انتخاب شيوخ ووجهاء القبائل لحل مشاكل ابنائها وبناتها

[الثاقب]

السلام عليكم ورحمة الله وبركاته

كل عام والجميع بخير

كانت مشيخة القبيلة سابقاً تكون عند من يكون في مقدمة قبيلته في السراء والضراء واحكمها في الرآي والمشورة واكبرها هيبة وعندما يوافيه القدر لايرث ابنه مشيخة والده حتى يكون هو الاصلاح وان لم يكن هو الاصلاح بحثوا رجال القبيلة عن الاصلاح لهم واتبعوه والامثلة كثيرة على ذلك

واليوم في ظل الامن والامان وعدم حاجة البعض لشيخ القبيلة اصبحت مشيخة القبيلة بالتوارث حتى ولو كان هذا الوارث ( لاسم المشيخة ) ليس من افضل ابناء قبيلته وهذا ماجعل دور شيخ القبيلة يضعف جداً ويصبح دوره ( في حضور الولائم والمناسبات واستلام الشرهات من الحكومة )

والملاحظ يلاحظ ان كل القبائل لها ابناء في السجون مطلوبين للحق العام والخاص وفي نسائهم ارامل يعيشن على الجمعيات الخيرية وانتشار العنوسة بين البنات وعزوف الشباب عن الزواج وانتشر المخدرات والافكار الهدامة التي اضرت بمكونات القبيلة وحتى بامن الدوله والسبب يرجع لضعف شخصية ودور شيوخ القبائل في قبائلهم.

وحتى تحل هذه الاشكالية لابد من وجود انتخابات وهي ان يرشح مجموعة من ابناء القبيلة انفسهم ممن يثق فيهم وعرف عنهم الخير من تدين وصدق وامانة ويترك لابناء القبيلة حرية الاختيار وعند الانتهاء من التصويت يفوز بالترشيح الاكثر اصوات.

فلو طبق هذا الاقتراح الذي يطالب به كثير من مثقفي وكتاب القبائل فسوف لان يبقى في السجون غير الخطيرين على البلد والمواطنين وتعيش الارملة في مستقبل امين وتحل مشاكل ابناء القبيلة لابد ان يكون للقبيلة مرجع يحل مشاكلها يتميز بقوة الشخصية ورجاحة الرآي وفيه خير لدينه ووطنه وابناء قبيلته وليس الترزز على صحون الارز واللحم والمشروبات الغازية والسلطات والفواكه.

فاتمنى التصويت والمشاركة من الجميع

[فهيد الايدا المورقي]

يالثاقب شيخ القبيله الان ليس له اي دور مسمي فقط وسوي كان انتخاب اوغير ذلك


لن يتغير الحال



تحيتي

[الثاقب]

طيب صوت :)

[عـقـــــــــــاب]

يالثاقب شيخ القبيله الان ليس له اي دور مسمي فقط وسوي كان انتخاب اوغير ذلك


لن يتغير الحال



تحيتي

هههههههههاي يعني لا تتعب حاالك بعدين شيوخ القباائل مشيختهم وراثه

يعني مستحيييييل يجي واحد كما معرووف عند الباديه رااعي ولد راااعي

ويجي شيخ مكااني وانا وارثها من جدي اللي ورثها من جد جــــــــــــــدّه

بعدين تقول الحين مامنهم فايده لو مامنهم فايده ماعطتهم الحكومه شرهات

وهذي سيااااااااااااااسه الله يرضى عليك

و بعدين لهم كلمه على القبيله وابناء القبيله يلجون لهم لاصاار شي من الشيااات

لكن اللي فالسجون هذي ماافيها طب مايقدرها الا الملك الله يحفظه

والفقر والجوع راجعه لحكم الدوله ماااهوب لشيخ القبيله الله يهديك

شيخ القبيله ماعنده ميزانيه هههاي ولا تجيب شيخ يقول يالله قطيّه يالربع ههههاي

على العموم لك مني خالص المحبه والشكر و العرفان وتقبل المرور بصدر رحب

واعتبرها دعاابه;):p:o:rolleyes::D

[الثاقب]

يعني مستحيييييل يجي واحد كما معرووف عند الباديه رااعي ولد راااعي

ويجي شيخ مكااني وانا وارثها من جدي اللي ورثها من جد جــــــــــــــدّه

بعدين تقول الحين مامنهم فايده لو مامنهم فايده ماعطتهم الحكومه شرهات

وهذي سيااااااااااااااسه الله يرضى عليك


كلامك جانب الصواب والشيخ منول مايارث مشيخته ولد الا نادر جداً وجميع شيوخ القبائل قديماً الغالبية العظمى منهم لم يرثها من والده قد تكون في نفس الاسرة صحيح لكن يرثها من ابوه نادر جداً

وهناك اشخاص تحالفوا مع قبيلة وصارت ارائهم واشوارهم اطيب من شيوخ تلك القبيلة وتبعوهم الناس بدل شيوخهم السابقين وهذا ليس حصر على القبائل بل حتى في الدول والجيوش وغيرها

[الشوردي]

والله انا مع انتخاب شيخ او مرجع للقبيلة لان شيوخ القبايل اليوم وظيفته في القبيلة هو القلوط على المفاطيح قبل الناس كلهم

[الثاقب]

والله انا مع انتخاب شيخ او مرجع للقبيلة لان شيوخ القبايل اليوم وظيفته في القبيلة هو القلوط على المفاطيح قبل الناس كلهم

ههههههههههههههههه

صادق والله وظيفته الاساسية اول شخص يتربع على الصحن :p

والله لونه منتخب من القبيلة مايتربع على الصحن وفيه واحد من القبيلة عنده مشكلة تحتاج حل

[عـقـــــــــــاب]

وهناك اشخاص تحالفوا مع قبيلة وصارت ارائهم واشوارهم اطيب من شيوخ تلك القبيلة وتبعوهم الناس بدل شيوخهم السابقين وهذا ليس حصر على القبائل بل حتى في الدول والجيوش وغيرها

طيب ياحبيبي تخيل يجي شخص من خاارج القبيله ويحل محل شيخ القبيله حكم شهااادته او من

ناحيته المااليه:confused:;):o:rolleyes::D:eek:

[عـقـــــــــــاب]

ههههههههههههههههه

صادق والله وظيفته الاساسية اول شخص يتربع على الصحن :p

والله لونه منتخب من القبيلة مايتربع على الصحن وفيه واحد من القبيلة عنده مشكلة تحتاج حل

يااخوي صراحه صراحه و من جد و من دون استهزاء

من باب العوايد و السلوم عند القبايل !!!!!!!!!!!!!!!!!!!!!!!

هل تبي شيخ القبيله يقلط آخر واحد ولاّ مع الشباب؟؟;):p

[الثاقب]

ليش نتخيل

هذولي ال سعود حكموا قبايل مايرجعون فيها وصار تخطيطهم وتفكيرهم احسن من شيوخ قبايلنا وبنوا لنا دوله وطلعنا من الخيام في عهدهم وسكنا قصور وعرفنا نقرأ ونكتب والله لانرجع فيهم ولايرجعون فينا بنسب قريب

[عـقـــــــــــاب]

ليش نتخيل

هذولي ال سعود حكموا قبايل مايرجعون فيها وصار تخطيطهم وتفكيرهم احسن من شيوخ قبايلنا وبنوا لنا دوله وطلعنا من الخيام في عهدهم وسكنا قصور وعرفنا نقرأ ونكتب والله لانرجع فيهم ولايرجعون فينا بنسب قريب

و الله ياحبيبي آل سعود مانتخبتهم;)

[الثاقب]

يااخوي صراحه صراحه و من جد و من دون استهزاء

من باب العوايد و السلوم عند القبايل !!!!!!!!!!!!!!!!!!!!!!!

هل تبي شيخ القبيله يقلط آخر واحد ولاّ مع الشباب؟؟;):p


لامحشوم ياعقاب لكن دوره مع قبيلته يجب ان يكون مستمر في جميع متطلبات القبيلة حتى يكون هو اللي يستاهل اول من يقلط واول من يصبون له فنجان القهوة.

[الثاقب]

و الله ياحبيبي آل سعود مانتخبتهم;)

ال سعود ليسوا شيوخ ووجهاء قبائل هم ملوك وهذا ليس صلب موضوعنا

صلب موضوعنا عن شيوخ ووجهاء القبائل

[لسان صدق]

انا مع الثوره على شيخ القبيله والغا هذا المنصب الغير مناسب لهذا الزمان الى الابد والمطالبه في برلمان ومجلس شعب يمثل الجميع وشيخ القبيله اليوم انتهت صلاحيته الى الابد وبقاه في هذا المنصب المستفيد الوحيد منه هو وعياله لكن هناك طرف ثاني لابد ان يناله نصيب كبير من الفايده وهو التخلف والعوايد والتقاليد التي صارت قيود تكبل الرجلين عن السير الى امام بالسرعه المطلوبه دون الخوف من المخالفات العرفية وان كان لابد من وجود شيخ للقبيلة فاانا مع انتخابه الدنيا كلها انتخابات وقفت عليه

[الثاقب]

انا مع الثوره على شيخ القبيله والغا هذا المنصب الغير مناسب لهذا الزمان الى الابد والمطالبه في برلمان ومجلس شعب يمثل الجميع وشيخ القبيله اليوم انتهت صلاحيته الى الابد وبقاه في هذا المنصب المستفيد الوحيد منه شخصيا هو وعياله وان كان هناك طرف ثالث بالتاكيد زوجته لكن هناك طرف رابع لابد ان يناله نصيب كبير من الفايده وهو التخلف والعوايد والتقاليد التي صارت قيود تكبل الرجلين عن السير الى امام بالسرعه المطلوبه دون الخوف من المخالفات العرفية وان كان لابد من وجود شيخ للقبيلة فاانا مع انتخابه الدنيا كلها انتخابات وقفت عليه


الله يكثر من امثالك الذين تفتحت عقولهم وزالت الغشاوة عن اعينهم والله سبحانه وتعالى يقول ( وامرهم شورى بينهم ) ومع ذلك لازل هناك من يحارب وينافح عن التبعية

[فهيد الايدا المورقي]

هههههههههاي يعني لا تتعب حاالك بعدين شيوخ القباائل مشيختهم وراثه

يعني مستحيييييل يجي واحد كما معرووف عند الباديه رااعي ولد راااعي

ويجي شيخ مكااني وانا وارثها من جدي اللي ورثها من جد جــــــــــــــدّه

بعدين تقول الحين مامنهم فايده لو مامنهم فايده ماعطتهم الحكومه شرهات

وهذي سيااااااااااااااسه الله يرضى عليك

و بعدين لهم كلمه على القبيله وابناء القبيله يلجون لهم لاصاار شي من الشيااات

لكن اللي فالسجون هذي ماافيها طب مايقدرها الا الملك الله يحفظه

والفقر والجوع راجعه لحكم الدوله ماااهوب لشيخ القبيله الله يهديك

شيخ القبيله ماعنده ميزانيه هههاي ولا تجيب شيخ يقول يالله قطيّه يالربع ههههاي

على العموم لك مني خالص المحبه والشكر و العرفان وتقبل المرور بصدر رحب

واعتبرها دعاابه;):p:o:rolleyes::d




يعني ما شالله شيخ القبيله يعد لين ياصل عدنان وهو شيخ ولد شيخ ولم يكن احد اجداده راعي



يعني جاي على رقم شيخ من يوم خلقة الدنيا


ههههههههههههههههههههههههههههههه

[ابن جبر النفيعي]

انا مع الثوره على شيخ القبيله والغا هذا المنصب الغير مناسب لهذا الزمان الى الابد والمطالبه في برلمان ومجلس شعب يمثل الجميع وشيخ القبيله اليوم انتهت صلاحيته الى الابد وبقاه في هذا المنصب المستفيد الوحيد منه هو وعياله لكن هناك طرف ثاني لابد ان يناله نصيب كبير من الفايده وهو التخلف والعوايد والتقاليد التي صارت قيود تكبل الرجلين عن السير الى امام بالسرعه المطلوبه دون الخوف من المخالفات العرفية وان كان لابد من وجود شيخ للقبيلة فاانا مع انتخابه الدنيا كلها انتخابات وقفت عليه

ماشاء الله عليك هذا الرأي الذي اراه المناسب وتم التصويت له

[عـقـــــــــــاب]

الله يكثر من امثالك الذين تفتحت عقولهم وزالت الغشاوة عن اعينهم والله سبحانه وتعالى يقول ( وامرهم شورى بينهم ) ومع ذلك لازل هناك من يحارب وينافح عن التبعية

مستاااااااااااااااانس ماشاء الله زين ماطلعت مع الشاشه

هههههههاي :p

يااااخوي اذا جااء تصويت اول ماصوت لك وش تبي :D

تقبل مروري بصدر رحب

[الثاقب]

مستاااااااااااااااانس ماشاء الله زين ماطلعت مع الشاشه

هههههههاي :p

يااااخوي اذا جااء تصويت اول ماصوت لك وش تبي :D

تقبل مروري بصدر رحب

انت هنا تفقد التصويت نزاهته لانك لم ترى باقي المرشحين وهذا مانرفضه :p

انتظر حتى يكتمل المرشحين ويبدي كل منهم توجهاته وافكاره ومن ثم قرر لمن تصوت :cool:

[عـقـــــــــــاب]

يعني ما شالله شيخ القبيله يعد لين ياصل عدنان وهو شيخ ولد شيخ ولم يكن احد اجداده راعي



يعني جاي على رقم شيخ من يوم خلقة الدنيا


ههههههههههههههههههههههههههههههه

اشوى من اللي مافيه امل يبقى راعي لين تقوم السااعه هههههههاي


اضرب لك مثال تخيل لو امير ؟؟؟ تجي مكانه :cool: وش شعورك

يعني تكون امير قبيله

يعني قبيلتك بعدك بيكون فيها ولا سجين ولا فقير

خياااااااااااااااااااااااااااااااااااااااا........ ..................ل

[عـقـــــــــــاب]

انت هنا تفقد التصويت نزاهته لانك لم ترى باقي المرشحين وهذا مانرفضه :p

انتظر حتى يكتمل المرشحين ويبدي كل منهم توجهاته وافكاره ومن ثم قرر لمن تصوت :cool:

مسوي عااااااااادل و منصف هااااااه

بكره اذا خسرت ترى تخسر الشرهات و المفاطيح:confused::eek:

[الثاقب]

مسوي عااااااااادل و منصف هااااااه

بكره اذا خسرت ترى تخسر الشرهات و المفاطيح:confused::eek:


الله لايجعل بطني هو اكبر همي :cool:

[مخاوي الليل الشمري]

انا صوت ضد
كنت بصوت مع فتذكرت بعض الشيوخ فقلت لازم ضد

تحياتي لك

[الثاقب]

انا صوت ضد
كنت بصوت مع فتذكرت بعض الشيوخ فقلت لازم ضد

تحياتي لك

لاتخاف حقوقهم محفوظة :rolleyes:

إذا كان فيهم خير راح يفوزون في التصويت لان الناس ماتدور غير الطيبين امثالهم

[الثاقب]

اتمنى من مر على الموضوع ان يصوت فيما يراه بخصوص الانتخاب او التوريث

[(مہودع دنہيأهہ)]

الله يعطيك العاافيه يالثاقب ولاهنت.طرح قـــــــــيـــــــــــم ولي عوده إن شاء الله لمشاركه في طرحك القيم.

[هاجس الشعر]

اليوم يالثاقب خرج من القبائل رجال لم تكن لاجداهم شيخه وبرزو في امور كثيره واصبح نفعهم وخيرهم اكثر من اللي وارث الشيخه من جده وهو ما ينفع ولا فيه خير وياكثر هالنوعيات
والمشكله ان بعض من ورثو الشيخه وراثه لا يرضيهم ان يبز احد من عموم القبيله وتصيرله شهره
وكثيرا ما سمعناهم يقولون ان الرعيان صارلهم صيت وينتقصون من ابناء القبائل الناجحين
يعني لاهو نافع ولاهو مخلي غيره من ابناء القبيله يبرز ويكون له نفع للقبيله
عموما شيخ القبيله اليوم هو مجرد موظف ياخذ راتب لان جده كان شيخ
واذا كان الجد شيخ وفعوله طيبه ليس من الضروره ان يصبح احفاده مثله
فالطيب والعلوم الغانمه ليست ملك لعائله معينه وكم طيب عقبله ردي وكم ردي عقبله طيب
عموما فكرتك جيده وتستاهل الدراسه لكن اظن ان الدوله لا تريد شيخ على كيف قبيلته بل تريد واحد هي اللي تنصبه وتتحكم فيه

[نيزك]

يلوموني فيك يالثاقب :D

أنت أفكارك جهنميّه وصااااروخيه

المهم أن يكون الهدف هو التنافس في الخير والطيب وخدمة القبيله ... ماهو علشان المنصب فقط

تمّ التصويت بـــــ :cool:

ماني قايل

عشان ماأكسب عداوات :D:D:D

[(مہودع دنہيأهہ)]

أنا مع ترشيح الشيخ لأن والله في هذه الوقت الشيخ للشرهات بس ولا منه فايده إلا من رحم الله.لذا يفضل لو كل قبيله تختار الرجال اللي ينفعها مو اللي يسرقها.خله ياخذ له من الشرهات اللي يعجبه لاكن ما يعرمش كل شي زي ما نشوف فالوقت الحالي.لذا أشوف إنه احسن القبيله تختار اللي فيه الخير وينفعها يضلي تلقى كل الشيوخ عيال حلال وينفعون قبايلهم~



على العموم الله يعطيك العااافيه على الطرح ولاهنت.والله إني كنت متحمس مع الموضوع لين شفت الرد اللي تحتي




عموما فكرتك جيده وتستاهل الدراسه لكن اظن ان الدوله لا تريد شيخ على كيف قبيلته بل تريد واحد هي اللي تنصبه وتتحكم فيه



^^^^

وتحطمت لأنه والله جابها على الجرح.لأن الشيخ اللي ينفع ربعه يبا يروح مرواح الشمري~

[الثاقب]

اليوم يالثاقب خرج من القبائل رجال لم تكن لاجداهم شيخه وبرزو في امور كثيره واصبح نفعهم وخيرهم اكثر من اللي وارث الشيخه من جده وهو ما ينفع ولا فيه خير وياكثر هالنوعيات
والمشكله ان بعض من ورثو الشيخه وراثه لا يرضيهم ان يبز احد من عموم القبيله وتصيرله شهره
وكثيرا ما سمعناهم يقولون ان الرعيان صارلهم صيت وينتقصون من ابناء القبائل الناجحين
يعني لاهو نافع ولاهو مخلي غيره من ابناء القبيله يبرز ويكون له نفع للقبيله
عموما شيخ القبيله اليوم هو مجرد موظف ياخذ راتب لان جده كان شيخ
واذا كان الجد شيخ وفعوله طيبه ليس من الضروره ان يصبح احفاده مثله
فالطيب والعلوم الغانمه ليست ملك لعائله معينه وكم طيب عقبله ردي وكم ردي عقبله طيب
عموما فكرتك جيده وتستاهل الدراسه لكن اظن ان الدوله لا تريد شيخ على كيف قبيلته بل تريد واحد هي اللي تنصبه وتتحكم فيه


بارك الله فيك ياهاجس وهذا اللي حنا نقوله ان وراثة المشيخة خطأ مالم يكن الوريث على قدر تحمل المسؤولية وتاريخ المشيخة في القبائل يثبت لنا ان اغلب الشيوخ لم يكونوا ابناء شيوخ بل تنتقل الشيخة من بيت لبيت

[عائضي]

الثاقب

شرهتك على اللي احتاجهم ولله الحمد

مافيه الا التعريف والحمدلله ناخذه من العمل و اول كنت اخذه من اقرب عمده بالحي

و لا درينا عنهم الله يعز حكامنا و يجعل فيهم الصلاح و الخير و البركه

مبدع كما عهدناك

لك الشكر على الابداع المتجدد

الله يعطيك العافيه

وتم التصويت

[الثاقب]

يلوموني فيك يالثاقب :d

أنت أفكارك جهنميّه وصااااروخيه

المهم أن يكون الهدف هو التنافس في الخير والطيب وخدمة القبيله ... ماهو علشان المنصب فقط

تمّ التصويت بـــــ :cool:

ماني قايل

عشان ماأكسب عداوات :d:d:d


الله يلوم اللي يلومك هههههههههههههههه


اكيد التنافس بيكون خير للقبيلة وشرفت الموضوع يانيزك

[نيزك]

هلابك اخوي الثاقب
الله يعليّ قدرك وينفع بك

انا عندي اقتراح صغير اتمنى ان تأخذه في عين الإعتبار
لأنه بالاضافه لمعرفة نتيجة التصويت
نريد ان نعرف ماهي المطالبات التي يريدها أبناء وبنات القبيله من شيوخ و وجهاء القبيله

واتوقع ان كثير من الشيوخ الفاهمين يتصفحون المنتدى ولربما نفع الله بهم قبيلتهم بدال ماهم خُشُبٌ مسنّده ومافيهم فايده

وبما أنهم يملكون الفرصه الكبيره لمقابلة الحكام والأمراء النافذين في الدوله
فلما لايطالبون لعموم القبيله(وهذا فيه شرف لهم وليس إذلال لو طالبوا لأنفسهم وعيالهم فقط )
نحن نلوم الدوله لتطوير بعض المدن وتجاهل بعض المدن
والحق يقال ان وجهاء هذه المدن المتحضرين (سواء كانو قبائل أو غير قبائل) يطالبون لمدينتهم بالتطوير والجامعات والميزانيات للبنيه التحتيه لمدينتهم

انا احترم كل شخص فكر بمجتمعه الصغير كمدينته او قبيلته قبل نفسه
وللأسف لم أرى ذلك في مدن وهجر عتيبه

دعنا أيها الثاقب نحاول حصر طلبات شباب القبيله من كلا الجنسين ولنرى من من الشيوخ والوجهاء يستطيع تبني ولو مطلب واحد والسعي في تحقيقه

أنا عني أول مطلب عندي
مشروع اسكاني ضخم للشباب المقبلين على الزواج من عتيبه ويكون تصميمه ليس فلل كبيره مستهلكه للطاقه ولا شقق صغيره تخنق نظراً لطبيعتنا التي تحب النفاهه

ثاني مطلب لي
وضع صندوق لمساعدة الشباب على الزواج وبما أن تكاليف المهور عندنا كبيره فالمفروض يكون مقدار المساعده لايقل عن 30 ألف مثلً كحد ادنى

ولاتقولون لي منين تجي الفلوس
صدقوني الناس اللي حطت الفلوس بالمزاين اللي تكلمت عنه القنوات الصينيه ماشاءالله
جاهزين يحطون فلوسهم في المساعده على إعفاف شباب القبيله اللي من ردى في أردى

خلونا نحاول ننقذ مايمكن انقاذه ياجماعه

انتهى
تحيتي

*

[عين الحق]

أهم شئ يخفضون المهور أو يلغونها بالمره لأن العنوسة وصلت إلى أرقام مرعبة جدا

[الثاقب]

أنا مع ترشيح الشيخ لأن والله في هذه الوقت الشيخ للشرهات بس ولا منه فايده إلا من رحم الله.لذا يفضل لو كل قبيله تختار الرجال اللي ينفعها مو اللي يسرقها.خله ياخذ له من الشرهات اللي يعجبه لاكن ما يعرمش كل شي زي ما نشوف فالوقت الحالي.لذا أشوف إنه احسن القبيله تختار اللي فيه الخير وينفعها يضلي تلقى كل الشيوخ عيال حلال وينفعون قبايلهم~



على العموم الله يعطيك العااافيه على الطرح ولاهنت.والله إني كنت متحمس مع الموضوع لين شفت الرد اللي تحتي







^^^^

وتحطمت لأنه والله جابها على الجرح.لأن الشيخ اللي ينفع ربعه يبا يروح مرواح الشمري~



الشورى بين الناس نتايجها راح تكون طيبة لاتخاف

[(مہودع دنہيأهہ)]

النيزك بيض الله وجهك فكره قيمه وياليتها تحقق.


والشي الوحيد اللي أتمنااه من الشيوخ يطالبون بحقوق قبايلهم.مو كل ما جاء واحد من الملائكه البشريه على حد قولهم وأعجبتهم ديره يبا يسرقها يرشي شيوخ الختم بكم فلس ويسرقها.

[ابومحمد القوادي]

الله يعطيك العافيه

+

عين الحق

وش دخل شيوخ بالمهور

مشكله باهل البنت ياخوك ولا شيخ ماله كلمه بهذا شي

الي يقدره بينقصها بس

[ولدعساف]

شيوخ القبائل ولله الحمد اغلبهم مشهود له بالخير والعلم الغانم .. فكم من قضيةً حلة بجاهة شيخ قبيلة وكم من قضايا كان الفضل لمشائخ القبائل بعد الله .. وقضية المهور فمشائخ القبائل لم يقصرو فوضعو سقف لها ولكن ليس باستطاعهم فرض رايهم فهذه قضيه المعني بها اهل البنت ...

موضوع طيب وسلمت ولاهنت :)..

[سعد المسـعودي]

بسم الله الرحمن الرحيم


أخوي : الثاقب وفقك الله
السلام عليك ورحمة الله وبركاته
أولاً : أحييك على هذا الطرح الجري ..
ليأخذ حقه من النقاش والكل يدلي برائه
وبكل شفافيه ...


.... وبناء ٍ على ذلك ...
يشرفني المداخلة لأبدي برائي المتواضع حول ذلك ..

... بالنسبة لموضوع إنتخاب شيوخ القبائل ..
لاأعتقد بإن هذا الرأي سوف يكون مقبول ...
لدى شيوخ القبائل ... مهما كان ..


... ولكن إذا لي من رأي حول الموضوع :

فهو لايتجاوز لمخاطبة شيخ القبيله والذي يكف شمل قبيلته ..

بالطبع نعلم بإن لكل قبيلة عريقه .. ولها مشايخ مرتبطة بشيخ القبيله
فلو أجتمع بمشايخ الفخو ذ المرتبطين بشيخته ..
وأتفق معهم ... على التالي :


1 : يحدد كل عيد مثلاً عيد الفطر المبارك ..
لنقول عيد 1432هـ عند شيخ الفخذ الفلاني ..
هو وجماعته .. ليجتمعون مشايخ الفخود وأعيان القبيله وأبنائها .. والعيد اللي بعده عند شيخ الفخذ الفلاني .. ألخ ..
منها إذا هناك مشاكل تعرض على شيخ القبيله ليتدارسها معهم مشايخ قبيلته وأعيانها
وأبنائها أصحاب الفكر وأهل الرأي والمشوره للتوصل للحلول المثلى ..
كذلك لتلاحم أبناء القبيله .. وقربهم من بعض .. ولتكون وقفتهم سوياً .. وجمعتهم على الخير ..
2 : يكون يكون هناك أسماء منتخبه من قبل أبناء القبيله .. ليمنحون مسمى لجنة إصلاح البين
ويؤخذ برائهم في أي قدوم لعمل يراد الشروع فيه من قبل القبيله ..
3 : إن يحرص شيخ القبيله على العلاقات الجيده مع ولاة الأمر .. وكذلك مشايخ القبائل
من أجل يدرك مطاليبه لديهم .. متى مادعت الجاجة لذلك ..


.... هذا ماأردت إن أتداخل به والله يوفق الجميع


أخوكم : سعد المسعودي ..

[كاااايد]

ماراح نتطور اذا التفكير كذا