس وظعك. هادي =بالسوالف تاكل اجبالً اليمن وزيودة
ياحليل الياسرحت. أطيح. فالمرصادي=مايلد. أشعيل. فالمفرود والمفرودة *

[مجول بن جلال المقاطي]

لن بغيت الصدق يوم ان الزمان اجهادي = كم وكم من شيخ قومن قد كسرنا عوده
لكن اليومه غدى سردادها مردادي = وشاخت وجيهن منول نارها مخموده

[سلطان الحربي]

صح السانك يابن جلال. شاعر جزل والدعوة. امززززوح. ولعب

ردود. وافية

[مجول بن جلال المقاطي]

وانت كذلك ياسلطان واتمنى لك التوفيق دوما

[المزيني.]

ان ابغيت الصدق يابن الناس وظعك. هادي =بالسوالف تاكل اجبالً اليمن وزيودة


صح السانك يابن العم

[مرزوق حمدان العتيبي]

..

.
ماشاء الله اثنين مافيكم حيله ..
الله يعطيكم العافيه ...
امتعتونا ...