قصيده كامله للشاعر الكبير عوده بن رده الثبيتي(رحمة الله عليه)

[(مہودع دنہيأهہ)]

السلام عليكم ورحمة الله وبركاته.

كيف حالكم عساكم بخير.

هذي قصيده قريتها في كتاب ولقيت منها فالنت كم بيت بس. فحبيت انقلها لكم كامله والكامل وجه الله. وهي للبواردي والشاعر الكبير عوده بن رده الثبيتي.من الشروط من القساوره من اللصه من ثبتة بني سعد.
وقد عاش في الفترة مابين عام 1280هـ الي عام 1340هـ وقد شارك في كثير من معارك قبيلته في تلك الحقبه.وأستفدت هذه المعلومات من موضوع الأخ فهاد.

ويقول عوده:



1ـ ياقــيــل مــن رد الـمــثــايــل وغـنـى....غـنـى بـقـاف فـيـه زيـن الـمـعـاني

2ـ أول هــنــا هــنــيــت لــلـي تــهــنــا....شرب الهنا من كف صافي الثماني

3ـ أبـو شـفـيـات بالـبـســم هــرجــنــا....منهم سبب قـلـبـي ومنهم هواني

4ـ والـمـوت يوم إن الـعـيـون إطـرقـنـا....أيضا بسهم الـود سـيـدي رمـانـي

5ـ شكـل الـهـوى ورد وعــطــر وحـنـا....والمسـك والعنبر وخضب الـبـنـاني

6ـ واونـس عضامي بعدهن سـر قلنا....واونس حميم الموت والموت جاني

7ـ يـا لا يّـمـي فــالــود لـومـك مثنى....يطراك فـي قـلـبـك كـمـا مـا طراني

8ـ وأكــن دمـع الــعــيــن ولا ستكنا....أشكي على الـلي فـاهـم فالمعاني

9ـ وأشكي عليكم يا هـل هيل وبنا....ياشـاغـلـيــن الـكـيـف بالـزعـفـرانـي

10ـ ومـن هـبـت الـهـبـات مـنـا ومـنـا....ومـن يتدرق مـن ســهــيــل اليماني

11ـ كل المقاطر قـاطـره في جملنا....والــحــر مـا نـعـبـالـه الــخــيــزرانـي

12ـ وأختم كلامي بالـنـبـي يشفعنا....عــداد ماخـط الـقـلـم فـالــقــرانــي

13ـ وعداد مـا نـو الـحـيـا مـرجـحـنـا....وعـداد مـا مــال الـثـمـر بالـغـصـاني




المصدر كتاب(قصايد ومحاورات شعبيه)


واتمنى أن تنال إعجابكم~

[أبن حشيان]

الله يرحمه ويسكنه الجنه

اشكرك اخوي مودع دنياه وجزاك الله خير

امتعتنا بالقصيدة والاهم من قرى القصيدة ترحم على صاحبهاء

والقصيد القديم يكون له نكهه خاصه

اشكرك يالغالي

[(مہودع دنہيأهہ)]

عز الله وصااادق.والله يعطيك العاافيه على المرور العطر ويجزاك بالخير على الدعاء ولا يحرمك أجره.



تقديري وإحترامي~

[عـقـــــــــــاب]

الله يرحمه و يسكنه في فسيح جناته ولاهنت ياذيبان ع النقل

[(مہودع دنہيأهہ)]

الله يرحمه و يسكنه في فسيح جناته ولاهنت ياذيبان ع النقل


اللهم أمين.


والله يجزاك بالخير على الدعوه الطيبه والمرور العطر ولاهنت.

[(مہودع دنہيأهہ)]

يا أخوان المعذره على الخطاء الغير مقصود فالصيده لأني ناقلها من ورقه جاتني وماهي مكتوبه بالحركات وكذا ولا كانت واضحه بالحيل.



3ـ أبـو شـفـيـات بالـبـســم هــرجــنــا....منهم سبب قـلـبـي ومنهم هواني


واعتقد إن الصحيح.


إجرحنا وماهو (هرجنا) على ما اعتقد لأن الورقه ماهي بوااضحه.





والثاني.

شكـل الـهـوى ورد وعــطــر وحـنـا....والمسـك والعنبر وخضب الـبـنـاني


ورد(ن) وعطر(ن) وحنا.




والثالث.




6ـ واونـس عضامي بعدهن سـر قلنا....واونس حميم الموت والموت جاني



واون عضامي بعدهن إسّرقنا





والرابع.




8ـ وأكــن دمـع الــعــيــن ولا ستكنا....أشكي على الـلي فـاهـم فالمعاني




وكُن دمع العين ولا إسّتكنا.



يعني أنت كن الدمع أحسبه ولا إستكن وأهجد.





وأعذرونا على القصور.

[فهااد]

تموووون يا مودع دنياااه

[(مہودع دنہيأهہ)]

تموووون يا مودع دنياااه



تسلم والله وهذه من طيب أصلك.



والله يعطيك العافيه على المرور ولاهنت.