استفسار اذا تكرمتوا

[نواف الفهد]

قابلت في احدى المناسبات الشيخ محمد بن صقر العطاوي وبصراحه شدني كلامه عن التاريخ والماضي القديم وامجاد قبيلة عتيبه بشكل عام واود ان استفسر منكم عن الشيخ محمد بن صقر وين يسكن فيه ومن اي فخذ من ذوي عطيه ودمتم بحفظ الله0

[فهد علي العازمي]

والله ماعندي خبر يا لأمير

مير إن شاء الله يفيدونك الأخوان

[سيف نت]

اتوقع انه قسامى

[علي الدعجاني]

والله وسبعين نعم بابو خالد

محمد بن صقر القسامي العطاوي

يسكن في هجرة العطاوي وهي بين ساجر وخف

رجل من وجاهات عتيبه وله مساعي محموده ومذكور بالخير

يملك ابل مغاتير تفوق المية متن ويمتلك من خيرة الركاب المغاتير


الله يطول بعمر ابو خالد ويديم عليه الصحه والعافيه

[مشاري الحبردي]

مثل ماقال اخوي علي الدعجاني

[فهد العازمي العتيبي]

نعم قسامي عطاوي

وإفادتك وافيه وكافيه ياعلي الدعجاني ،،،

[ابو سلامة الاسعدي]

ونعم بأبو صقر علم فوقه نار
الله يطول عمره ويحفظ له أبناءه
وأتمنى مقابلته وإنشاءالله يسمح وقتنا ونزوره
ومن كثر مايسمع عن هذا الرجل تقول أن الناس جميعا تعرفه
وهذه الصفة لا تتحقق إلا لأهل الطيب والعلم الغانم وأصحاب السجية الواحدة الذين لايتغيرون.

[خلف القثامي]

الشيخ / محمد بن صقر العطاوي


والده كان من الرجال المساندين للملك عبدالعزيز رحمهم الله واطلق عليه اسم دليلة بن سعود

لمعرفة الاماكن في نجد



واعطي احد القرى اطلق عليها العطاوي بين شقراء والدوادمي



ابنه رجل اعمال في الرياض


الشيخ / مشعل بن محمد بن صقر العطاوي مستمثر في العقارات ومنها مخطط القادسيه

شرق الرياض

[عالي مقامه]

ونعم والله بأبو خالد رجل من خيرة الرجال

مجالسهم عامره وبيوتهم فاتحه بيبانها ويعشون ساري الليل


اهل نخوه واهل شيمه انا يكفيني فعل مشعل بن محمد بن صقر يوم شرى المستشفى للعتيبيه الأردنيه بعد ماضايقها راعي المستشفى كل يوم بيسفرها وشراه مشعل بن محمد وسعود بن ثنيان بن طويق وعطوها المستشفى

[محمد الذيابـــي]

,,

محمد بن صقر القسامي

,,,,,,

[ابوزيدالعيسى]

ومنا لأهل العرف