محاورة النبهانيه حبيب العازمي ومحمد الربيقي

[الشخص العاقل]

هذه المحاورة بين الشاعرين الكبيرين / محمد بن عبيد الربيقي و حبيب العازمي في محافظة النبهانية

بتاريخ26/7/1432هـ .





مـحــمــد الـربـيــقــي

العتيبي قـام فـي تالـي زمانـه=ينظر السلمـان بالعيـن الكريمـه
و ان نشدته قال من بـاب الميانـه=مير صقر يقول له هـاذي قديمـه
حـبــيــب الـعــازمــي

العتيبي ضلع راسـي فـي مكانـه=مايشـد و تقعـد الدنيـا مقيـمـه
انت مدري صقر ما واحـد تكانـه=مار قبل الضيق ياطيب الخريمـه مـحــمــد الـربـيــقــي

اختلفـتـم و اتفقـتـوا بالديـانـه=كلكم تال الزمـان ابنـاء حليمـه
انت لا هالحين ماعنـدك حصانـه=يمكـن اول واحـدٍ يبـرم بريمـه حـبــيــب الـعــازمــي

كـان تجحدنـا بلاذمـه و امانـه=امنا ام المصطفى ماهـي عقيمـه
الجمل شقـران مايسحـب بطانـه=و الشداد اللي يطيح شـداد ريمـه مـحــمــد الـربـيــقــي

عقب ضموكم عـرب بالاستبانـه=واحـدٍ منكـم مكلـف بالتميـمـه
ياعتابـة بيتكـم عقـب ابنيـانـه=انطوى نصه على عرق الهشيمـه
حـبــيــب الـعــازمــي

ابـك حنـا ماربينـا بالحضانـه=الحضـانـة لليتـيـم و لليتيـمـه
يالربيقـي لاتعـيـد الاسطـوانـه=نقمع المجرم علـى قـد الجريمـه مـحــمــد الـربـيــقــي

روح للي قالهـا و اقطـع لسانـه=و ان سكت اعدها فوقـك هزيمـه
ان زعلت من الصحيح الدرب عانه=لاتسمي ظلم مـن كبـر الظليمـه

[برق شمالي]

ياسلاااام .. الربيقي شاعر قدير يستحق المتابعة

وحبيب عاد مايحتااااج مدرسة


شكرا لك الله يسلمك ويعطيك العافية:)

[الشخص العاقل]

شاكر لك يابرق شمالي




نتمنى من الأخوان ان تناقش بهذه المحاوره

[سلمان المرشدي]

العتيبي ضلع راسي في مكانـه مايشد و تقعـد الدنيـا مقيمـه
انت مدري صقر ما واحد تكانه مار قبل الضيق ياطيب الخريمه


ياسلام صح السنت الشعراء والله لايهينك

[مهجرس]

الله الله

ياسلام ياسلام

حقيقة انهم شعراء كبااااااااااار و الاستماع لمحاورتهم ممتع

[بن رفااع]

صح ألسنتهم

ولاهنت على النقل شكراً

[أحمد المويعزي]

الله الله على الابدااااااع ابو تركي وابو فيصل..

لكن ياشباب عندي وجهة نظر في بيت وأتمنى المناقشه بعيد عن العنصريه..

بيت أبو تركي..

اختلفتم واتفقتم بالديانه=كلكم تال الزمان أبناء"حليمه"

هل هي حليمه السعديه أم حليمه بولند..

[مهجرس]

الله الله على الابدااااااع ابو تركي وابو فيصل..

لكن ياشباب عندي وجهة نظر في بيت وأتمنى المناقشه بعيد عن العنصريه..

بيت أبو تركي..

اختلفتم واتفقتم بالديانه=كلكم تال الزمان أبناء"حليمه"

هل هي حليمه السعديه أم حليمه بولند..



صراحة انها محاورة قمة الابدااااااااااع بين شعراء كبار و رموز من رموز المحاورة

و اعتقد ان الشاعر محمد الربيقي سواها مقلب و مشت ع ابو فيصل

لأن ابو فيصل تبادر في ذهنه انها حليمة السعدية مرضعة الر سول صلى الله عليه و سلم
و الربيقي مقصده غير و الله اعلم بنيته

[فيصل بن فهد الجهني]

الله الله على الابدااااااع ابو تركي وابو فيصل..

لكن ياشباب عندي وجهة نظر في بيت وأتمنى المناقشه بعيد عن العنصريه..

بيت أبو تركي..

اختلفتم واتفقتم بالديانه=كلكم تال الزمان أبناء"حليمه"

هل هي حليمه السعديه أم حليمه بولند..




ما اعنقد انه مقلب


و لو فرضنا انه مقلب

ما طاف على حبيب

لأنه قال :

كـــان تـجـحـدنـا بــلاذمــه و امــانــه ... امنا ام المصطفى ماهي عقيمه


ومحاوره جميله .. و ابداع من الطرفين


لا هنت يا صاحبي على الموضوع

[برنس العتيبي]

«®°·.¸.•°°·.¸¸.•°°·.¸.•°®»الله الله محاوره قويه بين شعراء من عمالفة شبابه«®°·.¸.•°°·.¸¸.•°°·.¸.•°®»

[مرزوق الوذيناني]

صراحة انها محاورة قمة الابدااااااااااع بين شعراء كبار و رموز من رموز المحاورة

و اعتقد ان الشاعر محمد الربيقي سواها مقلب و مشت ع ابو فيصل

لأن ابو فيصل تبادر في ذهنه انها حليمة السعدية مرضعة الر سول صلى الله عليه و سلم
و الربيقي مقصده غير و الله اعلم بنيته

بالله عليك كيف عرفت المقلب ولاعرفت الرد

هذا

كـــان تـجـحـدنـا بــلاذمــه و امــانــه ... امنا ام المصطفى ماهي عقيمه


:confused:

[الجوراسي]

حركات بعض ردود الشباب

قال مقلب قال

ياطيب الخريمه بس

[برنس العتيبي]

ممكن بعد اذنك ابو فايح تحلل معنى المحاوره فيه ناس في المنتدى تتدعي العرف والفهم وانا بنظري مافيه غيرك يابن العم فاهم تحليل بدون اقصور بربعي وأبنا القبائل الاخرى

[محمد الذيابـــي]

طاروق رااااااااااائع


مشكور على النقل

[قاسي العتيبي]

الربيقي واضح إنه شاعر قوي مافيه شك يصرف شعر حقيقي
لكن أبو فيصل يجيد التعامل مع كل شاعر

[الحافي 1]

يا ويل مها مقلب وينه ووين المقالب ليته يمشي بدون مقالب

[ماجد الحبردي]

قال ايش قال مقلب
يااخوي ابو المقالب والتمريرات ابو فيصل مايمشي عليه شي عسى الله يخليه لنا
والربيقي شاعر مااقول فيه شي ونعم

[مهجرس]

ممكن بعد اذنك ابو فايح تحلل معنى المحاوره فيه ناس في المنتدى تتدعي العرف والفهم وانا بنظري مافيه غيرك يابن العم فاهم تحليل بدون اقصور بربعي وأبنا القبائل الاخرى


و الله انك اخترت رجال كفو يابرنس العتيبي