يانمر هات الذي فالطرس يكتبه

[الهباع الرووقي]

بسم الله الرحمن الرحيم




يانـمـر هــات الــذي فالـطرس يكتبه = ونقش حروفي على القرطاس وكتبها


بنات الافكار جـــوف الصـدر منصبه = مـــاغــيـــر انــقـــي نــوادرها ورتبها


انقا مــن الــجــزل والــي غيره اكبه = وخـــتـــار مضمونها وعـــرف اركبها


مـن نسج فكرن يعشق الجزل ويحبه = يــرقـــا عــلـى النادرات وياخذ اطيبها

وكلن يخوص الـبـحور ويسبح الغبه = ولاكـــل مـــن غــاص لدره يجيك ابها


والبحر مــوجــه هبوب الريــح تلعبه = وشــــره عـــلـــى هـجـوسـه مايتعبها


يــانـــمــــر وقــتــي مغربلني بـلاسبه = وشلفاه فــالـــصدر حاميتن مضاربها


فــي جوف صدري تقول النار مشتبه = جـــوفـه همومََ محد غيري يحسبها


مـــاغـــيـــر افـــكــــر بوقتي واتعجبه = ودنياي هـــالـــوقـت يامكثر عجايبها


وقـــــتََ يحير ابـــه الصاحي ويتعبه = يضحك مــعــه ناس ولاناس يغضبها


نشوف فـــيـــه الــــذي بالغرب يتشبه = والناس مـاعـــاد تنشد عـــن قرايبها


نـــاسََ هــــذا تمدحه ولاخـــر اتسبه = وشبابها قــــام يقطع هـــرج شايبها


والـــســـب والشــتـم تضحكله وتطربه = ونقالت الـــهـــرج يـــامـكثر حبايبها


وياحظ مــن مات وهـووه مرضين ربه = ويقدر اهــل الـوفاء ويوفي بواجبها


يقوله الـــي زمـــانـــه طـــاحــنََ حبه = ولالـــه جــدا الاهجوسه يـوم يندبها


ولاســج مـــع هاجسه رجــم العنى ذبه = وشـــــرد المعاني يطوعها وينسبها


وفالعمر تـــــوي لـــكـــن اخــذتلي عبه = بدنياََ عسى الله يستر من عواقبها

الشاعر: عـــمـــرالهباع

[سلمان المرشدي]

صح لسانك اشهد شهادة حق انك ابدعت ياعمر

[الهباع الرووقي]

ابوعدي صح بدنك والابداع مرورك المشرف الله لايهينك

[أبن حشيان]

الله الله الله


كلمات معبره وجزله جدا


الله يعطيك العافيه اخي عمر الهباع ما قصرت

اتمنا لك التوفيق يالغالي من لك قلبي سر فعين الله ترعاك

[محمد العتيبي]

بعد اذنك اخي الهباع



تم تنسيق القصيده ..



وصح لسااان الشاعر على القصيده الرائعه ..



ولاهنت على النقل الطيب ..


تحيتي
..

[الهباع الرووقي]

الله الله الله


كلمات معبره وجزله جدا


الله يعطيك العافيه اخي عمر الهباع ما قصرت

اتمنا لك التوفيق يالغالي من لك قلبي سر فعين الله ترعاك




اخوي ابن حشيان الله يعافيك ويطول بعمرك ولاهنت على المرور

[الهباع الرووقي]

بعد اذنك اخي الهباع



تم تنسيق القصيده ..



وصح لسااان الشاعر على القصيده الرائعه ..



ولاهنت على النقل الطيب ..


تحيتي
..

اخوي محمدالعتيبي بيض الله وجهك وماقصرت على التعديل والمرور المشرف والله لايهينك