عـقـــــــــــاب
05-Jul-2011, 05:33 PM
السلام عليكم ورحمة الله وبركاته
وخليكم مع القصيده :
يالله ياغافـر خطـايـا عبـيـده=ياحاجـزٍ مابيـن بحـره وقاعـه
ارجوك باالدنيـا حيـاة ٍ سعيـده=وبالآخره رحمتـك يـوم المراعـه
إذا حصد راعي الحساب الحصيـده=وتفقد المحصول راعـي الزراعـه
اعمالنا من غيـر عفـوك زهيـده=انته رجاء الإنسان حين انصراعـه
وان كان كلٍ قـام يفخـر بصيـده=يوم ان كل ٍ مـن حريبـه متاعـه
سر ياقلم سجـل مشـد النشيـده=نبي نجدد مامضى عـن ضياعـه
عليك تصريـح الخبـر وتحديـده=وانـا عليّـه صنعتـه واختراعـه
سجلـي ابيـاتٍ نظـافٍ وكـيـده=بكتاب عن نقد اللواعيـب راعـه
حاول يصيرالبيـت جملـه مفيـده=حتى يليق لمـن قـراه استماعـه
ابرسلـه لا بـان جـده وجـيـده=ليا منبع الحكمه وبحر الشجاعـه
اسندت لأبن حميد صدر القصيـده=ويصدر عليها الحكم بعد اطلاعـه
سلطان ابن جهجاه شيـخ البديـده=حـلال صعبـات الأمـور ابراعـه
شيخ ٍمحابيـل العـداء ماتصيـده=ولوهاجمه وقته بحـربٍ مااطاعـه
ولو شاف غاراته وسمـع تهديـده=ومخالط ٍ بعـض النوايـا لكاعـه
بثنا المحافـل والعيـون الحديـده=ماهوب في صعب المواقف رعاعه
وان جا نهارٍ فيه صايـد وصيـده=هوقايد الهيـلا نهـار الصعاعـه
هو قايد اليـوم الكبيـر وعميـده=ليا صار بالميدان شريـه وباعـه
امارتـه ماهيـب بدعـه جديـده=بالجود والأمجـاد ياطـول باعـه
له راية ٍ بيضـاء عتيـق ٍ عتيـده=وعمودها فيه الرهـا بـا رتفاعـه
رايـه يسلمهـا الكبيـر لحفيـده=نعم الوديع ونعـم ذيـك الوداعـه
تركي سمع في وسط نجدٍ بجيـده=ولا احدٍ يجيها الا يسوق الرتاعـه
من دونها قـومٍ عصـاة ٍ عنيـده=واميرهم ماهوب سهـل انصياعـه
وكتب مكاتيبـه وطـرش بريـده=وساس الأمور بكل حلم ووقاعـه
وحاول بشتى الطرق يقنع ضديـده=لكن عـن رايـه ياكـود اقتناعـه
وبعد انغلق باب المساعي الحميده=شب الشعار وشاف راي الجماعـه
وقالولـه ارسلـك بيـان بجريـده=رد النقـا لاهـل النقـا بالاذاعـه
ان كان يبغى الحرب حنـا نريـده=وفينا ليا حمي الوطيس استطاعـه
لابد مانرفـع يـده عـن رصيـده=وش عاد لو حصن حماه بدفاعـه
وشن الهجوم وصار تركي عقيـده=وصمم على حرب الحريب ونزاعه
وتواجهـوا والله فعـل مايـريـده=واحد ٍ كسب واحدٍ خسر له بضاعه
تركي كسب دار ٍ عريض ٍ مديـده=وخصمه كتب للدار حامض وداعه
وا فعال ابن هندي بنجـد ٍ مجيـده=ان صارللحرب الضروس اندلاعـه
محمد لايا حكـت حديـده حديـده=مافيه عن وجه الحريب انهزاعـه
شيخ ٍ يجندل في المعـارك قنيـده=فعله زرع بقلوب الاجنـاب راعـه
جدعة قبيله فـي اللقـى ماتكيـده=بالسيف من سرج الجواد انجظاعه
امـا قطـع يمنـاه ولا وريــده=ولا بحـد السيـف يبتـر خناعـه
وليا عمد جمع ٍ هدم منـه حيـده=وليا انهزم خصمه يعـاف اتباعـه
علـط الأسنـه باللقـى ماتصيـده=تقـول معطيـه الكريـم المناعـه
يا ما ذبح يوم الرحى مـن فقيـده=وخمسين من خيل الطنايا قلاعـه
محـذِ اليديـن الفارغـه مايفيـده=من القيوم يحذي مفلسين الجماعه
يريـد صعبـات الأمـور وتريـده=ليا صدعن صعب الأمور الزعاعـه
ولأبن بجاد بنجد سيـره رشيـده=رمزالمهابـه والتقـى والقناعـه
شيخ ٍ نشر بيـن العبـاد العقيـده=واعلن منار الدين واشرق شعاعـه
ومن شذ عن درب الجماعه يعيـده=بالوعض والا بالسـلاح ارتداعـه
كم شيخ قوم ٍ حـط بيديـه قيـده=حتى استقام الشيخ بعـد امتناعـه
وقاد السرب لإ خضاع من لايفيـده=عن الوعظ والإرشاد فيه انقطاعـه
يالله عسى روحه بعفـوك شهيـده=حيثه عمل بكتاب ربـه واطاعـه
ولهـم قبيلـه كـل فـن ٍ تجيـده=فالحـرب لاعـم البـلاد اتساعـه
بالسيف والرمح الردينـي طريـده=وهدف ٍ يشيلن الهدف بالسراعـه
وشلف ٍ على قب ٍ عراض ٍ حديـده=قبل يجي عصر الفضا والصناعـه
عاشت بنجد سنين جـرد ٍ عديـده=وجيرانهـا ناوينهـا بالقطـاعـه
محفوفة ٍ من كل صـوب ٍ بمكيـده=وقوم ٍ لهم في كل يـوم ارتباعـه
من احزاب من كثر العدد مستفيـده=هـذا يهاجمهـا والآخـر ارداعـه
مر ٍجمع عبده ومـرٍ عبيده=ومر هل العـارض تمـيـم وخـزاعـه
ومرٍجمع علـوى وعلـوى نكيـده=وبريه هـم واخواننـا بالرضاعـه
لكـن ردت كـل جمـع ٍ بكـيـده=وكل ٍ تبرى من حليفـه واضاعـه
قامت ترد الصاع صـاع وتزيـده=كل ٍ تكيل الـه المنايـا بصاعـه
واقفوا لهم مع كـل فـج ٍ سريـده=السالم اللي راح يسحـب كراعـه
وارست قواعدهـا بنجـدٍ وطيـده=وتخيـرت مثنـاة نجـد ورفاعـه
برقا وروق الهـم مواقـف فريـده=وفيهم على جمع الحريب اندفاعـه
مثل العضيد اللي يسانـد عضيـده=والجمع دايـم عزتـه باجتماعـه
يلجاء لهم من كان حملـه يكيـده=من الخوف والا في ليالي المجاعه
برقا هل الـروز الثقيـل الوحيـده=ليا بنى حـرب القبايـل شراعـه
اليا واجه الموعـود راع الوعيـده=وتعانقت حدب السيـوف بشناعـه
يا ما نحوا بسيوفهم مـن بديـده=عن نجد يوم انه تقانـب اسباعـه
دقلاتهـم جمـع المعـادي تبيـده=ليا حاربوا جمع ٍ يتـم انقشاعـه
مثل الخيال اللي مزونـه سديـده=سيله يطم المنخفـض والرفاعـه
واولاد روق اللي خطاهـم بعيـده=اللـي لهـم كزالمجـوخ ولاعـه
قطاعة الفرجه ليـا جـت شديـده=يوم ان كل ٍ نجدتـه مـن ذراعـه
من اللي خذا طرش الحفيف وعبيده=وهفه وتفه مـن شفـاتٍ لقاعـه
وليا بدا زحـف الحديـد لحديـده=عا داتهم كسب النصـر وانتزاعـه
وقعـة طـلال ام العلـوم الأكيـده=بالكتب سجلهـا جهـاز الطباعـه
يوم ان ابن فيصل نواهـم بكيـده=وسحب مطير ومن يحب الطماعـه
وبعد انتهى دور السبـر والقعيـده=وقالوا هل الرايات للخيـل فاعـه
لبسوا دروع ٍ محكمـات ٍ جويـده=وسلوا سيوف ٍ مطعمه سم ساعـه
وردوا شديد البـاس عمـا يريـده=واقفا يحث مع الخريمـه رباعـه
وليا ولوا خلوا للأعـداء شريـده=ويشهد على ميدان معتق ضلاعـه
شيمة عرب حتى المحارب تفيـده=ليا ذل تترك له طريـق انجلاعـه
هذا بيان ومصـدره مـن جريـده=جريدة الأخبـار ساعـه بساعـه
بأقـلام لا عجلـه ولاهـي بليـده=مأمونة الاطراف عـن كـل تاعـه
لا تنقص الواقـع ولاهـي تزيـده=كل ٍعلاماتـه علـى مااستطاعـه
عديت بعض اللي نويـت تعديـده=وكشفت عن وجه المجلـد قناعـه
وانهيت بالصفحه مطاف النشيـده=وصلوا على صاحب مقام الشفاعه
وهذ القصيده التاليه قالها يرثي الامــير سلطان بـن جهجاه بن حمــيد
الوقـت يمضـي بيـن يـومٍ وليلـه=والآجل مكتوبٍ على صفحـة كتـاب
واليا انتهى المكتـوب مافيـه حيلـه=مهمـا يقولـون الاطبـاء فالاطبـاب
مرحـوم يامـن لارضينـا رحيلـه=لكن لا جف القلـم جـات الاسبـاب
رحـل عـن الدنيـا زعيـم القبيلـه=وترك فراغٍ من يسـده بعـد غـاب
شيـخٍ تبـا تتعـب دروبـه بديـلـه=لا كثرت الابـواب بـابٍ ورا بـاب
حملـه قليـل اللـي يبـا يرتكيـلـه=يبـا يعجـز لـه شبـابٍ وشـيـاب
ما كـل مـن يبـرك لحمـلٍ يشيلـه=ولا كل من شال التفق للهدف صـاب
رجـال صعبـات المواقـف قليلـه=لكنهم يرجـع لهـم حـل الانشـاب
سلطان ابن جهجـاه رمـز الفضيلـه=نزه الجنـاب مسكـتٍ كـل مغتـاب
نعم الامير ونعـم مـن ينتمـي لـه=ابناه وابنـا العـم واحفـاد واقـراب
ذوي حمـد لاشتـب راس الفتيـلـه=مهوب عن حـوض المنايـا بهيـاب
يـوم العـرب مابيـن عيلـه وميلـه=ومابيـن نهـابٍ ومابيـن غـصـاب
لامـن كـلٍ قـام صاعـه يكيـلـه=ولا عاد عن وجه المعاديـن مجنـاب
وتناوشـو سـرد المهـار الاصيلـه=وتواعدوا فالمعركه قطـع الارقـاب
تعـرف مواقفهـم خـلاف الذبيلـه=لاجت من بيـن القبيلـه والاجنـاب
تطلـع مواقفهـم كـبـار وجليـلـه=تشهد بها الاجناب من قبل الاصحاب
ولهـم قبيلـه فالمـعـارك ثقيـلـه=يفرح بها المضيوم في حـزم كـلاب
عتبان اهل سمـر البيـوت الضليلـه=يامن بهم المطلوب من كـل طـلاب
اهل الكرم واهـل السلـوم الجميلـه=قومٍ لهـا صطـوه وهيبـه وتنهـاب
نعـم القبيلـه فـالامـور المهيـلـه=ونعم الزعامه لا غشا الزمل ضبضاب
وسلامتكم
وخليكم مع القصيده :
يالله ياغافـر خطـايـا عبـيـده=ياحاجـزٍ مابيـن بحـره وقاعـه
ارجوك باالدنيـا حيـاة ٍ سعيـده=وبالآخره رحمتـك يـوم المراعـه
إذا حصد راعي الحساب الحصيـده=وتفقد المحصول راعـي الزراعـه
اعمالنا من غيـر عفـوك زهيـده=انته رجاء الإنسان حين انصراعـه
وان كان كلٍ قـام يفخـر بصيـده=يوم ان كل ٍ مـن حريبـه متاعـه
سر ياقلم سجـل مشـد النشيـده=نبي نجدد مامضى عـن ضياعـه
عليك تصريـح الخبـر وتحديـده=وانـا عليّـه صنعتـه واختراعـه
سجلـي ابيـاتٍ نظـافٍ وكـيـده=بكتاب عن نقد اللواعيـب راعـه
حاول يصيرالبيـت جملـه مفيـده=حتى يليق لمـن قـراه استماعـه
ابرسلـه لا بـان جـده وجـيـده=ليا منبع الحكمه وبحر الشجاعـه
اسندت لأبن حميد صدر القصيـده=ويصدر عليها الحكم بعد اطلاعـه
سلطان ابن جهجاه شيـخ البديـده=حـلال صعبـات الأمـور ابراعـه
شيخ ٍمحابيـل العـداء ماتصيـده=ولوهاجمه وقته بحـربٍ مااطاعـه
ولو شاف غاراته وسمـع تهديـده=ومخالط ٍ بعـض النوايـا لكاعـه
بثنا المحافـل والعيـون الحديـده=ماهوب في صعب المواقف رعاعه
وان جا نهارٍ فيه صايـد وصيـده=هوقايد الهيـلا نهـار الصعاعـه
هو قايد اليـوم الكبيـر وعميـده=ليا صار بالميدان شريـه وباعـه
امارتـه ماهيـب بدعـه جديـده=بالجود والأمجـاد ياطـول باعـه
له راية ٍ بيضـاء عتيـق ٍ عتيـده=وعمودها فيه الرهـا بـا رتفاعـه
رايـه يسلمهـا الكبيـر لحفيـده=نعم الوديع ونعـم ذيـك الوداعـه
تركي سمع في وسط نجدٍ بجيـده=ولا احدٍ يجيها الا يسوق الرتاعـه
من دونها قـومٍ عصـاة ٍ عنيـده=واميرهم ماهوب سهـل انصياعـه
وكتب مكاتيبـه وطـرش بريـده=وساس الأمور بكل حلم ووقاعـه
وحاول بشتى الطرق يقنع ضديـده=لكن عـن رايـه ياكـود اقتناعـه
وبعد انغلق باب المساعي الحميده=شب الشعار وشاف راي الجماعـه
وقالولـه ارسلـك بيـان بجريـده=رد النقـا لاهـل النقـا بالاذاعـه
ان كان يبغى الحرب حنـا نريـده=وفينا ليا حمي الوطيس استطاعـه
لابد مانرفـع يـده عـن رصيـده=وش عاد لو حصن حماه بدفاعـه
وشن الهجوم وصار تركي عقيـده=وصمم على حرب الحريب ونزاعه
وتواجهـوا والله فعـل مايـريـده=واحد ٍ كسب واحدٍ خسر له بضاعه
تركي كسب دار ٍ عريض ٍ مديـده=وخصمه كتب للدار حامض وداعه
وا فعال ابن هندي بنجـد ٍ مجيـده=ان صارللحرب الضروس اندلاعـه
محمد لايا حكـت حديـده حديـده=مافيه عن وجه الحريب انهزاعـه
شيخ ٍ يجندل في المعـارك قنيـده=فعله زرع بقلوب الاجنـاب راعـه
جدعة قبيله فـي اللقـى ماتكيـده=بالسيف من سرج الجواد انجظاعه
امـا قطـع يمنـاه ولا وريــده=ولا بحـد السيـف يبتـر خناعـه
وليا عمد جمع ٍ هدم منـه حيـده=وليا انهزم خصمه يعـاف اتباعـه
علـط الأسنـه باللقـى ماتصيـده=تقـول معطيـه الكريـم المناعـه
يا ما ذبح يوم الرحى مـن فقيـده=وخمسين من خيل الطنايا قلاعـه
محـذِ اليديـن الفارغـه مايفيـده=من القيوم يحذي مفلسين الجماعه
يريـد صعبـات الأمـور وتريـده=ليا صدعن صعب الأمور الزعاعـه
ولأبن بجاد بنجد سيـره رشيـده=رمزالمهابـه والتقـى والقناعـه
شيخ ٍ نشر بيـن العبـاد العقيـده=واعلن منار الدين واشرق شعاعـه
ومن شذ عن درب الجماعه يعيـده=بالوعض والا بالسـلاح ارتداعـه
كم شيخ قوم ٍ حـط بيديـه قيـده=حتى استقام الشيخ بعـد امتناعـه
وقاد السرب لإ خضاع من لايفيـده=عن الوعظ والإرشاد فيه انقطاعـه
يالله عسى روحه بعفـوك شهيـده=حيثه عمل بكتاب ربـه واطاعـه
ولهـم قبيلـه كـل فـن ٍ تجيـده=فالحـرب لاعـم البـلاد اتساعـه
بالسيف والرمح الردينـي طريـده=وهدف ٍ يشيلن الهدف بالسراعـه
وشلف ٍ على قب ٍ عراض ٍ حديـده=قبل يجي عصر الفضا والصناعـه
عاشت بنجد سنين جـرد ٍ عديـده=وجيرانهـا ناوينهـا بالقطـاعـه
محفوفة ٍ من كل صـوب ٍ بمكيـده=وقوم ٍ لهم في كل يـوم ارتباعـه
من احزاب من كثر العدد مستفيـده=هـذا يهاجمهـا والآخـر ارداعـه
مر ٍجمع عبده ومـرٍ عبيده=ومر هل العـارض تمـيـم وخـزاعـه
ومرٍجمع علـوى وعلـوى نكيـده=وبريه هـم واخواننـا بالرضاعـه
لكـن ردت كـل جمـع ٍ بكـيـده=وكل ٍ تبرى من حليفـه واضاعـه
قامت ترد الصاع صـاع وتزيـده=كل ٍ تكيل الـه المنايـا بصاعـه
واقفوا لهم مع كـل فـج ٍ سريـده=السالم اللي راح يسحـب كراعـه
وارست قواعدهـا بنجـدٍ وطيـده=وتخيـرت مثنـاة نجـد ورفاعـه
برقا وروق الهـم مواقـف فريـده=وفيهم على جمع الحريب اندفاعـه
مثل العضيد اللي يسانـد عضيـده=والجمع دايـم عزتـه باجتماعـه
يلجاء لهم من كان حملـه يكيـده=من الخوف والا في ليالي المجاعه
برقا هل الـروز الثقيـل الوحيـده=ليا بنى حـرب القبايـل شراعـه
اليا واجه الموعـود راع الوعيـده=وتعانقت حدب السيـوف بشناعـه
يا ما نحوا بسيوفهم مـن بديـده=عن نجد يوم انه تقانـب اسباعـه
دقلاتهـم جمـع المعـادي تبيـده=ليا حاربوا جمع ٍ يتـم انقشاعـه
مثل الخيال اللي مزونـه سديـده=سيله يطم المنخفـض والرفاعـه
واولاد روق اللي خطاهـم بعيـده=اللـي لهـم كزالمجـوخ ولاعـه
قطاعة الفرجه ليـا جـت شديـده=يوم ان كل ٍ نجدتـه مـن ذراعـه
من اللي خذا طرش الحفيف وعبيده=وهفه وتفه مـن شفـاتٍ لقاعـه
وليا بدا زحـف الحديـد لحديـده=عا داتهم كسب النصـر وانتزاعـه
وقعـة طـلال ام العلـوم الأكيـده=بالكتب سجلهـا جهـاز الطباعـه
يوم ان ابن فيصل نواهـم بكيـده=وسحب مطير ومن يحب الطماعـه
وبعد انتهى دور السبـر والقعيـده=وقالوا هل الرايات للخيـل فاعـه
لبسوا دروع ٍ محكمـات ٍ جويـده=وسلوا سيوف ٍ مطعمه سم ساعـه
وردوا شديد البـاس عمـا يريـده=واقفا يحث مع الخريمـه رباعـه
وليا ولوا خلوا للأعـداء شريـده=ويشهد على ميدان معتق ضلاعـه
شيمة عرب حتى المحارب تفيـده=ليا ذل تترك له طريـق انجلاعـه
هذا بيان ومصـدره مـن جريـده=جريدة الأخبـار ساعـه بساعـه
بأقـلام لا عجلـه ولاهـي بليـده=مأمونة الاطراف عـن كـل تاعـه
لا تنقص الواقـع ولاهـي تزيـده=كل ٍعلاماتـه علـى مااستطاعـه
عديت بعض اللي نويـت تعديـده=وكشفت عن وجه المجلـد قناعـه
وانهيت بالصفحه مطاف النشيـده=وصلوا على صاحب مقام الشفاعه
وهذ القصيده التاليه قالها يرثي الامــير سلطان بـن جهجاه بن حمــيد
الوقـت يمضـي بيـن يـومٍ وليلـه=والآجل مكتوبٍ على صفحـة كتـاب
واليا انتهى المكتـوب مافيـه حيلـه=مهمـا يقولـون الاطبـاء فالاطبـاب
مرحـوم يامـن لارضينـا رحيلـه=لكن لا جف القلـم جـات الاسبـاب
رحـل عـن الدنيـا زعيـم القبيلـه=وترك فراغٍ من يسـده بعـد غـاب
شيـخٍ تبـا تتعـب دروبـه بديـلـه=لا كثرت الابـواب بـابٍ ورا بـاب
حملـه قليـل اللـي يبـا يرتكيـلـه=يبـا يعجـز لـه شبـابٍ وشـيـاب
ما كـل مـن يبـرك لحمـلٍ يشيلـه=ولا كل من شال التفق للهدف صـاب
رجـال صعبـات المواقـف قليلـه=لكنهم يرجـع لهـم حـل الانشـاب
سلطان ابن جهجـاه رمـز الفضيلـه=نزه الجنـاب مسكـتٍ كـل مغتـاب
نعم الامير ونعـم مـن ينتمـي لـه=ابناه وابنـا العـم واحفـاد واقـراب
ذوي حمـد لاشتـب راس الفتيـلـه=مهوب عن حـوض المنايـا بهيـاب
يـوم العـرب مابيـن عيلـه وميلـه=ومابيـن نهـابٍ ومابيـن غـصـاب
لامـن كـلٍ قـام صاعـه يكيـلـه=ولا عاد عن وجه المعاديـن مجنـاب
وتناوشـو سـرد المهـار الاصيلـه=وتواعدوا فالمعركه قطـع الارقـاب
تعـرف مواقفهـم خـلاف الذبيلـه=لاجت من بيـن القبيلـه والاجنـاب
تطلـع مواقفهـم كـبـار وجليـلـه=تشهد بها الاجناب من قبل الاصحاب
ولهـم قبيلـه فالمـعـارك ثقيـلـه=يفرح بها المضيوم في حـزم كـلاب
عتبان اهل سمـر البيـوت الضليلـه=يامن بهم المطلوب من كـل طـلاب
اهل الكرم واهـل السلـوم الجميلـه=قومٍ لهـا صطـوه وهيبـه وتنهـاب
نعـم القبيلـه فـالامـور المهيـلـه=ونعم الزعامه لا غشا الزمل ضبضاب
وسلامتكم