سؤالي للشعراء ومتذوقي الشعر؟

[محمد الذيابـــي]

الاخوة الاعضاء والشعراء

كما تعلمون انتشرت هواية شيلة القصيده بصوت شاعرها او الاستعانه بمنشد


وتجد ذلك في الامسيات والامسيات الزواجيه بشكل أكثر






لكن سؤالي للجميع :


هل الشيله تساعد في انتشار القصيده ام تغطي من عيوب القصيده وركاكتها بالصوت الجميل؟



وقد سئل الشاعر ضيدان عن الشيلات وقال انها تقلل من شأن القصيدة



اتمنى مشاركة الاخوه الاعضاء للايضاح بهذا الشأن

ودمتم

[عبدالمجيد النفيعي]

أعتقد الشيلة وأنا أخوك أداء معروف للقصيدة وتختلف آراء الجمهور حسب الصوت واللحن وقد بعض القصائد يفضل مستمع سماعها بدون شيلة ومستمع آخر يفضلها بشيلة ومستمع آخر يفضلها بشيلة لحنها يختلف

[محمد ابن رووق]

اتوقع على حسب الشيله والاداء وهل تركب مع الكلمات

بعض القصايد حزينه والشيله سريعه ماتجي


بالنسبه لي قله من الشعار الي يمتلكون الالقاء المميز الذي يمتلكه ضيدان بن قضعان

فقصايد ضيدان احبها بصوته اكثر من الشيله

[محمد الذيابـــي]

أعتقد الشيلة وأنا أخوك أداء معروف للقصيدة وتختلف آراء الجمهور حسب الصوت واللحن وقد بعض القصائد يفضل مستمع سماعها بدون شيلة ومستمع آخر يفضلها بشيلة ومستمع آخر يفضلها بشيلة لحنها يختلف



اشكر مرورك ياعبدالمجيد لكن هل تقلل من شأن القصيدة ام لا

[محمد الذيابـــي]

اتوقع على حسب الشيله والاداء وهل تركب مع الكلمات

بعض القصايد حزينه والشيله سريعه ماتجي


بالنسبه لي قله من الشعار الي يمتلكون الالقاء المميز الذي يمتلكه ضيدان بن قضعان

فقصايد ضيدان احبها بصوته اكثر من الشيله



اشكرك يابن روق لكن هل تقلل من شأن القصيدة والا تساعد على انتشارها

[محمد ابن رووق]

اشكرك يابن روق لكن هل تقلل من شأن القصيدة والا تساعد على انتشارها

بالعكس تساعد كثير


عندك سعد بن جدلان ماودك يهل قصيده يبلع الحروف بلع

بينما لو جاب شيله تحس فيها والامثله كثر

[محمد الذيابـــي]

بالعكس تساعد كثير


عندك سعد بن جدلان ماودك يهل قصيده يبلع الحروف بلع

بينما لو جاب شيله تحس فيها والامثله كثر



رايك محل التقدير والاحترام لاهنت

[سعد الرويس العتيبي]

في نظري انه يزيد القصيده روعه بشرط الصوت والحن يتناسق مع معاني القصيده


شكرا لك

[عبدالمجيد النفيعي]

الألقاء نصف القصيدة والشيلات وسيلة من وسائل إلقاء القصائد لانحكم بمجملها تقلل او تضيف بل على حسب المؤدي وتقبل المستمع ، وصلت الصورة :)

[محمد الذيابـــي]

في نظري انه يزيد القصيده روعه بشرط الصوت والحن يتناسق مع معاني القصيده


شكرا لك





لاهنت ياسعد رايك طيّب

[محمد الذيابـــي]

الألقاء نصف القصيدة والشيلات وسيلة من وسائل إلقاء القصائد لانحكم بمجملها تقلل او تضيف بل على حسب المؤدي وتقبل المستمع ، وصلت الصورة :)



طيب القصيدة قليلة المستوى اذا شيلت شيله بصوت جميل صار التركيز على اللحن والاصوت دون التمعن في ابيات القصيده

[عبدالمجيد النفيعي]

طيب القصيدة قليلة المستوى اذا شيلت شيله بصوت جميل صار التركيز على اللحن والاصوت دون التمعن في ابيات القصيده

الإلقاء الجيّد وأنا أخوك يحسن القصيدة عند المستمع بشيلة أو غير ومقيولة الإلقاء نصف القصيدة :)

[سلمان المرشدي]

اول الشكرك علئ الموضوع

بنسبه لي في نظري ان الشيله تختلف من شاعر الئ اخر فبعض الشعراء ودك تسمع منه سرد بدون شيله علئ سبيل المثال الشاعر خالد الدعجاني و سهل الكسر والبعض الاخر ودك بشيله مثل حبيب العازمي كذالك اعتقد ان الشيله لاتنقص ولاتزيد فالقصيده الشعر الزين يفرض نفسه

[محمد الذيابـــي]

ابو عدي مشكوووووووووور

[خالد المشاط]

بالعكس تساعد على انتشار القصيده بين الناس وتخفي عيوب القصيده مثل الكسور

[سلمان المرشدي]

بالعكس تساعد على انتشار القصيده بين الناس وتخفي عيوب القصيده مثل الكسور

اعتقد ان الشيله هي اكبر فاضح للكسور لان البيت المكسور اذا لحنته بان كسره ياخوي المشيط

[سلطان البقمي]

موضوع جميل جداً بالنسبه لشيله انا اقول ماكل قصيده تمشي مع الشيله



اكثر القصايد بنسبة 95 % لا تصلح بشيله وذكر مره وقفت عند استريو



وطلبت شريط ابن جدلان ولما شغلت الشريط إلا اغلبه شيله والحقيقه رفع ضغطي



وكرهة القصيده وكان السبب المنشد بدل ما تكون القصيده سلسله ومفرده


جميله كان صوته عليها ولحنه ممل افقدك المتعه في النص


وعطيك مثال على القصيده اللي تمشي مع اللحن إذا توفر منشد رائع


والحقيقه هذه القصيده جميله جداً وانا كنت ابحث عنها فتره طويله حتى

سمعتها في قناة الصحراء وهي..


(يالمؤر اخذ خانة الخامس من اليمنا ) هذه القصيده تؤفقت بمنشد جميل وهي


اجمل ... هذه مثال لبعض القصايد التي تمشي مع اللحن لذالك اقول قليل جداً


اللي يمشي مع اللحن والعكس فيه قصايد مثل ماذكرت اللحن يفقدك جمالها




تحياتي لك

[محمد الذيابـــي]

كلام سليم ياسلطان اتفق معك

[محمد@الجعيد]

اولا تساعد في انتشار القصيده

ثانيا تغطي من عيوب القصيده المعابه

هذه ايجابياتها

لكن سلبياتها في المجالس ليست مرغوبه ومالها متلقي جيد او منصت

[محمد الذيابـــي]

رايك محل التقدير يالسمي

[زعيم المراجل]

ترفع قيمة القصيده الشعريه وتحسس معانيها بوضوح (صوت وصوره)

هذا رأيي ,,بشرط اختيار اللحن الأنسب والشيله توضح اذا كان هناك خلل في الوزن ايضا,,

[محمد الذيابـــي]

راي طيب يازعيم المراجل

[عـقـــــــــــاب]

في البدايه احب اقول يعجبني فيك اخوي محمد الذيابي طرحك للمواضيع المميزه الله يعطيـك العااافـييه

بالنسبه الى المشير اليه في اول الصفحه من اعتقادي ومن وجهة نظري وقد يوافق كلام بعض الاخوان

وهـو ان الشيله او الشله تعطي القصيده حق الاستماع فهي كاللباس ان كان حسن يود الناظر ان

يتمعن في الشكل على مُهل وان كان عكس ذلك فلا يتردد من الانفعال السلبي وابداء رأيه بسب هذا

اللبس حتى انه يعيفه بلابس هذا القماش وان كان حسن المنظر الا ان كان جماله فارض نفسه بقوه

فالقصيده ان كانت عاديه وكانت الشله جميله وتشد اذن السامع بنبرات الصوت الجذابه تاخذ حقها في

الانتشار بين محبي تلك الشيله الجميله, و احيان تكون الشله رديئه في اذن السامع على حسب ذوقه

وان كانت القصيده ماهيب شينه الا ان المنشد قد اصاب السامع بالملل وعيفه فيها الا ان كانت القصيده

جزله و فارض بادعها جزالتها بشهادة المتلقي لهذا الشاعر و قصيده المشتهر بالجزاله فانها راح تنتشر

وتلقى من يشلها من المنشدين بشلات عدّه.

تحيتي تقبلها ومروري ياذيبان

[محمد الذيابـــي]

في البدايه احب اقول يعجبني فيك اخوي محمد الذيابي طرحك للمواضيع المميزه الله يعطيـك العااافـييه

بالنسبه الى المشير اليه في اول الصفحه من اعتقادي ومن وجهة نظري وقد يوافق كلام بعض الاخوان

وهـو ان الشيله او الشله تعطي القصيده حق الاستماع فهي كاللباس ان كان حسن يود الناظر ان

يتمعن في الشكل على مُهل وان كان عكس ذلك فلا يتردد من الانفعال السلبي وابداء رأيه بسب هذا

اللبس حتى انه يعيفه بلابس هذا القماش وان كان حسن المنظر الا ان كان جماله فارض نفسه بقوه

فالقصيده ان كانت عاديه وكانت الشله جميله وتشد اذن السامع بنبرات الصوت الجذابه تاخذ حقها في

الانتشار بين محبي تلك الشيله الجميله, و احيان تكون الشله رديئه في اذن السامع على حسب ذوقه

وان كانت القصيده ماهيب شينه الا ان المنشد قد اصاب السامع بالملل وعيفه فيها الا ان كانت القصيده

جزله و فارض بادعها جزالتها بشهادة المتلقي لهذا الشاعر و قصيده المشتهر بالجزاله فانها راح تنتشر

وتلقى من يشلها من المنشدين بشلات عدّه.

تحيتي تقبلها ومروري ياذيبان





مشكور ياخوي عقاب