الشاعر الواثق حياه

[ابراهيم الحيسوني الحربي]

انا ليا مني رسمت الهدف
انيشن الاهداف واصيبها

الله يعين اللي بدربي وقف
لابدها ترمي ويسريبها

[ابراهيم الجـــــذع]

يا اللي تحسب أن الدعاوي صدف=لا تجهل العالم واساليبها

ازحف على بطنك وغيرك زحف=واحذر ثيابك لا تصلي بها

[سعد حميد الثبيتي]

بدع وافي ورد على مستوى مميز لله در الشاعرين لكما مني كل تقدير واحترام واصلوا الابداع

[ابراهيم الجـــــذع]

هلا وغلا أخوي سعد

شرفنا مرورك يا الغالي

[ابراهيم الحيسوني الحربي]

ياللي مسكت الخط مابه ملف
الحين ابرسللك مكاتيبها

البارحه يوم الطريق انتصف
حذفت عني وانت تدريبها

[ابراهيم الجـــــذع]

دواس حي ومات مانع علف=وين العلوم اللي تماري بها

يوم أن قلبك يا الحريبي رجف=جنب عن النار ومشاهيبها

[ابراهيم الحيسوني الحربي]

دواس حيال ن لو انه حلف
بعض الرجال موضح عيبها

اثر الخلف ياخذ طبوع السلف
البارحه راجع مطاليبها

[ابراهيم الجـــــذع]

سيارتك يوم الطريق انحرف=نقز مكينتها لتوضيبها

ترا الزمان اللي تقول اختلف=ما اخفى جبالاً عاويٍ ذيبها

[ابراهيم الجـــــذع]

صح السانك يا الحربي

وبيض الله وجهك

تشرفت باللعب معاك

أذن الفجر ولنا لقاء إن شاء الله

[ابراهيم الحيسوني الحربي]

سيارتي مامشي بها ثم اقف
وسيارتك تمشي على دويبها

كورتك طارت فوق مرمى الهدف
وفرقكم بالقاع ترتيبها

[ابراهيم الحيسوني الحربي]

صح بدنك والشرف لي ياطويل العمر
وتصبح على خير

[ولدشبابة]

بيض الله وجيهكم على هالمحاورة وصح السنتكم