فك عمرك يا معقل

[فتى العتبان]

استلم يابطل


سلام يا عتابه .. من القلب منطوق ..سلام ياعتابه = لطامة العايل..وذباحة الحيل..لطامة العايل

يامعقل اقرابه.. وش الراى ياذوق..يمعقل اقرابه= لاقال لك قايل..ترا الناس بالسيل..لاقال لك قايل

[محمد الرشيدي]

عاااااش فتى العتبان

وطاروق محمس بصراحة

وانا ودي ارد عليك بس اخاف اني اكون قطيت وجهي

وعاااااااااااااااااااش فتى العتبان

[مرزوق حمدان العتيبي]

صح لسانك يافتى...
مبدا رائع وننتظر معقل المجانين ...
وصلوا والله يقويكم ...
تحياتي

[فتى العتبان]

محمد الرشيدى------ مرزوق العتيبي

سلام الله

وارحبوووا يارجال

هذا من ذووووقكم ---واتمنى ان تكون مثل ماتتمنونه

معقل المجانيين وشاعر كبير ويشرفنى اللعب معه

[معقل المجانين]

استلم لاهنت يافتى العتبان والنعم


هــــلاوحــيـابــه ,, على كل طاروق ,, هـــلاوحــــيابه @@ والقـيـل والقايـل ,, وكثرالاقاويل ,, والقـيـل والقايل

من يفـتل اشنابه ,, يـلدالنـظـرفــوق ,, من يفتل اشنابه @@ واحضك المايل ,, وليلك بعد ليل ,, واحضك المايل

[معقل المجانين]

مرحباء مليون بكل من حضر وشرفنا

تقديري للجميع

[فتى العتبان]

استلم

يامعقل المجانين


يبقى بترحابه ..وعينى على السوق...يبقى بترحابه = ون حال بنحايل..ولافيه تسهيل..ون حال بنحايل

أعقالك اولابه..علا ايداك موثوق..اعقالك اولابه= وشهار فى حايل ..ندزك مراسيل..وشهار فى حايل

[معقل المجانين]

استلم يافتى العتبان
للخيل ركابه ,, وسابق ومسبوق ,, للخيل ركــابه @@ فالموقف الهايل ,, ووقـت التهاويل ,, فالـموقــف الـهايل

عقالي ادرابه ,, ولاكذب ولابوق ,, عقالي ادرابه @@ ماسمع من الفايل ,, ولاغلط ولافيل ,, ماسمع من الفايل

[فتى العتبان]

استلم يامعقل المجانين


احصانك ازلابه ..يلقمك خازوق..احصانك ازلابه = واحصانى الصايل..له صهيل وصهيل ..احصانى الصايل

ونته كما الطابه..وبا سوقها سوق.انته كما الطابه = حتى انك تخايل..من الصين للنيل ..حتى انك خايل

[معقل المجانين]

استلم ,, استلم



فالــك تـمـسـابــه ,, ولن طعتني روق ,, فالك تــمسـابه @@ متحمل وشايل ,, مدرب على الشيل ,, متحمل وشايل

مالك معي جابه ,, يابولبس مفـتوق ,, مالك معي جابه @@ والكيل والكايل ,, وحسابت الكـــيل ,, والكيل والكايل

[فتى العتبان]

هههههههههههههههههه

طيب طيب

شد حزامك


حلياك متشابه ..معه وانت مخنوق ..حلياك متشابه = شرك ترا زايل..ترمّييك ابابييل ..شرك ترا زايل

يوجعك مشعابه..وشاربك محلوق..يوجعك مشعابه = نكتال فىمحايل

..وخشمك كما الفيل ..نكتال فى محايل

[معقل المجانين]

الشاعر المحترم / فتى العتبان
بيض الله وجهك وماقصرت

تحياتي للجميع

[داهية عتيبة]

تشكرون على العب والتميز

تحياتي

[الفراهيدي]

بيض الله وجيهكم

وصح لسانك يا فتى العتبان

وصح لسانك معقل المجانين

[فتى العتبان]

الخصم الشرس / معقل المجانين

صح لسانك

ويعلم الله انى استمتعت باللعب معك واستفدت منكم

بدون قصور فى احد

الاخ داهية عتابه

التميز هو وجودك معنا الله لايخلينا منك ومن عتابه

الاخ الفراهيدى

لاخلا ولاعدم

على هالحضور والمشاركة

وهاذى اخر محاورة لى هنا ان شاء الله