سعد العصيمي وليلة الهروب ! ! !

[ماجد العصيمي]

السلام عليكم ودنا نستفيد منك وانت على هونك علانا هههههه




يا سعد تعرف طريقك من حولي لا شروره=ويمكن انك عارفن دربك ليا باب الحديده
الجمل روعك هبده فالسهول وفالوعوره=والعرب شافتك منحاش اجردن والدرب سيده

[سـعـد الـعـصـيـمـي]

وعليكم السلام

ياهلا والله يابو جزا

دقايق وجايك

[فايز بن سرحان الثبيتي]

والدرب سيده


صح لسانك ياماجد

وصح لسان ابو مطر " متااااابعين لكم "

[ماجد العصيمي]

صح بدنك يا فايز وين الغيبات يا رجل

[عبد الرزاق بن سعود النفيعي]

صح بدنك ياماجد

[سـعـد الـعـصـيـمـي]

افتخر يوم ان مالي درب فبطون الجحوره=وانت الك حق الفخر لاصار الك جارن وليده
ماعليَه لو يدور الوقت دوره عقب دوره=الزمان اللي غدربي قال في 100 قصيدة

[سـعـد الـعـصـيـمـي]

والدرب سيده


صح لسانك ياماجد

وصح لسان ابو مطر " متااااابعين لكم "

اررررررررررحب ارررررررحب يابو ريان
والله انا فاقدينك وفاقدين شعرك اللي يدرس

صح بدنك

[سـعـد الـعـصـيـمـي]

صح بدنك ياماجد

:rolleyes:

حياك الله ياعبدالزراق

[ماجد العصيمي]

يا وليده فالسعه نعمين مار الوقت جوره=طار بشماغ وعقال وراح بالحال ورصيده
ادري ان حر السوالف مايشابهها حروره=والزمان اللي درقته جايزن فلمه يعيده

[ماجد العصيمي]

صح بدنك ياماجد




صح لسانك يا عبدالرزاق

[أبو البراء...]

صحت السنتكم الليل ياباغي شروره

[سـعـد الـعـصـيـمـي]

لو انا ما ابتدينا الى الان لكن نكمل غداً << يهدد هههه

تصبح على خير :)
لاتحسبن الشجاع يصير للعذال كوره=الشجاعة ماتحصلها مع النفس الزهيده
الاسد ماعقبه الا الضبع ياكل زود سوره=مار لن عودت لي بقوللك فرصه سعيده

[ماجد العصيمي]

انت صادق والدليل بلاد وقصور مهجوره=بعد ماكانت تعيش اصحابها عيشه رغيده
الاسد ماتجهلونه والفضا تعرف طيوره=والصراحه طول الله عمر عمتكم زبيده

[محمد الذيابـــي]

صح لسانكـ ياسعد

وصح لسانكـ ياماجد

[سـعـد الـعـصـيـمـي]

هييييييييييييييييييييييه


مايعذرب راس عنتر حوصته عن درب ثوره=عندكم ذلة شرود وعندنا خصلة حميده
يوم ابن ثايب وصلك من الجنوب وثار ثوره=ابن شايق موقفة مشهود يا شاعر عبيدة

[فهد الشيباني]

صحت الالسن يااااااااااااكباتن


متاااابع

[فيصل بن فهد الجهني]

صحة الالسسسن



و انا بصف ماجد العصيمي

[ماجد العصيمي]

اثرك صامل . . اجل استلم



منهو اللي ضف عنتر عن مناديب الخطوره=مار عنتر لو جحدها ما علينا من جحيده
ابن ثايب ملتفت يمي ونيته مخبوره=المهم اني قذعته والخبر وسط الجريده

[ماجد العصيمي]

ابن مشيب صح بدنك ولاهنت على المرور




فيصل صح بدنك والصف يزهابك

[سـعـد الـعـصـيـمـي]

لا بالله ماني بصامل صح لسانك ولنا لقاء اخر ان شاء الله


انت ياماجد تكلم في ضلال اخوان نوره=مزبني ولا انت تزبنك الشياطين المريده
اهرج اهرج يالعصيمي صار صوت الحق عوره=انت صادق والخلايق ياعساهم في وقيده