قصائد متميزه لشاعر المبدع ياسر التويجري

[الامير]

قصائد لشاعر المبدع ياسر التويجري


والاهداء لي الدلبجي



هيلـكـوبـتـر ودبــابــه ورشــــاشٍ قــــوي الـنـبــط =
وسيفٍ ما قدر يقـوى صـداه اللـي عطـاه خطـوط
وصـواريــخٍ سـمـاويـه تـطـيـر ولا تـهــدف زبـــط =
وتصاريـحٍ علـى ذيـك القنـاة اللـي تحـب الـهـوط
قبل محبس جنـوب الـدار هزيـزٍ مـن رمـاح الخبـط =
وقبل محبس شمال الدار هزيز رماح يـا بلـوط
وبـنـتٍ قطـرهـا مـلــي وتسكـنـهـا دواهـــي عـبــط =
وهــي أصــلاٍ بهالدنـيـا عبيـطـه بثـهـا مـلـحـوط
عـبـوديـة تمـاثـيـلٍ تـعـلـت فــــي رفــــاع الـهـبــط =
وخـوفٍ فـاز يـوم انـه قـدر يكسـب ثـلاث نـقـوط
وسـلام الله ويـا أهـل الله عبـارات وتـحـب الشـبـط=
ولا تـنـلام يــوم أنــه تـعـدت لـيـن حـــد الـغــوط
عـرب وشـي مـدام انـه علـى موتـه تـسـوي ربــط=
وجرب وشو سوى بوشٍ قدر يعدي بدون شروط
تأمـلـت وتفـكـرت وبـكـت عيـنـي دمـــوع الـسـبـط =
وضربـت جـدار عزتنـا بكفـي وإنضـربـي شــوط
وقفـت وشلـت رشــاشٍ علـيـه مــن الليـالـي قـبـط =
ورثتـه مـن هـل النخـوه جنـوه لـدولـةٍ وسـقـوط
وقـفـت وقـلـت أبـرمـي بــه ولكـنـه غـزانـي حـبـط =
عرفت انـي وأنـا واقـف بعيـد ويقصـر الشاعـوط
مـدام شعـوب هالعالـم تبـي تكـسـر خـشـوم اللـبـط =
وش اللـي يجبـر الحاكـم يحـب النفـط والنـاقـوط
غـــدت حـكــام دولات الـعـروبـه بـالـلـزز تـحـبــط =
يعبـد المنصـب الحـاكـم ولا فـكـر بقـبـر وســوط
مثـل شخـصٍ يـداري لـه علـى راتـب عيالـه وأبـط =
إليـن انـه تهيـا لــه عـلـى بـنـد الأجــور حـطـوط
عطونا السيف مـا نبغـى صواريـخ وإشـارة ضبـط =
وعطونـا الكيـف فالـدلـه وخلـونـا نقـيـم الـشـوط
علـى بــوش وعـلـى تـونـي ورامسفـلـد لا خـربـط=
عشان يشوف وش حنا ويعرف موقعه مضبـوط
نـبـي ننـخـا شريعتـنـا عـلـى ذيــك الـكـلاب العـبـط=
تحت راية عظيم الشان يعز الضعف والمضغـوط
نموت أو ما نموت أحسن نمـوت ولا تحطـك بإبـط =
خنـازيـرٍ يهـوديـه تـضـوطـك بالمـفـالـي ضـــوط
تعلمـنـا بــأن الطـيـر مـثـل مــا طــار يـبـي يهـبـط=
ولا منـه نـوى الحومـه يجيبـه للثـرى صـاعـوط
وكـل الخـوف لامـنـه وقــع بـيـن اللـظـى والشـبـط =
يجيـه اللـي علـى وجهـه يعالـج كسـره المفـروط


الامير

[الامير]

زواني مازوى زيدٍ وزلبني زمـان العـز =
وزند زريد زنّدني نغزني لـز مـن غـازي
ترزز وان لزى يلزي والى منه قمز يهتـز =
زرف زومي عن الملزوم وفاز بزنقتي فازي
زلالٍ لو فرز زينه على الزينات مايعجـز =
يوازيهن على زينٍ يزلـزل زف وانجـازي
رزان اوزان في كنزين الى منه غمز به خز =
زوايا قلب مزويٍ عـن الـزلات منحـازي
زباديٍ لزى فوقه زمـرّد وانتهـز وارتـز=
يكز كزلي مزاريفه على مغزاي باعجـازي
كنز كنزٍ من التعجيز وكنز العجز لي ينكـز =
وأنا عاجز عن المزيون الى منه عزم غازي
تزايد زل زفراتي حزامي فوق زوري لـز =
وزعجت الصوت من نغزٍكماناغوز مخرازي
تعزويت بعزايا الزير ولافاد العزى واملـز=
وتعزويت بزيازم عز وكـلٍ فـز مافـازي
زمانٍ زل مازجيت زنادي في زمام الـوز =
ولازايدت في رجـمٍ وزبنـه كلهـا بـازي
الوز من الوزى خزيٍ وزام العـز مايبتـز =
اوزي مايرز وزري وزاري زن بطنـازي
زواج الجوز لو يجزى تزوج وانتهز واعتز =
وخز وقز وزين زل زفاف بـزوم تلفـازي
زبون العوز لو ينقز فلا يجـزي ولايبـرز=
ولو يجزم على بنزٍ تنـوز البنـز مانـازي
ولو حزّر ولو فزّر ولو طرّز ولـو خـرّز =
ولو زمله يفوز بزين وزود الزين ممتـازي
ولو يلزي على لزّام ويزرع له زوالـي رز=
فلا يرزق زلال الا بأمر الـرازق الجـازي
عقب برزان من عزّك عزوم ولك عزايم دز=
تزر زرار منعازٍ عن العـوزات والعـازي
توزلف له حزن من زى تجزئها على موجز =
جنايز زار تجهز به علـى از وعلـى آزي
الامير

[الامير]

أنفجعت برحلة التفكير فـي عـرض المسيـر=
والتغى قيـد التوجـد مـن حياتـي وانطـوى
والمصيبه كل مافقـد شـي ف عيونـي مثيـر=
ماتوجـد ليـن كفـي دون حـقـي تلـتـوى
المهم إني كسرت السلـم فـي صفـو الغديـر=
والوكاد إنـي شربـت المـر واكلـت الهـوى
هيـه ياللـي ماحسبتـي أي معنـى للأسيـر=
ليـه يـوم إنـك رحلتـي ماخذيتـي هالنـوى
أنتحرتي بـي بدايـه وانتصرتـي بـي أخيـر=
والعشم اكبر وانا اللي احسب ان احنـا سـوى
شلت حبك وسط صدري وانوسم باقصى الضمير=
لين أشرف ذيـب قـدرك فالمعاليـق وعـوى
أهتدالي دربـك المظلـم وأنـا مانـي غريـر=
واستوى لي في عيوني يـوم قلبـي إستـوى
عذري إن الصدق مبدأ.. وأنكشفت إنـي فقيـر=
وعذرك إن الطعج ملجاء للهروب مـن الخـوى
عيبي إني ماجمعـت القـرش لليـوم العسيـر=
وعيبي إن الضيف عندي هو رفيـع المستـوى
أذبح الحيل السماني من خـروف ومـن بعيـر=
مهتوي والطبع يغلب يـوم غيـري ماهتـوى
ماشتغلت من المناصب غير في منصب خفيـر=
والصحيح إني عقيد القـوم فـي رتبـة لـوى
أدري إنـي ماملكـت المـال لكـنـي أمـيـر=
دام رأسي من عرفتـك فـوق كتفـي ماهـوى
وأنتي اللـي كـل همـك بالتذاكـر والمطيـر=
والسفر وازعـاج قلـبٍ مـن فراقـك انكـوى
تعبدين المـال وأنتـي فـوق يابنـت الوزيـر=
ومن ولدتي ماكسرك الجـوع وأحتجتـي دوى
ودي اسأل دام عندك مارد.. وجمـه .. وبيـر=
ليه تجفيني وأنـا اصـلاً ماطلبـت الإرتـوى
أسمعينـي واحسبينـي نـاصـحٍ وإلا نـذيـر=
وأفهمي قولٍ أقولـه قبـل شاعـث وشعـوى
منتكس عبد الدراهم لو يصيـر اللـي يصيـر=
فالأحاديـث الصحيحـه والبخـاري مـن روى
الامير

[الامير]

ينـام الزيـف بـظـلال الحقـايـق محـتـزي بـفـراش=
صنعه اللي عـرف يتقـن مداخـل لعبـة التشويـش
مثـل كذبـة عمايـر بـوش وبنـدق عمهـم منقـاش=
يـدز النـاس للتفجيـر ويسـأل مـن وراه وليـش
تقـوم النـاس تتسائـل وتنـجـح خـطـة الأحــواش=
ويبـدا الشـك فـي دارك وتنصـب نقطـة التفتـيـش
بعـد هـذا يجـيـك الـلـي حيـاتـه ابـتـدت مــن لاش=
قضـى عمـره ورى لميـاء يـحـط بكفـهـا تنقـيـش
يقول اللي ورى الارهـاب وفجـر عندنـا وانحـاش=
مـطـوع لحيـتـه كـذبـه تعـلـم بالقصـيـم الـطـيـش
عسـاك وربـي الأعـلـى تـمـوت بغـرفـة الإنـعـاش=
وقبل لا تموت من ربي يحرمك لقمتك من عيـش
تبي عودٍ قضـى عمـره بروضـة مسجـده معتـاش=
يشيـل الدقـن لعيونـك ويـأمـن منـكـم التخـديـش
ألا تـكــرم لـحـاهـم لـــو يـرابــط فـوقـهـا نـتــاش=
وألا تكـرم لحـاهـم لــو تقـولـون الـكـلام الـويـش
هم أكثر ناس ضد اللـي يقـوم وفـي يديـه كـلاش=
وهم أكثر ناس لا قامـت تقـوم ولا يقـوم الجيـش
يمـر الوقـت وينـور عـلـى الدنـيـا شـعـاع فــلاش=
ويكسب مرضيٍ ربـه ويخسـر مرضـي التطنيـش
نـشـوف ولا تعلمـنـا ومـــا زلـنــا نـعــد أوبـــاش=
بعين الكلب.. ابن الكلب.. راع الكلب ذاك بويش

[الامير]

مــن ثــلاث شـهــور قـافــي مسـتـديـر =
لاويٍ وجهـه ولا هـو بـص .. بـصـه
لا ضـريـرٍ .. نـقــدر نـقــول الـضـريـر =
ولا مفتـح .. واقـفٍ مـن دون رصــه
لابـــسٍ بـشــتٍ كـمــا بـشــت الأمـيــر =
مـا تـزحـزح فــوق هـاذيـك المنـصـه
أثـــره الـجـبـار يــــدري وش يـصـيــر =
عـارفٍ قلـبـي ويــدري وش مقـصـه
الـمـراد الـلـي جـــرى شـــيٍ .. مُـثـيـر=
شفت قافـي فـي شموخـه بـاق لصـه
إنـكـسـر حـلـمـه وهـــو تـــوّه صـغـيـر =
حتى سمنـه مـا تـوارى فـوق قرصـه
شـــال درعـــه نـــاويٍ يــــم الـمـغـيـر=
وسيفه البتار يردح فوق " عصـه "
قـــام يـنـخـى كــنــه الــعــود الـكـبـيـر =
قـال : آه .. وغصـةٍ مـن بعـد غصـه
مايـهـاب الـمـوت مـابـه مـــن كـسـيـر =
شاربٍ كآسين " هدنه " مـع مفصـه
الـعـزاء .. والـمـوت والـشــي الكـثـيـر =
هـايــنٍ بالـعـيـن دام إنــــه يـخـصــه
قالـوا : إسمـه بـس .. إسـمـه بالأثـيـر=
إسم حصه يسمعـه مـن زود حرصـه
إسـمـهــا يـسـكــن زوايــــاه الـعـبـيــر
لا نطقتـه فــي قـوامـك بــان قـرصـه =
مـا كحـل بـنـتٍ .. ولــو بـنـت الـوزيـر=
ما كحل حصه سوى هاذيك .. حصه
الـســواد الـلــي بجـفـنـه لـــو يـطـيــر =
أمطرت مـن حبـرٍ أسـود كتـب قصـه
قرب .. بُعد .. وشرها فـي وسـط خيـر =
تسكـن بهامـات قصـرٍ وسـط جـصـه
مــن ذهـبـهـا أغـنــت الـعــود الفـقـيـر =
وخاتـم إيــده لا تـحـرك طــاح فـصـه
كــل مــا فـيـهـا خـطـيـرٍ فـــي خـطـيـر=
كيف أعممها وقلّي ويـش أخصـه
والله إنـــه وســـط عـيـنــي والـنـظـيـر=
وما لقيت لشوف حصه .. أي فرصه
الامير

[مرزوق حمدان العتيبي]

....
اشهـــد بالله انه شاعر
غير عادي مذهله قصائده
وجزله ولا عليه من القوافي صعب ..
تحياتي
والله لايهينك يالامير...

[الامير]

مشكور ياخوي مرزوق


ولاهنت



على المرور




الامير

[فهد العصيمي]

الأمـــيــــر

الله يعطيك العافيه ولايهينك

وصح لسانك ولسان الشاعر ياسر التويجري

فعلاً قصائد ولا أروع ..


تقبل فائق إحترامي وشكري

[فيصل المسعودي]

روعـــــــــــــه يالأمــــــيـــــــر


قـــصـــائـــد جزلـــه وكـــلـــمـــات روعـــه


صـــــــــح لـــســـانـــك ولـــســـانـــه


تـــحـــيـــاتـــي لـــك.

[المسرّي]

مميز هذا الشاعر

واستمتع بالقراءه والسماع له

والجميل انه برز بدون إعلام " لا صحف ولا مجلات "



الشكر للامير على هذا الطرح

[الامير]

المسري


مشكور على مرورك



الامير

[ابـن نـعـيـس]

الامير

صح لسانك ولسان الشاعر المبدع التويجري


تحيااااااااااتي

[فهد النايف]

مشكوووووووووووور اخوي
الامير
على النقل الراااااااااااائع
وانا اشهد انه شاعر الاخ ياسر