في تال الايام ياكثر الاقزام

[ابراهيم الحيسوني الحربي]

في تالي الايام ياكثــر الاقـــزام
اللي لها عن طايل الباع مــــيلـه
اضحكني اللي لاشروظ ولا احكام
في عصرنا الماضي شوير الحليله

[ناصر محمد الهاجري]

في تال الايام ياكثر الاحلام ## ولا يــــــــــــدل الدرب كود الدليله
لاتبتسم ثم نضحك امن التبسام ## هذا جزا كل امتشمت بغيله

[ابراهيم الحيسوني الحربي]

راس بليا ساس يوطى بالاقدام
لاواحليله ياعرب واحليله
اللي غطا بيته ملهم تلهام
لايحذف العالم ويسحب بذيله

[ولد منصور الابرق]

صحت لالسسسسن ياشعار


متابعين

[ناصر محمد الهاجري]

الراس فوق المتن ماجاله اخطام ## ياللي تشل الحمل مافيك حيله
انته بغيت الشرق مدري تبا الشام##ولا تبا تشـــــعل بروس الفتيله

[ابراهيم الحيسوني الحربي]

دايم ترا اللي مثل شرواك ينظام
يقفي ويقبل والحموله ثقيله


انا ترا مقدام وابوي مقدام
ماني سواة اللي يدينه كليله

[ناصر محمد الهاجري]

العز جانا من بعد دين الاســــلام ## والجهل فيه الذل وانته خليله
قد راح يابن الناس من قبل صدام ## وانته على جرته وعيله بعيله

[ابراهيم الحيسوني الحربي]

العز بالله والردي يكعم اكعام
ماتاخذ الهزله مكان الجزيله
ياللي نقضت العهد من سابق العام
اليوم اشوفك كل برق تخيله

[ناصر محمد الهاجري]

حنا غزينا عالعجم ويالاروام ## وانتـــــــم غزيتوا ياقبيله قبيله
ترا النور تسكن وتسمن من الشام ## اللي يعاملهم يلاقي عمـــــيله

[ابراهيم الحيسوني الحربي]

انتم غزيتم وانتصر كيد الاخصام
اللي حدوكم للردا والفشيله

ترا النور ربعك ياقطاع الارحام
وانا عميل الطيب مابغى بديله

[ناصر محمد الهاجري]

ياللي تجيب العلم عن بطن الارحام ##علمني ويش اللي في بطن الجميله
حكمت بالتسعه وضيعت الاحـــــكام ## وكليب بين الحـــــــكم وبين الجليله

[ابراهيم الحيسوني الحربي]

اثر ولد هاجر عرف زرع الالغام
مدري لو ألغامه تعود وتشيله

انا شريت بصن مالي بالاحكام
وكليب معشوق الرموش الضليله

[ناصر محمد الهاجري]

ليت الموذيع اللي برز وسط الاعلام ## عقب لنا وسط المحطه بديله
ياصاحبي من طاح فالحرب ماقام ## جهزدروعك والسيوف الصقيله

[ناصر محمد الهاجري]

مشكور يالحربي ولاهنت ولو جاء الرد متاخر لضروف

[ابراهيم الحيسوني الحربي]

ترا المذيع اكبر من كتابة اقلام
وانته ماشفتك لين عدو رحيله

انا معي سيفي ومتحيزم حزام
وانته مغير يديك تحت الكحيله

[ابراهيم الحيسوني الحربي]

العفو يالهاجري وسعدت باللعب معك

[أخو جوزا]

صحت الســـــــــــنتكم

[ولدشبابة]

بيض الله وجيهكم على هالمحاورة