قبيلة عتيبه وحضورهم المشرف في حفل زواج أخ الشاعر حمود السمي

[ابو فايح]

للطيب رجاله وللوقفات أهلها وللصديق مكانته لدى قبيلة عتيبه



الأسبوع الماضي كانوا شعراء عتيبه وأخوانهم على الموعد في حفل زواج أخ زميلهم الشاعر حمود السمي

للذكر لا للحصر

( مستور العصيمي - حبيب العازمي - فهد العازمي - ابن طمحي - فالح الغنامي - زبن القاضي - حمدان العصيمي - عبدالله الذيابي -وصل العطياني - عبدالله القثامي - عبدالعزيز العازمي - سلطان الجلاوي - عواض الشهيب - مشعل الجعيد - سعد العصيمي ...... إلخ )



وقفوا وقفة (ن) تخجل العبارات عن وصفها


يحق لنا الفخر فيهم وليس غريب وهم أبناء قبيلة عتيبه


حضروا أبناء عتيبه سواء شعراء أو غيرهم

وقدموا حدايه قالوا فيها


سلام تسليم (ن) على القانون وسلوم القبايل =ينصى البقوم أهل الكرم والجود ماضي(ن) الفعايل
حبل التواصل بيننا موجود من عصر الأوائل =جينا نكمل واجب الجيران والداعي حمود




حنا عتيبه كاسبين الأوله والرأس طايل=حاضر وماضي نذبح الحايل ونلطم كل عايل
يشهد لنا التاريخ والأفعال تثبتها الدلايل =لأصحابنا مثل العسل لأخصامنا سم الكبود



ثم قدموا مبلغ وقدره 20000 ألف ريال عانيه


ومبلغ 20000 قيمة قناة المرقاب بمعنى حضور قناة عتيبه مجانا




بعدها توالت فقرات الحفل

وفي كلمة الشاعر حمود السمي نيابه عن والده وقبيلته


أثنى على وقفة أبناء عتيبه المشرفه

وخصهم بالشكر قائلا

(أشكر قبيلة عتيبه على الوقفه التي لا تستغرب لانها قبيله وافيه )



بيض الله وجه كل من حضر


ويستاهل ابو عائض شاعر محترم وخلوق ويشهد له القاصي قبل الداني بالخلق والعلم الغانم .

[هجاد الثبيتي]

الف الف الف مبرررررروك لحمود

ياسلام ياسلام حضوورهم يبيض الوجه عزا الله انهم بيضوهاوشرفو لا بتهم


بيض الله وجهك يابو فايح على الخبر



لا تحرمنااا جديدك



تحياتي لك

[وافي ضاوي]

يشرفني اني ارد على مواضيعك يابوفايح


وبالنسبه للشعراء عتيبه معروفين بالوصـــل ولهم وقفات سابقه على سبيل المثال اعتزال ابومشعاب وغيره الكثير لاتحضرني الان

والطيب الي مثل حمود السمي يستاهل كل هالحضور وبيض الله وجيهم

وبيض الله وجهك انت يابوفايح على تغطية الاخبار الحصريه والابداع المستمر

[فيصل بن فهد الجهني]

عسى الله يبارك لحمود السمي


و عتيبه .. التاريخ يشهد بوقفاتها .. ولاهي غريبه عليهم


و عتيبه .. من اكرم قبائل الجزيره العربيه .. على مر السنين



والله وسبعة انعام يا عتيبه ... و الكلام ما يوفيكم يا مرجحين الموازين

[مرزوق حمدان العتيبي]

..
.
مزارق الطيب بين الرجال من الازل
عتيبه كفو وهذي عوايدنا
وحمود وربعه يستاهلون ....

ابو فايح كل الشكر ...

[الجوراسي]

يستاهلون البقوم العلم الغانم وبالذات السمي فهو شاعر خلوق يود جميع القبائل ولذا كان الحضور طاغيا

ومشكر ياابو فائح

[فهد الزهراني]

انعم واكرم

بالفعل واهله

ويزول الاستغراب اذا عرفنا ان الوقفة وقفة شعراء وابناء عتيبة

ويستاهلون الطيب ظهور السواني ..وحمود شاعر خلوق

والف مبروك الزواج ودامت الافراح على الجميع

[فهد علي العازمي]

لا غراابه يا أبو فايح

عتيبة دايم سباقة

ومن الأمثلة على ذلك :
وفاة الرياحي وحضورهم المشرف
وزواج أخوان صقر
وإعتزال ابومشعاب

والشواهد كثيرة

[الشوردي]

لان حمود السمي طيب بنفسه ولايقدر الطيبين غير الطيبين

وهذا ذكرني كلام واحد من خوياي من احدى القبائل الكريمة يقول انتم يالعتبان الرجال الطيب ترفعونه فوق وطاريه على السنتكم واللي مافيه خير ماعليكم منه حتى لو جاكم طاريه كنكم ماتعرفونه

وهذا دليل على ان حمود طيب لو ماهوب طيب ماشفتوا وقفة العتبان هذي ومثلها مع غيره من الطيبين

[سلطان البقمي]

[size=4]والله وسبعين نعم بعتيبه اهل المواقف المشّرفه التي لا تستغرب عليكم


بينا وبينكم العلم الغانم سابق وهالحين والله يجمعنا على الخير والمعزه وكل المسلمين
________________
.................................................. ...

[محمد الذيابـــي]

يستاهلون البقوم العلم الغانم

[حبيب العصيمي]

الله يبيض وجييهم

وحمود يستاهل

لاهنت يابوفايح

[بدوي مطنوخ]

اشهدو بالله ان عتيبه مواقفها تنومس الصديق ..

الله يبطي بهم فالوجود ..

والسمي من قبيله وافيه وتستاهل الوفاء


لاهنت يابو فايح

[العــــــــابر]

كفووو بيض الله وجيهم وهذي عادة الهيلا عتيبه الطيب للطيبين


لاهنت يابو فايح

[سعد بن مطلق المقاطي]

موقف يرفع الراس وليس غريب من الهيلا


الله يعزهم

[عاشق الطاروق]

لاهنت ابو فايح على النقل وموقف غير مستغرب من شعراء عتيبة

[علي الدعجاني]

الطيب لاتستغربه من هل الطيب//اللي لهم في منهج الطيب خبره

اوسع على الاجواد من فيضة شعيب//واضوق على الانذال من ثقب الابره


يستااهلون حددانا البقووم

[سعد بن مطلق المقاطي]

الطيب لاتستغربه من هل الطيب=اللي لهم في منهج الطيب خبره

اوسع على الاجواد من فيضة شعيب=واضوق على الانذال من ثقب الابره



من قال هذا البيت

[عبد الكريم العازمي]

ما هي غريبه على عتيبه ولا على شعارها وآفعآلهم دآئم ترفع الرآس من دون قآصر في القبايل وحمود

يستآهل كل خير شآعر محترم


وبيض الله وجيههم ووجهك يا أبو فآيح !!


.........


سعد مطلق المقاطي


إذا ما خآب ظني فالأبيات للشاعر : محمد بن سياف الصاري الأكلبي


وهي من قصيده يمكن 6 أو 7 أبيآت فقط


تحيآتي لكم جميع

[محمد@الجعيد]

الله يبيض وجيههم مثل مابيضوا وجيهنا

وبارك الله فيك على نقل هذا الخبر المفرح

[!! . مــآجـد . !!]

ماهو غريب الطيب من منبع الطيب = وشلون نستغرب من الغيمه أمطار .. :)


كفو والله ، مواقف تنومس وترفع الراس
ويستاهلون البقوم والف الف الف مبروك للعريس

وعقبال الجميع .. :)

[..أبوريناد..]

والنعم والله في ربعي عتيبه ولاتهون جميع القبائل

[الرجل الشامخ]

ماهي غريبه علينا الوقفات هذي


وبالنسبه لي أنا اعتبر الموضوع عادي مع احترامي لصاحب الموضوع


لأن كل القبائل تعرف وقفات العتبان بكل شي



فديت العتبان كلهم من اصغرهم لأكبرهم



تحياتي للجميع

[السامي الجعيد]

ماهي غريبة علينا وحنا عتيبة



الطيب لا تستغربة من هل الطيب=اللي لهم في منهج الطيب خبرة

اوسع على الاجواد من فيضت إشعبيب=وأضيق على الانذال من خرم الإبرة


وحمود عايض يستاهل التقدير والإحترام


لاهنت يابوو فايح