اقرب عتيبي يتفضل.

[محماس السلمي]

سلام ردية على العتبان من شاعر سليم = للي يعرف اوزانها واللي يعرف طروقها

أبا أصلح عتابه مع الهذلان مسعايــه كريم = والا الأمانه ،، بالأماانـــة ،، فرغوا صندوقها

[محمد الذيابـــي]

أبا أصلح عتابه مع الهذلان مسعايه كريـم
والا الأمانه ،، بالأماانة ،، فرغوا صندوقها


صح لسااااااااااااانه

[سلطان البقمي]

صح لسانك ولسان قبيلك مقدماً


هذا فعلاً شعر سليم الا صلي علا ك ابهم لا ترحم احد



اعجابي في البدعه ومتابع لكم

[محماس السلمي]

محمد الذيابي // سلطان القمي

صحت ابدانكم


متابعتكم شرف..

[منصور الثبيتي]

يامرحبا رحب (ن) عن العتبان فالبيت الكريم=حنا كما شجرة وفا ونتم سواة اعروقها
مدام تبغا الحل ياراع الكرم ونته سليم=دوّر على المخطي وتلقا الحق في منطوقها

[محماس السلمي]

دام البقا لكن لاتخطي الصراط المستقيم = أنته ماندري عنك تحت الرض والا فوقها

أنا تراني مرضوي للبيّنه ماني خصيم = وأم الكباير ما تجنبها يالين تذوقها

[منصور الثبيتي]

المشكله تبقا الزعامه يالسليمي لزعيم=والفرق واضح فالصقور السود ياغرنوقها
معاد لك مخراج لاتقعد تغني ياشريم=من بعد ماطاحت سنونك يالسليمي حوقها

[محماس السلمي]

الله لا يهينك يا منصور عدّل بيتك لأني ما فهمته..

[محماس السلمي]

يالله لا تبلاني بعد شيّبت بعيال الحريم = ما باقي الا نغصب عتابه ترد حقوقها

أبا آتحزم بالمفتل وآتحزم بالبريم = حشمة لجراني وأرد الجيزة لفاروقها

[محماس السلمي]

يا منصور المذن ما عااد الا يذن تبينا نكمل ولا نمرح..

[ابي قبيس]

بيض الله وجهك يامنصوور

[محماس السلمي]

الله يبيّض وجهك يا منصوور الثبيتي وسعدت بلقائك

ولنا ماجهاات في المستقبل إن شاء الله

تصبح على خير.

[منصور الثبيتي]

من بعد ماشفنا القمر قلنا ورا الدنيا نعيم=ومن دبرة الخالق تبان الدبره فمخلوقها
اقبل على الميقات لاكن راح في دار المقيم=ومن بعد ماجاه السرى خربت جميع اطروقها

[منصور الثبيتي]

بيض الله وجهك يالغالي ..


استمتعت باللعب معك ونتعلم منك الشي الكثير

[المزيني.]

العتيبي


يامرحبا رحب (ن) عن العتبان فالبيت الكريم ** حنا كما شجرة وفا ونتـم سـواة اعروقهـا


بيت جزل وقوي



صحت السنتكم جميع ولاهنتم

[جمال منير]

الله الله


صحت الالسن والقلوب,,