وصل العطياني و ابن شديد طاروق إبدااااع

[ابو فايح]

طاروق من رباعيه جرت فالرياض موخرا

طاروق فيه رمزيه رائعه أجادها الشاعرين

ربما هناك من يقول يتحدثون عن الشعر وربما من يقول أنها أبعد كما أرى

لله درهم


وصل العطياني لا يحتاج لمدح ومهما قلنا لن نوفيه حقه

وابن شديد من وجهة نظري أنه أبدع هنا ابداع قوي عكس طاروقه مع عبدالعزيز في نفس الحفله

ابن شديد

وصل العطياني فقدته من شهور = والله يعلم ويش سبت غيابه



وصل العطياني
ياللي تدورني مكاني على الكور = والذيب ما يجهل مكان الذيابه




ابن شديد
ضايقت فالمجلس حبيب ومستور = والله لا يستر لا تعود طلابه



وصل العطياني
ما أنته معي في ورثة أبوي مشهور = وتموت وأنته ما فرقت القرابه






ابن شديد
يا صاحبي يا طول صبرك على الجور = وأخاف لا ترجع ضحية عصابه






وصل العطياني
يالعاطفي تحرم على جنة الحور =للصالحين وللرسل والصحابه






ابن شديد
ما أنته مثل غيرك ولأخطيت معذور = من طاوله سقم الليالي غدابه






وصل العطياني
أنا المهم إني مجمل ومشكور = تراني مشدد عليك الرقابه








ابن شديد
دنياك تاليها عوج كنك باكور = من عقب ما كانت سرور ورحابه



وصل العطياني
العبد في دنياه منهي ومأمور = لو كان ظهره مثل قوس الربابه



ابن شديد
أحد (ن) حضوره رمز ماهو بمحذور = وأحد(ن) يجي ويروح ما يندرا به



وصل العطياني
عيا يبين الكحل في عيونك العور = ومن الذكى تعكس حروف الكتابه



ابن شديد
عينك وسيعه تديل من الثري فور = والسيف من خوفك ما تمسك نصابه

[سقم المعادين]

وصل وصل !

الإبداع والتركيب والمعنى صفات موجود في وصل ونادره بين الشعراء الشباب ~

بصراحة هذا هو اللي يلقب [ شاعر الهيـــلا ] رضى المجنون ولا زعل الصاحي !

هذا الحق ~ ياطالب الحق !

أبو فايح ~ كالعاده الابداع ينبع منك

[سعد بن مطلق المقاطي]

محاوره رائعه

بن شديد يحاول شقرالعصا

لكن ماتمشي على وصل

وقد سمعت لهم محاوره رائعه

فيه مقالب وكل قافيته العسل والعجل والزلل والجهل

لاتقل عن هذي بالمستوى


ابوفايح رايع في الاختيار لله درك

[سلطان البقمي]

ابن شديد




وصل العطياني فقدته من شهور والله يعلم ويش سبـت غيابـه






وصل العطياني


ياللي تدورني مكاني على الكور والذيب ما يجهل مكان الذيابـه



هههههه

رد صاروخ من وصل


فعلاً طاروق كايف المعنى في .اسم وصل العطياني يرمز لشخص يعطي الخير


والآن مفقود والله وعلم

[عبدالله بن هملان الغامدي]

وصل العطياني نجم في شعر المحاوره ونال إعجاب الشعار والنقاد

ولكن هذا البيت تمنيت أنه ما قاله


يالعاطفي تحرم على جنة الحور للصالحين وللرسل والصحابـه



فيه تجاوز واضح من الناحيه الشرعيه صحيح أنه لا يقصد ظاهر البيت

وله معنى خاص. ولكن الأولى الأبتعاد عن صياغة المعنى بهذه الفكره



ابوفايح تقبل تحياتي وشكري لمجهودك وعطائك المستمر

[فهد علي العازمي]

عز الله إني ما أكره الشاعر لين يدخل في أمور الدين ويتحكم في إرادة الله ومشيئته


الله يهدينا واياه

[سلطان البقمي]

وصل العطياني نجم في شعر المحاوره ونال إعجاب الشعار والنقاد

ولكن هذا البيت تمنيت أنه ما قاله


يالعاطفي تحرم على جنة الحور للصالحين وللرسل والصحابـه



فيه تجاوز واضح من الناحيه الشرعيه صحيح أنه لا يقصد ظاهر البيت

وله معنى خاص. ولكن الأولى الأبتعاد عن صياغة المعنى بهذه الفكره



ابوفايح تقبل تحياتي وشكري لمجهودك وعطائك المستمر




احترم رايك لكن المعنى بالوصف وليس يقصد حور الجنه ولا الصحابه ولا الرسل


انما وصف يرمزله بشخاص وكان الوصف دقيق والله واعلم بذالك المعنى لكن الحديث يقول......

عن عمر بن الخطاب رضي الله عنه قال: سمعت رسول الله صلى الله عليه وسلم يقول(إنما الأعمال بالنيات وإنما لكل امرئ مانوى فمن كانت هجرته إلى الله ورسوله فهجرته إلى الله ورسوله ومن كانت هجرته لدنيا يصيبها أو امرأة ينكحها فهجرته إلى ما هاجر إليه) متفق عليه..

ونحن نقول نيته المعنى المقصود وبالاصح الا شخاص المذكورين بقوله

يالعاطفي تحرم على جنة الحور * للصالحين وللرسل والصحابـه

يعني تحرم عليك جنة الحور يقصد الطلب اللي كان يريده ابن شديد ..وصل يقول فيه اولى منك انت لم تكون ضمن هؤلاء الصحابه وبعيد عن هؤلاء الا شخاص منت اخذ شي

معهم هذا المعنى، ونحن نعرف جميعاً ويعرف ابن شديد ان وصل ليس نبي ووصل يعرف نفسه انه ليس يعلم من يدخل اللجنه وا نما يقصد المعنى وتضيف الرمز فيه فقط



المقصود المعنى حبيت اوضح النيه والقصد والرسول صلى عليه وسلم قال ذالك وستشهدت به على هذا الموضوع والله اعلم،،،،،ان شالله مافيه شي

[ابو زبن]

اشهد بالله أن اللي عنده حفله زواج ويبي يعزم شعار ولا
يعزم وصل العطياني ماعنده سالفه

كبير دايم بشعرك وهامتك يابو مشهور
ماقول غير الله لايضرك

[الشوردي]

رايي الشخصي طاروقهم لايصل لمرحلة الابداع فقط هناك ابيات جميلة من الشاعرين

والبادع بن شديد وكل شوي في ناحية والله اني عجزت افهم وش يقصد

ووصل قالها


عيا يبين الكحل في عيونك العور=ومن الذكى تعكس حروف الكتابه

[الجوراسي]

وصل هو شاعر عتيبة القادم الذي سيراهن عليه الجميييييييييييع

يعني في جيل الشباب هو رقم واحد واتحدى احد يقوللي افضل منه

[عبدالملك القاضي]

وصل العطياني مبدع ويمشي بخطى ثابته

بن شديد ماقصر

لاهنت يامبدعنا ابوفايح

[عبدالله بن هملان الغامدي]

[quote=سلطان البقمي;1206241]احترم رايك لكن المعنى بالوصف وليس يقصد حور الجنه ولا الصحابه ولا الرسل


انما وصف يرمزله بشخاص وكان الوصف دقيق والله واعلم بذالك المعنى لكن الحديث يقول......

عن عمر بن الخطاب رضي الله عنه قال: سمعت رسول الله صلى الله عليه وسلم يقول(إنما الأعمال بالنيات وإنما لكل امرئ مانوى فمن كانت هجرته إلى الله ورسوله فهجرته إلى الله ورسوله ومن كانت هجرته لدنيا يصيبها أو امرأة ينكحها فهجرته إلى ما هاجر إليه) متفق عليه..

ونحن نقول نيته المعنى المقصود وبالاصح الا شخاص المذكورين بقوله

يالعاطفي تحرم على جنة الحور * للصالحين وللرسل والصحابـه

يعني تحرم عليك جنة الحور يقصد الطلب اللي كان يريده ابن شديد ..وصل يقول فيه اولى منك انت لم تكون ضمن هؤلاء الصحابه وبعيد عن هؤلاء الا شخاص منت اخذ شي

معهم هذا المعنى، ونحن نعرف جميعاً ويعرف ابن شديد ان وصل ليس نبي ووصل يعرف نفسه انه ليس يعلم من يدخل اللجنه وا نما يقصد المعنى وتضيف الرمز فيه فقط



المقصود المعنى حبيت اوضح النيه والقصد والرسول صلى عليه وسلم قال ذالك وستشهدت به على هذا الموضوع والله اعلم،،،،،ان شالله مافيه شي[/quote






اعرف أن وصل ما ينوي ظاهر البيت وله معنى وذكرت هذا في ردي الأول

لكن حتى ولو مانوى هذا كلام ماهو سهل . ويفترض يا سلطان أنك ما قلت

ما فيه شيئ ولا أفتيت بها السهوله ( أجرأكم على الفتوى أجرأكم على النار)

[السلطان-سلطان]

وصل شاعر وعرف قصد ابن شديد
الي هو ان حبيب ومستور هم شعار عتيبة
وابن شديد مبدع كالعادة بقوة البيت وجزالة

[نادر مرزوق]

ماشاء الله عليك ياوصل

شاعر يجبرك على المتابعة لكن لي ملاحظة حول بيته الاول برغم جمال الرد وقوته خاصة بالشطر الاول :

ياللي تدورني مكاني على الكور ،، والذيب ما يجهل مكان الذيابـه

الشطر الثاني غير متناسب مع الأول فالكور معروف انه للذلول وفي الشطر الثاني يقول مكان الذيابه ..!

[محمد الذيابـــي]

مشكور يابو فايح على النقل المميز

[الباااسل]

لله در ابومشهور

[عاشق الطاروق]

لاهنت على النقل ابوفايح