الليل ياشعارنا ....

[عايض النفيعي]

في ليال العيد جيت وحالتي كلها بلاوي=عند ربعي جيت حامي والمواقف محتميها
ياسلام الله عليكم دون علم ودون راوي=يالوجيه اللي بياض اللون تاخذ ماعليها

[محمد الذيابـــي]

صح لساااااااااااااانه

[خالد الزيد المكودر]

في ليال العيد جيت وحالتي كلها بلاوي=عند ربعي جيت حامي والمواقف محتميها
ياسلام الله عليكم دون علم ودون راوي=يالوجيه اللي بياض اللون تاخذ ماعليها


باقين عشرين يوم وشهر ياللي جيت داوي= من عطاك العطله اللي جيتنا تختال فيها؟
مرحبا بك بالبجاده يوم جا سيلك نحاوي= و انتبه لذريِّع ودابه و جاذر لا تجيها

[ابراهيم الحيسوني الحربي]

الليالي عيد دايم للرجال اهل العزاوي
وانت في حلة ربوعك والمشاكل لاتجيها



مرحبا ترحيبة تاقف وترشد كل غاوي
واليدين الخطل تعكس فعل بيضان الوجيها

[ابراهيم الحيسوني الحربي]

معليش يالربع وكملو المحاوره وانا متابع

[خالد الزيد المكودر]

تعديل:
و حاذر

[عايض النفيعي]

مرحبا بالشاعر اللي مايكثر فالخطاوي=يقتنع باللي حصلّه والسوالف وش تبيها
ان بغيت العلم هادي وان بغيته علم كاوي=اطلبه وازهل بيوته عند عايض يشتريها

[عايض النفيعي]

صح بدنك يالذيابي

لاهنت على المرور

[عايض النفيعي]

ابراهيم الحربي لاهنت وانا اخوك لكن سبقك خالد ..

الله لايهينك على المتابعه

[خالد الزيد المكودر]

معليش يالربع وكملو المحاوره وانا متابع

حياك يا ابراهيم

و الدعوى بسيطه

و اللي يرد عليه عايض يتابع

[عايض النفيعي]

بتابع معك ياخالد ولا هان الحربي

لكن انت اللي سبقت اول

[ابراهيم الحيسوني الحربي]

من سبق لبق



متابعيييييييييين

[عايض النفيعي]

الليل ياخالد ......

[خالد الزيد المكودر]

مرحبا بالشاعر اللي مايكثر فالخطاوي=يقتنع باللي حصلّه والسوالف وش تبيها
ان بغيت العلم هادي وان بغيته علم كاوي=اطلبه وازهل بيوته عند عايض يشتريها

آسف يا عايض طلعت ما شفت ردك:


البقا بك يا رفيقي و الامر أمرن سماوي= و القناعه كنز ما تفنى مع اللي يحتسيها
عد نفسك يا رفيقي واردن بيرن رهاوي= كيف ترسلها تعوِّد و انت رجالن نبيها

[عايض النفيعي]

انت قحطاني تعاند لك من عتيبه نداوي=استلم فالصندقه والامر من راسي بيجيها
قد سمعت العلم مرّه والعلوم ابها غناوي=علمكم يومك طلعت الضلع والبنت اتعليها

[خالد الزيد المكودر]

انت قحطاني تعاند لك من عتيبه نداوي=استلم فالصندقه والامر من راسي يجيها
قد سمعت العلم مرّه والعلوم ابها غناوي=علمكم يومك طلعت الضلع والبنت اتعليها



أنت يا عايض تراك اليوم في مسراك غاوي= و نعم في قحطان لكنِّي أنا ما أعتزيها
القضاعي ما سمعتوا عنه يا قوم العراوي= و علمكم هذا له اهله و البلا في سامعيها

[عايض النفيعي]

قلنا وش ربعكم ياجعل تاتيك الرخاوي=ولا تعزوة فيك ربعك ماتحصّل منك تيها
ماسمعك العازمي لو كان يسمعك الجلاوي=دام عايض في سندها والله ان تسمع حكيها

[خالد الزيد المكودر]

قلنا وش ربعكم ياجعل تاتيك الرخاوي=ولا تعزوة فيك ربعك ماتحصّل منك تيها
ماسمعك العازمي لو كان يسمعك الجلاوي=دام عايض في سندها والله ان تسمع حكيها



لا تلوِّي في حنوكك كن حاش البطن لاوي= و ربعي الها عزوتن تشفي متى ما تنتخيها
خل عنك الغير، قل لي يا ترى ويش انت ناوي؟= انت في حضرة رجالن توجعك بسطة يديها