لصار العطش واهل الرعيّة حلاحيل ..!!

[صقر نايف العتيبي]

تهيج الهواجس نوب في تالي اليل=وانزل بيوت القاف في منتداها.!!
لصار العطش واهل الرعيّة حلاحيل=وش خانة حلاحيل الرعيّة بماها.؟!

[حبيب العصيمي]

صح لسانك...

لاكن شروط القسم لازم الاسم الصريح..

تحياتي

[صقر نايف العتيبي]

لاهنـت ي حبيب ../ وانا امـس لعبت في هذا القسم ، ونزلت اسمي . مير مااشوف احد من المشرفين غيره ، يعني ماعلي شرهه وانا اخووك
كل الشـكر ..

الأسـم : صقر نايف العتيبي

[حبيب العصيمي]

تهيض الهواجس مارويش المحاصيل
لعلك توصلها ليا من تهاها


مدامك تقول اهل الرعيه رياجيل
رعيه وامنتها على من رعاها

[صقر نايف العتيبي]

على حسبة اهل الطيب يامواجة السيل=تغانم ثيابك لا تروح معاها
انا عارف اهل الطيب لصار تفضيل=لاكن البلا كلن (حسب) مستواها.!!

[عزوز النفيعي]

انا عارف اهل الطيب لصار تفضيـل

بيرق الشعر صح لسانك ولسان حبيب

لكن هذا الشطر قد يكون ضدك

[صقر نايف العتيبي]

لآء ، يامال الغنيمة .. ماهو بحولي ضنتي انك فهمت المعنى غــلط ..،
صـح بدنك ... وكل الشكر على المروور الطيب .. تحيتي ،،

[حبيب العصيمي]

وعلى حسبة اهل العرف ركابت الخيل

ماكل الشوارب تحتميها لحاها


ياليتك تحًـسب لليال المقابيل

على شان عينك ماتسبب عماها

[صقر نايف العتيبي]

الا ياحبيّب لاتوثق على القيل=مادام الحقايق مقبلة في سراها
الا ياخوي الدرب لايلحقك ميل=وخلك على الجرة ومشيت خطاها.!!

[حبيب العصيمي]

تبى تسوي الدله بليا معاميل
ولاكل من دور لحاجه لقاها


نصيحه لاتخطب من بنات المهابيل

تفشلك ويفشل بعدها نماها

[صقر نايف العتيبي]

مادام ابتلاك الحق .. لاتحط وتشيل=وفرق الذيابة عن سلقها .. عواها !!!
اثر راعي الطبع الردي لو لقى حيل=يعد العرب بأطباع شينة نباها..!!

[حبيب العصيمي]

اشوف العقارب مار ماتقرص اشعيل
بعيري ليا شاف العقارب وطاها


لياصار شوفك ماش ركب درابيل

لعلك تصيب الحاجه الي تباها

[صقر نايف العتيبي]

ليا شلت حبرن مايعّجزك تظليل=تمد الهروج ولا تلحق مداها.!
ليا شفت فرق الشوف فالصقر والفيل=عرفت الحقايق : يامناي ومناها

[صقر نايف العتيبي]

تشرفت ب المللعبة معك ي حبيب ، والخاتمة عندك .. إنة كان ودك بها

[حبيب العصيمي]

هقاوي ياماشالله توصلك لسهيل
وهقاوي تخيب هقوت الي هقاها

عتيبي ولانرضى علاك التهاويل

لكن الذيابه لاتروح عشاها

[حبيب العصيمي]

كل الشكر لك ... ولي الشرف العب معك

[الكاايد]

ولنا الشرف نتابع محاورة منتاز :)

صحت الالسنه وبيض الله وجيهكم


___

[صقر نايف العتيبي]

ولنا الشرف في مرورك العــطر .. صح بدنك وبيض الله وجهك ي الكايد

[عمير الثبيتي]

وفيتم وابدعتم شعراء لكم طابعكم الخاص محاورة كانت الندية وقوة البدع والرد

وجميل اللفظ والمعنى ---ابــــــــــــــــــــــــــــــــــــــد ا عــــــــــــــــــــــ

[محمد الذيابـــي]

طاروق من العيار فوق الثقيل



مشكورين

[حبيب العصيمي]

الله لايهينك يامحمد..

[صقر نايف العتيبي]

عمير الثبيتي : لك كل الشكر على المروور الأكثر من رائع ..، وهذا من طيب ذوقك .. { كل الشكر لشخصك الكريم } تحيتي ,,،
محمد الذيابي : الثقيل مرورك .، لك كل الشكر على مرورك المشرف لنا ...، لآ عدمناهـ
تحيتي ..،