محمد السناني و مرهب البقمي ..

[فيصل بن فهد الجهني]

لا اجيد المقدمات


و لكنها محاوره جميله :D





مرهب البقمي
مرحبا في مرحبا عن ربعي سهوم المنايا ... في محل حمود ساس الجود نبراس الزعامه
يوم يبسن الشفاه و راحت الدعوه حمايا ... وقفته تاجن على راسي ليا يوم القيامه

محمد السناني
البقى عند البقوم اللي يزيدون التحايا ... في محل اللي تعب للمجد و اعطاك السنامه
بيض الله وجه في من موقفه سوى سوايا ... و بيض الله وجهك انت ان كان ما تنسى مقامه

مرهب البقمي
لو نسجلها غلط ضاقوا بعيدين النحايا .. و انت يا محمد خشيري فالمواقف و الكرامه
حددوا راع الرعاه و ضاقوا رعاة الرعايا ... مير رغم اللي حصل ما ضاق خيال الجهامه

محمد السناني
لا تسجلها غلط فردي و تفقدها المزايا ... مير اظنك مونسن لك شيء من تحت العمامه
بلشوا الرعيان و الفريس و اصحاب المطايا ... مير اظن المحترم يفرض على الناس احترامه

مرهب البقمي
مونسن فالراس طنيه من رياجيلن طنايا ... و انت في راسك شبه بين القرامه و الرخامه
كل شيء الا المراجل ما تهيا بالوصايا ... و البعير شعيل ما يبرك مباريك النعامه

محمد السناني
اثر طنية روسكم من طنية الروس العرايا ... اثرني غلطان يوم اني كشفت الابتسامه
ما عرفت تخطط الموضوع فأبعاد و زوايا ... ارعدت في نجد و انهلت على ساحل تهامه

مرهب البقمي
طنية الروس الشجيعه خلتك ضمن الضحايا ... يوم شبت بيننا حربن مثل حرب الرغامه
يا محمد لا تليّم لك سواليف و حكايا ... ثم ازودها علامه ثم انقصها علامه

محمد السناني
فيه حرب فالسلاح و فيه حرب فالهدايا ... معركه منها تحمدنا لمرهب بالسلامه
لا تكلمني كلام احفاد ما هو مستوايا ... ما ابري المتهم ولا ازيده على قد اتهامه



وش رايكم في مرهب ..!؟ :rolleyes:


http://www.youtube.com/watch?v=jcV4UwI4uFw

[سعد حميد الثبيتي]

نقل رائع ومحاوره اروع مرهب اجاد والكنق ابدع كعادته بيض الله وجيههم لك تقديري واحترامي

[فيصل بن فهد الجهني]

والله انك جاي و مطفي النور


ابك اللي يلعب جنيه الذهب .. ماهو الكنق ههههههههههههههه



لا هنت على مرورك

[فلاح الواهبي الشهراني]

في محل اللي تعب للمجد و اعطاك السنامه

بيت رائع وتضهر فيه حركات السناني ولكن لو قال واعطالك سنامه كان افضل

وبيت مرهب ايضا

و انت يا محمد خشيري فالمواقف و الكرامه

جميل جدا ورد على البيت السابق ويقول تراك انت بعد استفدت وعينت خير


اكتفي بهاذين البيتين واترك الفرصه للاخوان ولكن مرهب شاعر قادم بفوه والسناني عاد ماوصلنا اننا نقيمه

[محمد العتيبي11]

محمد السناني
البقى عند البقوم اللي يزيدون التحايا ... في محل اللي تعب للمجد و اعطاك السنامه
بيض الله وجه في من موقفه سوى سوايا ... و بيض الله وجهك انت ان كان ما تنسى مقامه



مقصرت على جهدك



بس البيتين اعتقد انها غير المكتوب من ناحيه التركيب


التركيب فيه ركاكه في البيوت


السنامه افقدت البيت جماله

كن الي قالهاااا معسور عاجز عن صياغة البيت بشكل اجمل


وكذلك بيض الله وحه في من موقفه سوى سواياااا


يمكن تكون بيض الله وجه من في موقفه سوا سوايااااا

تاكد من ان النقل


وشاكر لك مره اخرااااا

[سلطان البقمي]

يعطيك العافيه على االنقل محاورة رائعه جداً



تقديري لك

[حمود بن خيشوم العصيمي]

محمد السناني
فيه حرب فالسلاح و فيه حرب فالهدايا ... معركه منها تحمدنا لمرهب بالسلامه
لا تكلمني كلام احفاد ما هو مستوايا ... ما ابري المتهم ولا ازيده على قد اتهامه




الكلمات الملونه والشطر الاخير فيها خلل في صحة الصياغه والوزن







محاوره جيده ومرهب أبدع فيها

[فيصل بن فهد الجهني]

في محل اللي تعب للمجد و اعطاك السنامه

بيت رائع وتضهر فيه حركات السناني ولكن لو قال واعطالك سنامه كان افضل

وبيت مرهب ايضا

و انت يا محمد خشيري فالمواقف و الكرامه

جميل جدا ورد على البيت السابق ويقول تراك انت بعد استفدت وعينت خير


اكتفي بهاذين البيتين واترك الفرصه للاخوان ولكن مرهب شاعر قادم بفوه والسناني عاد ماوصلنا اننا نقيمه




الله لا يهينك يا الشششهراني


و بيض الله وجهك على مرورك الجميل


لك ارق التحايا و الاحترام

[فيصل بن فهد الجهني]

محمد السناني
البقى عند البقوم اللي يزيدون التحايا ... في محل اللي تعب للمجد و اعطاك السنامه
بيض الله وجه في من موقفه سوى سوايا ... و بيض الله وجهك انت ان كان ما تنسى مقامه



مقصرت على جهدك



بس البيتين اعتقد انها غير المكتوب من ناحيه التركيب


التركيب فيه ركاكه في البيوت


السنامه افقدت البيت جماله

كن الي قالهاااا معسور عاجز عن صياغة البيت بشكل اجمل


وكذلك بيض الله وحه في من موقفه سوى سواياااا


يمكن تكون بيض الله وجه من في موقفه سوا سوايااااا

تاكد من ان النقل


وشاكر لك مره اخرااااا



والله ياخوك فيه مقطع صوت و صوره حاطه .. يمكن ما ركزت او ما قدرت اوصل للكلمه و لكن قدامك المقطع و تقدر تعدل و تتأكد


و بخصوص الملاحظه الثانيه .. معاك حق .. انا اخطيت و قدمت الـ في .. قبل الـ من


و شاكر لك مرورك الجميل

[فيصل بن فهد الجهني]

يعطيك العافيه على االنقل محاورة رائعه جداً



تقديري لك




الله يعافيك يا البقمي


ولا هنت على مرورك

[فيصل بن فهد الجهني]

محمد السناني
فيه حرب فالسلاح و فيه حرب فالهدايا ... معركه منها تحمدنا لمرهب بالسلامه
لا تكلمني كلام احفاد ما هو مستوايا ... ما ابري المتهم ولا ازيده على قد اتهامه




الكلمات الملونه والشطر الاخير فيها خلل في صحة الصياغه والوزن







محاوره جيده ومرهب أبدع فيها


هلا يا ابن خيشوم

ملاحظاتك .. غير صحيحه .. و اذا حبيت تتأكد .. ترا فيه مقطع صوت و صوره بنفس الموضوع

ولا هنت على كل حال

[ابو فايح]

لاهنت يا فيصل

طاروق جيد جدا من وجهة نظري وأبدع الشاعرين في قوة الأبيات

ولو أن فيه بعض الملاحظات البسيطه



يبسن جمع ** الشفاه مفرد أصبحت أراها غير جيده رغم قوة وجمال البيت وجمال رده من السناني


يوم يبسن الشفاه و راحت الدعوه حمايا =وقفته تاجن على راسي ليا يوم القيامه


** السنامه ما قد سمعتها ألا من السناني
سمعتها ( سنام ) وسمعتها ( سنامه ) بدون أل التعريف




بيتين جميله جدا ولا فيها اي خلل إلا في حرف الفاء قبل السلاح والهدايا
أعتقد أن خطأ مطبعي والا الأساس ( بالسلاح وبالهدايا )


فيه حرب فالسلاح و فيه حرب فالهدايا = معركه منها تحمدنا لمرهب بالسلامه
لا تكلمني كلام احفاد ما هو مستوايا =ما ابري المتهم ولا ازيده على قد اتهامه



بيت أعجبني بقوه

كل شيء الا المراجل ما تهيا بالوصايا =و البعير شعيل ما يبرك مباريك النعامه

[ضيف الله العضياني]

وما آفة الأخبار إلاّ رواتها

في محل اللي تعب للمجد واعطاكا / سنامه

[ابو فايح]

أنا لم أشاهد المقطع قرأت الطاروق الكتابي فقط


إن حصل خطأ ذنبنا على فيصل ههههههه

[فيصل بن فهد الجهني]

وما آفة الأخبار إلاّ رواتها

في محل اللي تعب للمجد واعطاكا / سنامه




هههههههههههههههههه


عزالله انك صادق ... لما يخطي الواحد يغدي افه هههههههههههههههه



لا هنت على التعديل .. يا الشاعر الفحل


و طالبك ... خلنا نشوف ملاعبك بالمنتدى

[فيصل بن فهد الجهني]

لاهنت يا فيصل

طاروق جيد جدا من وجهة نظري وأبدع الشاعرين في قوة الأبيات

ولو أن فيه بعض الملاحظات البسيطه



يبسن جمع ** الشفاه مفرد أصبحت أراها غير جيده رغم قوة وجمال البيت وجمال رده من السناني


يوم يبسن الشفاه و راحت الدعوه حمايا =وقفته تاجن على راسي ليا يوم القيامه


** السنامه ما قد سمعتها ألا من السناني
سمعتها ( سنام ) وسمعتها ( سنامه ) بدون أل التعريف




بيتين جميله جدا ولا فيها اي خلل إلا في حرف الفاء قبل السلاح والهدايا
أعتقد أن خطأ مطبعي والا الأساس ( بالسلاح وبالهدايا )


فيه حرب فالسلاح و فيه حرب فالهدايا = معركه منها تحمدنا لمرهب بالسلامه
لا تكلمني كلام احفاد ما هو مستوايا =ما ابري المتهم ولا ازيده على قد اتهامه



بيت أعجبني بقوه

كل شيء الا المراجل ما تهيا بالوصايا =و البعير شعيل ما يبرك مباريك النعامه




والله انت الجيد يا ابو فايح

و كلام منطقي و جميل .. يتقبله الجميع سواء المؤيدين لك او المضادين

انت قدوه جميله للمنتدى ... و يجب الاحتذاء بها

.ز

[فيصل بن فهد الجهني]

أنا لم أشاهد المقطع قرأت الطاروق الكتابي فقط


إن حصل خطأ ذنبنا على فيصل ههههههه


شلنا الذنب الله يقطع ابليسك يا ابو فايح

ههههههههههههه