تسجيل الدخول

مشاهدة النسخة كاملة : سفر الدغيلبي و تركي 2000

محمد الذيابـــي
23-Jul-2011, 07:04 AM
أقدم لكم هذا الطاروق الذي أعجبني كثيراً
:

:


محاورة الشاعر سفر الدغيلبي والشاعر تركي 2000




تــــــــــركـــــــــــي




سلام تسليمتن تسوى رصيـد اهـل الملاييـن
ابديبهـا للقبايـل فـي محـل اهـل الشهامـة
يابن سعد صاحبك وشقاللك من قبـل يوميـن
الرجـل مايسحـب السكيـن ويقطـع حزامـه



ســـــــــــفـــــــــــر




يامرحبا الفين ضرب الفين تنصى تركي الفين
نكمـل تراحيبنـا بالفعـل لمكمـل سـلامـه
الي يبا يرضي الاقصيـن لحسـاب المواليـن
هذاك قله يويـق الصبـح فـي ريـع الندامـة



تــــــــــركـــــــــــي




الضرب والجمع في الاعداد والى في الميادين
ياراعي البشت لبس البشت مـع راع العمامـة
اضن لبنان راحت مثـل ماراحـت فلسطيـن
مابقـي الا تهـب الريـح وتـقـوم القيـامـة



ســـــــــــفـــــــــــر




اخذتلك في ضواحي نجد والصمـان شهريـن
واليوم كنك تبا المعـواد فـي ساحـل تهامـة
يابيلنا معركـة كبـرى تشابـه يـوم حطيـن
حتـى نبشـر مـدورت السلامـة بالسـلامـة




تــــــــــركـــــــــــي




صاحي ويمشي مع الصاحين ويكب المجانيين
والي رقد في فراشـه مايصحـا مـن منامـه
طاحت ضروس الجمل ماباقي الا فيه ضرسين
والمشكلة كـان لامنـه بـرك ثقلـت عظامـة



ســـــــــــفـــــــــــر




يومنها حرب هرج ومرج بالعـون معذوريـن
ويمنها شوف عين لعين عيـب الانهزامـة (1)
تقول الامثال لاطاح الجمل جـات السكاكيـن
واللوم ينصى البعير ولا على الخوصة ملامـة



تــــــــــركـــــــــــي


اليـا استعـدت حنـا يالعتيبـي مستعـديـن
.الخوف مايجلس الـى فـوق بيبـان الرخامـة
ياطير من بعد ماجالـك مخاليـب وجناحيـن-
خوى القرانيس لاترجع علـى بيـض الحمامـة



ســـــــــــفـــــــــــر



وين استعديت وانته نازح من ثـرب ويميـن
حربن عبر شاشـة الجـوال مامنهـا زعامـة
انكرتنـا عـام الاول يـوم لبسنـاك ثوبيـن
ثوبـن ملـون وثوبـن مثـل بـراق الغمامـة



تــــــــــركـــــــــــي




الله ولا الديرة الي ماسكنهـا الـى الشياطيـن
البعـد عنهـا نهايـة بخـل وبدايـة كـرامـة
العام قلولـي انـك صـرت امـام للمصليـن
واليوم تـذن ليامنـك خلصـت مـن الاقامـة



ســـــــــــفـــــــــــر




الخوف والضعف يالمطران يخلـن المراحيـن
والله لو الخـوف عـز لتدمـر العالـم نعامـة
تسعير بعض العرب في سوقنا تسعير بنزيـن
تسعين لكن طويل العمـر غيـر فـي نظامـة



تــــــــــركـــــــــــي




علامتك ياطويل العمر بيـن الخشـم والعيـن
وشلون جت فيـك والعتبـان مافيهـم علامـة
صحيح والناس فيهم نـاس ماتسـوى رياليـن
وبداية الوقـت يابوزيـد يـدري عـن ختامـه


ســـــــــــفـــــــــــر


تجميع تركي سعودي والقطع من دولة الصين
والبدي مصبوغ والهيكل مثـل عـود الثمامـة
الشخص العاقل
23-Jul-2011, 08:30 AM
يامرحبا الفين ضرب الفين تنصى تركي الفين
نكمـل تراحيبنـا بالفعـل لمكمـل سـلامـه




سفر ضرب من تحت الحزام
ابو زبن
23-Jul-2011, 11:27 AM
اشهد بالله أن سفر القنه درس لاينساه تركي دائم
مبدع دائم يابو سعد
يكفي البيت الاخير
ياقو لغمك يابو سعد فالبيت هذا
ناقد
23-Jul-2011, 01:01 PM
أنا أشهد أن سفر شاعر كبيررررررررررررررررررررررررررررررررر


تجميع تركي سعودي والقطع من دولة الصين
والبدي مصبوغ والهيكل مثـل عـود الثمامـة

ههههههههههههههههههههههههههه

أسجل لك أعجابي ياسفر
سعد بن مطلق المقاطي
23-Jul-2011, 01:57 PM
محاوره قويه مشكور على النقل يامحمد
الكاايد
23-Jul-2011, 03:59 PM
لاهنت يامحمد

محاورة منتازه متى تاريخها ؟ :)
منيرالروقي
23-Jul-2011, 04:14 PM
هاذي محاورة قديمه قبل ست سنوات عند الدعاجين في شقرا

تركي وسفر بلحالهم

وسوا سفر هاك الليل سوايا يلزم أبوسعد بعدها إستغفار وكفارة هههههه

وغير هالطاروق طاروقين وموالين أنا شفتها فيديو

لو شفتو شكل تركي هاك الليل ماعرفتوه

والله اني صادق والشريط خير دليل

من رغب أن يرى شاعر يضعف ويستسلم أمام شاعر يشوف شريط هالحفله

أظنها صيفية ست وعشرين أو سبع وعشرين

شكرا يامحمد شكرا
عاشق الطاروق
23-Jul-2011, 04:35 PM
لاهنت على النقل يامحمد
ابو فايح
24-Jul-2011, 03:46 AM
طاروق قوي أبدع فيها الشاعرين

وابو سعد لله دره كل شي ألا المجامله

لاهنت يا محمد

منير ياليت تتحفنا بما عندك من طواريق الحفل لاني أول مره أسمع إنهم تقابلوا لوحدهم فقط
محمد الذيابـــي
24-Jul-2011, 04:20 AM
شكرا لعموم الاعضاء الذين شرفو متصفحي
فيصل بن فهد الجهني
24-Jul-2011, 06:07 AM
والله كلهم مبدعين


تركي الميزاني .. شاعر الجمهور .. و كذلك يجيد فنون المحاوره بكافة انواعها


سفر الدغيلبي .. هو اقوى شعراء شباب عتيبه .. و ما يجامل ابد



و محمد الذيابي .. من افضل الاعضاء ... و دائما مواضيعه لها مذاق خاص لدي


شكرا من القلب يا ابو حميد
بدر عتيبة
24-Jul-2011, 03:39 PM
والله لو الخـوف عـز لتدمـر العالـم نعامـة


لو لم يقل سفر الا هذا الشطر واضع تحت الشطر الف خط انا اعتبرها كفاايه
لله درك من شاعر
ومشكوووور اخوي محمد الذيابي مميز ومواضيع مميزه مثلك سلمت يمناك
بطـران العتيبي
24-Jul-2011, 04:28 PM
تجميع تركي سعودي والقطع من دولة الصين
والبدي مصبوغ والهيكل مثـل عـود الثمامـة


يكفي هالبيت من وجهه نظري لله درك من مبدع ياسسسفر ,

محمد الذيابي لاهنت مبدع كالعاده ..
فايز بن سرحان الثبيتي
24-Jul-2011, 06:17 PM
طاروق قوي بالفعل "



شكرا يامحمد الذيابي على النقل الموفق "
ابو زيااااااااااااد
25-Jul-2011, 07:21 AM
كفووو ياتركي المطيري اشهد انك لعبت فيه

محد قدرك يابوووووووووو نايف
محمد الذيابـــي
25-Jul-2011, 11:48 PM
ابو سعد شاعر لايشق له غبار الله يوفقه
الجوراسي
30-Jul-2011, 05:48 AM
يالربع على هونكم على تركي

تركي قيموه من ناحية الصوت اللي اعطاهياه الله والالحان الجميله ولا يقصر على المكشوف


وله الفضل في جذب بعض الجماهير الشبابية لمتابعه المحاورة


ولذا اعتبره مكسب للمحاورة

اما شعر المحاورة الحقيقي فهو وهبه من الله
محمد الذيابـــي
31-Jul-2011, 01:14 AM
الجوراسي مشكووووووور