شاعر المحاوره المنتظر (فلاح المورقي)

[الجارح المجروح]

فلاح المورقي من شعراء عتيبه الصغار ولكنه اثبت وجوده بين الشعار وهو من مواليد 1989 ميلادي


واول محاوره له في الكويت مع الشاعر تركي الميزاني



حيث قال فلاح



سلام مني على المطران وعتيبه
واثني سلامي على اهل الجود والطيبه
مادام تركي معي ما عاد به خيبه
والراس مرفوع والرايات مرفوعه



يا سلامي على اهل الحفل والحاضرين==ردتن تنثني من راسها الساسها
قوم يا صاحبي كانك رزينن فطين == المعاني نطبلها بمرواسها



فرد تركي الميزاني قائلا


الله يحييك عد اخطاك يالغالي
انيابة عن مطير وكل رجالي
لكن يا كثر ما يطري على بالي
والراس مرفوع والرايات مرفوعه


يا هلا مرحبا حيالله الزايرين==عد ما تقبس النيره بمقباسها
ودي انشدك يابن الناس جاين منين=العرب تعرف الاجواد واجناسها



حيث قال فلاح المورقي


دام البقا يامرحب واستمع هرجي
يا فارسن له فرس لكن بلا سرجي
انصحك يا صاحبي لا تفتح الدرجي
والراس مرفوع والرايات مرفوعه


انصحك لا تعود من يسار اليمين==وانشدك عن ديارن صرت عساسها



ولم يكمل فلاح المورقي المحاوره

فنتمنى لهذا الشاعر الصغير التوفيق والنجاح في محاوراته القادمه




ولكم تقديري

اخوكم الجارح المجروح

[مرزوق حمدان العتيبي]

....
الله لايهينك
وصح لسان الشاعرين..
واتمنى لفلاح المورقي التوفيق

وان لم تخنّي الذاكره ففلاح احد اعضاء هذا المنتدى
ونحن فخورين به وبمستواه ..
تحياتي

[الجارح المجروح]

اشكرك على مرورك اخي مرزوق


ولكن لم نرا مشاركات لفلاح

وان كان موجود فهذا شرف لنا بان اصغر شاعر محاوره يقابل جبال المحاوره هو فلاح المورقي

[أبو مرحبا]

السلام عليكم ورحمة الله وبركاته

الجارح المجروح
نتمنى لشاعر فلاح القرقاح بالتوفيق
ولاكن عندي ملاحظه
حيث اني كنت حاظر الحفله
ووجدته كثير الارتباك
بسبب الجمهور الذي كان يولول لكي يربك شاعرنا العملاق حيث بسببه لم يكمل شاعرنا اللعب
ويوجد ملاحظه ثانيه :
فرد تركي الميزاني قائلا


الله يحييك عد اخطاك يالغالي
انيابة عن مطير وكل رجالي
لكن يا كثر ما يطري على بالي
والراس مرفوع والرايات مرفوعه


يا هلا مرحبا حيالله الزايرين==عد ما تقبس النيره بمقباسها
ودي انشدك يابن الناس جاين منين=العرب تعرف الاجواد واجناسها

اخي الكريم
في المحاورة هذة طلب تركي الميزاني التعريف بالشاعر كي يلعب معه
ولاكن شاعرنا العملاق فلاح المورقي الذي نتمنى له التوفيق
لم يعرف في نفسه
وهذا ليس قولي انا فقط بل كل من حضر هذه المحاوره
حيث قال الشاعر فلاح المورقي


دام البقا يامرحب واستمع هرجي
يا فارسن له فرس لكن بلا سرجي
انصحك يا صاحبي لا تفتح الدرجي
والراس مرفوع والرايات مرفوعه


انصحك لا تعود من يسار اليمين==وانشدك عن ديارن صرت عساسها


نسأل الله لنا ولكم التوفيق
ولاهنت على هالمحاورة التي تبيــيــــن شاعرية عتابه الهــيــــلا

[السيف الاملح]

الجارح المجروح لاعدمناك

ليش لم يكمل الشاعر فلاح
المحاوره رغم ان ابياته لاباس فيها

اخوك
السيف الاملح

[المورقي22]

اخي الجارح المجروح


اشكرك على هذا الموضوع وهذا الكلام الطيب



ويشرفني بان اكون اصغر شعراء عتيبه في المحاوره



ولكن عندي ملاحظه على كلام الاخ قحص

اخي قحص

انا رديت على موال تركي الله يحييك عد اخطاك يالغالي

وهو اصلا لا يقصد خطوات قدماي بل يقصد اخطائي في محاوره ولكن لم يكن هناك اخطاء


ولكن يا كثر ما يطري على بالي


لها اكثر من معنى ولكنني رديت على المعنى اللذي فهمه الجمهور

وبيته الاول

يا هلا مرحبا حيا الله الزايرين==عد ما تقبس النيره بمقباسها

هو يرحب بنفسه فانا من اهل الكويت وهو زائر من السعوديه

ويثبت على كلامي عندما كان يرحب كان يأشر على نفسه


وبيته الثاني

ودي انشدك يابن الناس جاين منين=العرب تعرف الاجواد واجناسها

انا ما كملت المحاوره لكي ارد على بيته هذا وان رديت كان عرفته بنفسي


واشكرك على ملاحظاتك يالغالي
فلاح المورقي

[المورقي22]

اخي السيف الاملح


انا ارد على سؤالك


انا بصراحه عمري 15 سنه واول مره اقف بين صفوف وجمهور لان محاوراتي كلها مع الشعار في مجالس مثلا جالسين لحالنا


ولكن الجمهور اربكني فارتبكت وكل شاعر يرتبك ويغلط

وصارت لي محاوره ثانيه ولعبت فيها ولله الحمد


ولك خالص احترامي

[ولد عوجان الجذع]

السلام عليكم
يستاهل فلاح

ولكن عندي ملاحظة لفلاح
على استدراكه
حيث ان الحفل حفل مطران
وترحيبة تركي ردا على تسليمتك في البيت الاول
فأنت بدأت بالسلام وهو رد بالترحيب
ما أظن فيها شي

على العموم نتمنى لك التوفيق
والانطلاق بقوة

[أبو مرحبا]

فلاح المورقي

لاهنت طال عمرك على التوضيح الصريح

[ابو فايح]

ياليت اشوفك في السعودية تلعب مع شعار أحسن من تركي

[أبو نجر النفيعي]

لاهنتو على الموضوع

والله يوفق المورقي

[المحتار]

مشكور على توضحيك إلى الامام

[عمرالروقي]

الاخ فلاح المورقي
اول
شي يشرفنا انا نكون أحد الزملاء لشاعر
ناشئ مثلك في منتدى عتيبه كلها
وثاني
شئ
دعني أسجل أعجابي بك كشاعر إستطاع ان ليفت له الانظار
في فتره وجيزه
------------
ثالثا
اطلعت على ردود الاخوان على محاورتك
كلها ملاحظات قيمه وتأتي من باب الحرص على تميزك في المحاورات القادمه
------------------
رابعا
واصل
( لاتحسبنك لحالك اعتقد ان كل عتيبه الهيلا معك
ولا يخاف رجال ن عتيبه ربعه
--------------------------------------------------------------

[فتى وادي الرشا]

اخوي فلاح المورقي الله يوفقك وان شاء الله تمتعنا بمحاوراتك والى الامام

[فتى الكويت]

الله يطول عمرك يا فلاح . بس عندي سؤال

في اي حفل لعبت مع تركي وفي اي سنه ومن الشعار المتواجدون

[الشيباني والله والنعم]

السلام عليكم ورحمة الله وبركاته

لاهنت على المحاوره الجميله وفلاح المورقي شاعر قادم بقوه الى الملاعب ولكن عندي ملاحظه على الشاعر تركي 2000 تركي 2000 بكل صراحه شاعر متكبر جدا وفلاح المورقي شاعر بسنه صغير ولكن بعقله كبير

[الشيباني والله والنعم]

هذا سوال اوجهه الى الشاعر الكبير فلاح المورقي انت كم عمرك بالضبط

[fahad8088]

لاهنت على الموضوع

[شاعر القوابعه]

يعطيك العافيه تقبل مروري

[راع العبيه]

مشكور اخي قلاح على هذا الطرح الشيق بين النقض والفتل

[جلال الحمد]

ياخوان هل لعب الشاعر فلاح المورقي مع الشعراء التالية أسمائهم
فيصل الرياحي
فلاح القرقاح
ذيب الشمري
ملفي المورقي
تركي الفينه غير المحاوره اللي لم يكملها معه فلاح
ابن عتقان
سفر الدغيلبي
حبيب
زيد العضيلة
سعود العبدلي
محمد بن طمحي
وعبدالله سنان وغيرهم من كبار الشعراء المعروفين

[علي خيران العتيبي]

جلال الحمد

اي نعم لعب مع جميع الشعراء الي انت ذكرتهم
الا ملفي المورقي مدري اذا لعب معاه ولا لا
و بالنسبه لتركي ما اعتقد انه لعب معاه غير الي ما كملها فلاح

[العتيبي أبا غيث]

بيض الله وجهك يا شاعرنا الشبل فلاح المورقي

وأنت شاعر كفء وما ينزل للعب الا لعاب

وما فيه شاعر سواء مبتدي أو من عملاقة

الشعر الا ولة أخطاء ولاكن لانقول لك سوى

سدد الله خطاك وإلي الأمام

والشكر موصول للجارح المجروح على الطرح

تقبلوا مرررررررررررررررررررررررروري

[الصاطي,,]

الارتبااااااك ماهوب مشكله يافلاح كل الرياجيل ترتبك احياناً,,


وانا قابلتك في عدة حفلات ولعبت معك,المحاوره وكنت شاعر خصم وكفو



اتمنى لك التوفيق والى الاماااام

[بارود عازمي]

الارتبااااااك ماهوب مشكله يافلاح كل الرياجيل ترتبك احياناً,,


وانا قابلتك في عدة حفلات ولعبت معك,المحاوره وكنت شاعر خصم وكفو



اتمنى لك التوفيق والى الاماااام



,,,,,


يعني انت يالصاطي من شعار الساحه المتخفين :eek:


اجل لنا شرف متابعة محاوراتك

[سرحان 511]

الارتبااااااك ماهوب مشكله يافلاح كل الرياجيل ترتبك احياناً,,


وانا قابلتك في عدة حفلات ولعبت معك,المحاوره وكنت شاعر خصم وكفو



اتمنى لك التوفيق والى الاماااام


اي بالله صادق شاعر خصم وانت كذلك
وكلكم لعبت معك وارتبكت معكم:):)

[فهد الزهراني]

اسجل اعجبابي الشديد بفلاح وبثقته في نفسه وشاعريته الفذه

الله يوفقه

[الصاطي,,]

,,,,,


يعني انت يالصاطي من شعار الساحه المتخفين :eek:


اجل لنا شرف متابعة محاوراتك



الشرف لي طال عمرك,,,


ولله وانا خوك انا ماني من الشعار المشهورين حيل ولكني موجووود في ساحة المحاوره وعتبر نفسي في اول الطريق..