ياسلام الله سلام يشبه الحر القطامي

[محمد الشهري]

ياسلام الله سلام يشبه الحر القطامــــــــي ....... يخطف الصيد السمين ويعتلي فوق السحابه
أي شاعر ياهلا به بس لايرخــي الحــزامي ....... أن يجينا خندفي ولا يجينا من شـــــبابــــــــــه

[مجول بن جلال المقاطي]

مرحبا ترحيب كنه سلة السيف الحسامي = ومثل مخلاب العقاب اللي بمخلابه صلابه
والله انا مثل نور الصبح جلاي الظلامي = الشبابي لاوقف ماهيب وقفة ونقلابة

[محمد الشهري]

هييييييييييييييييييه


البقا بك يالمرحب عد همال الغمامـــــــي........مانقول الا النعم والنعم في مبدا الاجابه
والله أنا ماغمزنا لاجران ولاسنامـــــــــي....... والليالي تظهر اللى مختفي داخل ثيابه

[مجول بن جلال المقاطي]

دوب زان الرمي للي معه مبعدة المرامي = الهدف لويختفي ويبن مضمونن صوابة
يالجنوبي نعرفك مايلحقك لوم وملامي = لوعطيتك سم قلت السم يامحلا شرابه

[محمد الشهري]

هيييييييييييييه


لوتخفيها نعرف المختفي تحت اللثامي ...... كب من يحظــــر ولا يفرق حضوره من غيابه
ماعليكم زود جعلك يالشبابي للرحامي ...... والسموم اشكال سم انياب وسموم الذنابه

[مجول بن جلال المقاطي]

والله ان المختفي طلقة مشوك في حزامي = ومتكاثرها عليك ولاغريب ولاغرابه
زندنا مايقدح الاقدم فرسان الجهامي = ماقدح قدام من رميه يعود في زهابة

[محمد الشهري]

هييييييييييييييييييييه

والله ان طلقتك ماعدت حدودك فالمرامي........ وأن خشمي مايرف أن طنطنة حوله ذبابه
والحزام اللى سرت قدام عينك يالحرامي........ لكن الله سامحك والسيف يبقى في جرابه

[مجول بن جلال المقاطي]

احمد الله واشكر الله شيمتي ترفع مقامي = العتيبي شيمته ترفعه وتقدس جنابه
ونت فيك من الحمام وفيك من ريش النعامي = وساير علومك تراها من سبايب حج بابه

[طلب الشيباني]

محاوره حاميه صحت السنتكم ..



تحياتي

[محمد الشهري]

هيييييييييييييييييه

مانقول الا انت رجال على قدر البهامي........حبك المطحون بينا خشيره من لبابه
انت يالمسكين مثلك لايظيم ولايظامي........ خلنا نبقى صيام وربنا نقرا كتابه

[مجول بن جلال المقاطي]

الرجل يبقا رجل والجرب يطويهاالهيامي = في تهامه ترتع الساحل وتاكل من ترابه
البلا لوكان تفهم كان قد سدك كلامي = مير متعافي غشيم وصارت الدعوى طلابه

[محمد الشهري]

مانويت اردها لو انت ماتسوى جرامــــي...... رافع قدري عن اللى ماوراه الا الخيابه
والتعرض للنسب والترب من طبع الليامي...... لكن الله يحشم ابني شهر ويحشم عتابه

[مجول بن جلال المقاطي]

ويش جابك في مجالسنا العزيزة يالتهامي = روح قبل تصير داخل سوقنا مثل الجلابه
وخلك اخر صف لاتقرب من الصف الامامي = الصفوف الاوله للي لهم قدر ومهابه

[محمد الشهري]

مايحقّر بالرجال الا قليلين الذمــــــــــامي.......رح لبــــــــوعرام يملي معدتك فول وقلابه
ياعتيبه جندوا مجول في الجيش النظامي.......يمكن ارض القدس تتحرر بكذبه من كذابه

[عايش دحيم العتيبي]

ماقصرتو طارمشيتو فيه طيب
ولشهري ترك الشقر وعود
على المحاورههههههههههه

[مجول بن جلال المقاطي]

دوب بان الوسم في علباك والمرقاع حامي = وكان ماكفاك ازيدك لين من بلواك تابه
مانطقت الا الصحيح وجاك ماجوبك تمامي = وفعلنا يعرف ليا اصتفت طوابير الحرابه

[محمد الشهري]

ميسمك في سط شدقك تقضمه قضم العظامي......أن زعلت أشرب من البحر الحمر واكثر شرابه
لاتعزوا لاتهدد وانت في خشــــــــــــمك خطامي....... كان حاسب نفسك أكبر ذيب أنا ذيب الذيابه

[مجول بن جلال المقاطي]

بعد بان الوسم في خدك يامدهون الرسامي = لاتقوم تصافق الجيلان من فوقك رقابه
وانت ذيبا يتبع دروب العرب جيعان ضامي = مايعدي في متون الضلع ويحدر شعابه