الطارف سديد

[ناصر محمد الهاجري]

سلامي ياهل الملعبه من هاجسن جزل العطا ## يعطي ومن هو يجحده يكويه كيه جايده
وش ذالبطا ياربعنا قلولي ياوش ذالبـــــــــــطا ## حنا نبي طيح الثـــــــــــمر لا ميلت جرايده

[محمد الذيابـــي]

صح لسانك ياناصر وصح لسان قبيلك مقدما

[فلاح الواهبي الشهراني]

يامرحبا في حلة اللي ما يريدون الخطا***واشوف ابن هاجر هذا اليومه علومه زايده
سرا المعاني والله الله ياصحيبي في الغطا****ترا الدروب اوساع والوقفات يمكن كايده

[محمد الذيابـــي]

صح لسانك يافلاح

[ماجد العصيمي]

فكلك الله يالهاجري برد الشهراني


لكن الجايات اكثر واكثر

[فلاح الواهبي الشهراني]

ولسانك يامحمد

ومالك هم يالعصيمي الرجال في وصايتي

[ناصر محمد الهاجري]

فلاح لو يكشخ ويطنخ والشعر متمشطا ## يمكنه يحي كان مر اهل العظام البايده
الحر يطلع للحباري مير عـــــين له قطا ## اقولها واللي سواتك يدري انها سايده

[ناصر محمد الهاجري]

صح بدنكم جميع ويالعصيمي مصير الحي بيتلاقا

[فلاح الواهبي الشهراني]

الله من يحي العضام احذر لا لا تتورطا=وناصر يعايد ربعه اليومه وهي اتعايده
ترا الشنب يا الهاجري ماهو صحيب الامرطا=وبعض العرب ما اقدمه على صحون المايده

[ناصر محمد الهاجري]

انا اقصد الشيبان ماني باقصد المتبنطا ## لكن اخذها درس يابن الناس لجل الفايده
ياليت مثلك يقتدي بالضلع ويكب الوطا ## حتى تشوف اللي بعاد امن النواضر نايده

[فلاح الواهبي الشهراني]

انته تبا ترقع ثياب(ن) شقها متوسطا=ياليت بعض الناس عن بعض العلوم امحايده
ياليت مثلك يذبح ويتعلق ويتحنطا=يشوف نفسه في السما واهوه على وسايده

[ناصر محمد الهاجري]

0انته تصلي مير يابن لناس لا تتمخطا ## تبغيه يقطع في صلاته مير منت بكايده
انا بعلق رجلك وبدلي راسك والشطا ## حتى ليا شافوك محدن يهمل ابعـــــوايده

[فلاح الواهبي الشهراني]

نبا نخليها على قولت مناحي زحلطا=الاوله والثانية ياضعفها قصايده
يمكن يجي للهاجري جلطه من المهايطا=ودي من الملعب بسرعه يحتمل شدايده

صح لسانك يالهاجري والى اللقاء

[ناصر محمد الهاجري]

بنت العرب تال الزمن تلبس لباس امزلطا ## من عقب ماغنوا بحشمتها الشعر روايده
انتوا بني شهران زراعه وحن اهل المطا ## انتم على الجاموس والناموس غيرك قايده

[ناصر محمد الهاجري]

صح بدنك وماتشوف شر

[فلاح الواهبي الشهراني]

كنت اتمنى ان تترفع عن بعض الالفاظ ؟؟؟؟