والله مجلس وأنت منته بموجود؟؟

[ونيس الليل]

والله مجلس وأنت مـنـتـه بموجــــود

وشلــون يهناني جـــلــوسي بدونك

يلي غلاك بداخل القلــب مــمــــدود

غلآيـســـــرك مايخيب ظـــنـــونـــك

أسهر على فرقاك بااليالي السود

وأنته بحلو النوم نامــت عـــيــــونك

جسمي نحف ياصاحبي كنه العود

أرقب مجــيـك ياعسى الله يصونك

هاذي ثلاث اشهور مرت على زود

ولاهان قلبي والمشاعر يـبــونــك

الوقت يمشي والعمر ماله أحدود

دنيا العنا ماعاد تصــلــح فــنــونـك

ظمنت في حبي لك وعندي شهود

لو كان ناســــي قـــادرآ يــذكرونك

[سلمان المرشدي]

صح لسانك قصيده رائعه والله لايهينك




اخوك سلمان الروقي

[محمد الذيابـــي]

صح لسااااااااااانه

[(محمد الدلبحي)]

صح لسانك وبيض الله وجهك



القصيده اجمل من الرائعه



اخوك/ محمد الدلبحي

[ونيس الليل]

بيض الله وجيهكم على المرور

يشرفني وجودكم