هات الربابه واحكر الشاي يالثور (( لشاعر بندر سرور ))

[سلمان المرشدي]

السلام عليكم ورحمة الله وبركاته

اليكم هذه القصيده لمتنبي عتيبه الشاعر الكبير بندر بن سرور القسامي العطاوي الروقي ( رحمه الله)


هات الربابه واحكر الشاي يالثور = انته حشرك ابليس وانا هواوي
مقيالنا في سدرة ن طورها طـــــور = يسوى حياة اللاش كلب القهاوي
تبغى البلاد اللي يقولون بالـزور = مركز رفض فيها ثمانـين واوي
غير البحروالخور نامس وصرصـــور = وكلاب حوف اجلودها والضـراوي
والجيـب شاحنه لك كيـك ن وشـابـور = والماء معبيه لك مير انت شاوي
من زين سوقـك عـاد عـدك بطـابور = كنك حبيليص البعير الـعطـاوي
تهـز راسـك كـنك الـقهـوجي نـور = اللي علـى بيبـان بيته يعاوي
ساع استوى المقيال يامقيل القور = في ضيق ذاك الزرب ويش انت غاوي
طار النسيم ابغترتي والهـوى دور = يسرح شمال و جاء من الغرب ضاوي
خله يقف من عقب ماجاه من جـور = يامطرد الضبان وانته عمــاوي
عرفت عشقـك حين عشـقت للحــور = دريـت بـك في شويـهنه شـفـاوي
ولا ودي اكره خاطرك وانت دافور = بسـيطة دعـواه بــارد حـمـاوي
عباه صيخ ن منجـضع واشتغل فـور = واطـفاه صـيخ ن مرتكز فالـرزاوي
والله وانا بـنـدر لوديك تيمـور = خـله يحـطـك فالجزيره تـصـاوي
مير انت يافهيدان بك حلو ومرور = لـولا ذلـول فـيك ولا حســــاوي

وسلامتكم

[الهباع الرووقي]

ابوعدي سلمت يمناك ولاعدمناك تقبل مروري

[سلمان المرشدي]

ابوعدي سلمت يمناك ولاعدمناك تقبل مروري


الله يسلمك يالغالي ومرورك يشرفني ياطويل العمر

[فهد الشبير]

«®°·.¸.•°°·.¸¸.•°°·.¸.•°®»ابوعدي المرشدي«®°·.¸.•°°·.¸¸.•°°·.¸.•°®»
يعطيك العافيه ولاهنت ياكحيلان
تحياتي لسموكـ,,,

[متعب الند]

بيض الله وحهك..... هذى والله القاف



صدق الي قال يصنع بكر

[سلمان المرشدي]

«®°·.¸.•°°·.¸¸.•°°·.¸.•°®»ابوعدي المرشدي«®°·.¸.•°°·.¸¸.•°°·.¸.•°®»
يعطيك العافيه ولاهنت ياكحيلان
تحياتي لسموكـ,,,

أخي الغالي فهد الله يسلمك يالذيب شرفتني بمرورك الله يطول عمرك

[سلمان المرشدي]

بيض الله وحهك..... هذى والله القاف



صدق الي قال يصنع بكر

تسلم يامتعب و وجهك ابيض يالغالي

[أبن حشيان]

ابو عدي المرشدي


الله لايهينك اختيار موفق


انت مهندس قصيد وختيارك


دايم جزل وانت جــــــــــــــــزل

[سلمان المرشدي]

صح بدنك يابن حشيان والله لايهينك يالمرشدي

[مرزوق الصواط]

ابو عدي لاهنت


بس القصيده متاكد لـ بندر ؟

[سلمان المرشدي]

ابو عدي لاهنت


بس القصيده متاكد لـ بندر ؟

الله لايهينك يامرزوق

بعدين القصيده ماني قايلك ناقلها من منتدئ والا سامعها من احد

لا والله حافظها عن غيب من شريط بندر بن سرور بصوته بعد

[حد الرهيّف]

لاهنت أخي أبو عدي المرشدي ، لكن والله إن هذه القصيده أقل من مستوى بندر متنبي عتيبه بكثير فالقصائد التي من نظمه رحمه الله تعالى تكون مؤثره جداً وفريده من نوعها ولا يمكن لأياً كان أن يجاريها مهما بلغت طاقته وقوته الشعريه لكن هذه تبدو أقل من مستواه رحمه الله وأسكنه فسيح جناته.

[مرزوق الصواط]

الله لايهينك يامرزوق

بعدين القصيده ماني قايلك ناقلها من منتدئ والا سامعها من احد

لا والله حافظها عن غيب من شريط بندر بن سرور بصوته بعد


كفوا يالمرشدي


لكن القصيده فيها ومافيها


ولا عليها بصمة البندريات :)

[سلمان المرشدي]

يامرزوق انت و حد الريف لا داعي للجدال لو الشريط عندي والله لنزلها لكم حتئ تسمعون

لكن اسئلو و يجيكم الخبر و مكاتب الشعر موجوده ابحثو و تلقون الشريط

واذا ماهي لبندر سرور القسامي تراء شنبي ماهو علئ رجال

[حد الرهيّف]

يامرزوق انت و حد الريف لا داعي للجدال لو الشريط عندي والله لنزلها لكم حتئ تسمعون

لكن اسئلو و يجيكم الخبر و مكاتب الشعر موجوده ابحثو و تلقون الشريط

واذا ماهي لبندر سرور القسامي تراء شنبي ماهو علئ رجال

سلمت ودمت يالمرشدي تقول وتفعل يالهيلاوي

[سلمان المرشدي]

سلمت ودمت يالمرشدي تقول وتفعل يالهيلاوي

الله يسلمك لكن انت اقتنعت ان القصيده لبندر والا لازلت علئ عمياك

[حد الرهيّف]

الله يسلمك لكن انت اقتنعت ان القصيده لبندر والا لازلت علئ عمياك

هههه أما هذي مالك فيها يالمرشدي.

[سلمان المرشدي]

هههه أما هذي مالك فيها يالمرشدي.

هههه ماهو لازم انك تقتنع مادام ان الرجال يعرفونها

[برررق الحيا]

سلم اختيارك وسلمت ذائقتك ايوعدي

مع اني سمعت القصيد انشاد والقاء وقراءتها مرات عديدة الا أنها تتجدد

أما اللي يقول ماهي لبندر

أنا أقول اني سامعها بصوته وأؤكد على ذلك إلا اذا كان بندر ماهو بندر ؟؟؟؟

فهذا أمر مختلف وعلى هذا فإن الكثير من قصائد متنبي شعر النبط ستنتفي عنه !!!!!!

تحياتي لك أبو عدي ولمن في هذا المتصفح

[سلمان المرشدي]

سلم اختيارك وسلمت ذائقتك ايوعدي

مع اني سمعت القصيد انشاد والقاء وقراءتها مرات عديدة الا أنها تتجدد

أما اللي يقول ماهي لبندر

أنا أقول اني سامعها بصوته وأؤكد على ذلك إلا اذا كان بندر ماهو بندر ؟؟؟؟

فهذا أمر مختلف وعلى هذا فإن الكثير من قصائد متنبي شعر النبط ستنتفي عنه !!!!!!

تحياتي لك أبو عدي ولمن في هذا المتصفح

شكرا جزيل اخي الغالي برق الحيا والله يسلمك يالذيب

وقصيدة بندر كل الناس تعرفها ان قالو وان ماقالو ياطويل العمر

[ولدعساف]

سبحان الذي اعطاه هذه الموهبه الشعريه التي تميزت بقوة الحبك والسبك .. بندر بن سرور عندما تستمع أو تقراء قصائده ترسخ بذهنك وتحفظ على الأقل من 4 - 6 أبيات .. بالفعل متنبي الشعر الشعبي ولن يتكرر شاعر مثل بندر بن سرور رحمه الله .. لاهنت يابعد رأسي :)..

[سلمان المرشدي]

سبحان الذي اعطاه هذه الموهبه الشعريه التي تميزت بقوة الحبك والسبك .. بندر بن سرور عندما تستمع أو تقراء قصائده ترسخ بذهنك وتحفظ على الأقل من 4 - 6 أبيات .. بالفعل متنبي الشعر الشعبي ولن يتكرر شاعر مثل بندر بن سرور رحمه الله .. لاهنت يابعد رأسي :)..

شكرا ولد عساف والله لايهينك نعم بندر هو الشعر الحقيقي الذي نبحث عنه

[الشوردي]

بعد قرايتي لها كنت بسالك انت متاكد انها لبندر؟

لكن دامك سامعها باذنك من شريطه مثل ماقلت للاخوان مانقول غير الله يرحمه تعودنا منه الجزالة في باقي قصيدة

[سلمان المرشدي]

بعد قرايتي لها كنت بسالك انت متاكد انها لبندر؟

لكن دامك سامعها باذنك من شريطه مثل ماقلت للاخوان مانقول غير الله يرحمه تعودنا منه الجزالة في باقي قصيدة

ياخي القصيده فكاهيه و من باب المداعبه لصديقه

بغض النظر ان فيها بعض الحكم والمعاني التي لايفهما الكثير

[الشوردي]

ياخي القصيده فكاهيه و من باب المداعبه لصديقه

بغض النظر ان فيها بعض الحكم والمعاني التي لايفهما الكثير


يابوعدي بندر بن سرور تميزت قصائدة بتركيبة جميلة ومترادفات تزخرف الابيات عند قرأتها كنك تسمع موسيقى تطربك وهذه الميزة اللي تميزت بها قصايد بندر ماهيب موجودة في هالقصيدة

وانا اقول دامك متاكد انها لبندر لعلها تكون من بدايات بندر الشعرية

[عـقـــــــــــاب]

هههههههههههههههههههههاي اللي يعذرب القصيده ماعنده ساالفه ولا يدري وش الطبخه

الله يرحمك يا بندر بن سرور ويجعل مثواك في الجنه اللي تمهد فيها الله يرحمك اللهم آمين

ولاهنت يابو عدي ولك تحيه خالصه ونرتقب جديدك وبالاخص من قصيد بندر الله يرحمه

[جمال منير]

الله يرحم يابندر بواسع رحمته,,,,

[عفار العتيبي]

][`~*¤!||!¤*~`][][][§¤°^°¤§][][بيــــــض اللــــــه وجهــــــــــــك على هالمشاركة واقتناااااك النواادر من القصـــــــــيد ..
وصــــــح لسان متنبي عتيبــــه (الله يرحمه ) وسلمـــــــت يديك ياأبو عــدي ][][§¤°^°¤§][][][`~*¤!||!¤*~`][

[سلمان المرشدي]

الشوردي - صعب اقناعك ماهو لازم تعرف انها لبندر انت خاصه ولك تحاتي يالطيب



جمال - الله يسلمك وشكرا مرور مشرف


عقاب - انا اشهد انك عقاب لاهنت علئ المرور وابشر بكل خير


عفار - تسلم ياطويل العمر لك تحياتي يالذيب