ماهو البيت اللي تردده لا ضاق صدرك؟ [الأرشيف] - الهيـــــــــــــلا *** منتدى قبيلة عتيبة

محمد الذيابـــي

19-Jun-2011, 12:12 AM

وش البيت اللي تردده لاضاق صدرك..!

ماهو بيت الشعر الذي ترددونه اذا ضاقت صدوركم !!

هذه فكرة قد يكون سبقني لها كثير وحبيت أن أضيفها لمنتدانا الحبيب
ليساهم الجميع في إتحافنا بما يدور في خواطرهم من أشعار ومقولات
تحكي حالهم الذي يمرون به وخصوصاً لآ صارت صدورهم ضايقة

وابدأ

وجودي عليها وجد عفراً تجــر حوار=ذبحها الظما مابين سفوات والبره

ارجو مشاركة جميع الاعضاء

ولكم شكري وتقديري،،،،

غالب الذيابي

19-Jun-2011, 12:30 AM

:
:
:
:

يارب طالبك توفيقك وعافيتك =وتيّّسر امري ،، وتغفر لي،، وترحمني
رفعت يدي وسبحتك وناجيتك=ماغيرك اللي يقديني ويلهمني
أدعيك وآنا ميّمم وجهي لـ بيتك=من عثرة أقدام رجليني تقوّمني

أخو جوزا

19-Jun-2011, 12:35 AM

افكارك كلها طيبه ياولد ذايب

وذكر الله هو الى يشرح الصدر

محمد الذيابـــي

19-Jun-2011, 12:46 AM

:
:
:
:

يارب طالبك توفيقك وعافيتك =وتيّّسر امري ،، وتغفر لي،، وترحمني
رفعت يدي وسبحتك وناجيتك=ماغيرك اللي يقديني ويلهمني
أدعيك وآنا ميّمم وجهي لـ بيتك=من عثرة أقدام رجليني تقوّمني

مشكور ياغالب

محمد الذيابـــي

19-Jun-2011, 12:47 AM

افكارك كلها طيبه ياولد ذايب

وذكر الله هو الى يشرح الصدر

صدقت يا أخو جوزا

الله يوفقك يالغالي

محمد الذيابـــي

19-Jun-2011, 12:56 AM

ياصدري اللي من الضيقه تقوم وتطيح =تكفى اقهر العاذلين بضيقتك وابتسم
عطني طرب غصب عن كف الزمان الشحيح =وانا باواعدك واعاهدك واقسم قسم
لعطيك رجلٍ ليا منه وقف ما يزيح =لو تقسم صفوف خلق الله ما ينقسم

عزارم

19-Jun-2011, 01:17 AM

الله من قلب همومه تحوفه‏‏
حوفة ونيت يوم راعيه سراه

فيصل بن فهد الجهني

19-Jun-2011, 01:22 AM

لا تلوم النوارس يوم شح الخليج = ما بقى بالسواحل ما يشد الظهر

غالب الذيابي

19-Jun-2011, 01:30 AM

:
:
:

لاتجود بالرموث من الحبالي = مايقطعك البحر غير السفينة

عبد المعين بن ثعلي

فيصل بن فهد الجهني

19-Jun-2011, 01:59 AM

ثاقب و الاحظ تفاصيل التفاصيل = كن البشر عُري و عيوني مرايات

ابو ضيف الله

19-Jun-2011, 02:23 AM

والله انا كنت اردد بيت متنبي عتيبه المشهور:

يا مال قلباً كل ما مات همه = دارت دواليب الدهر لين تحييه

وكذلك الشطر الثاني من بيت ابو الطيب المتنبي:

وصرت اذا أصابتني سهام =تكسرت النصال على النصال

ولكن يا اخوان استبدلت هذه الابيات بما هو خير منها وهو دعاء الكرب
فقد كان الرسول صلى الله عليه وسلم يقول عند الكرب: "الله ربي لا اشرك به شيئا"
وكان ايضاً ينظر إلى السماء ويقول: "سبحان ربي العظيم"

وغيرها من الادعية التي لا احفظها ولكن ارجع إلى كتيبات الاذكار واقرائها

محمد الذيابـــي

19-Jun-2011, 02:27 AM

لا ضاقت الدنيا عليك وتشاويت =خلق الله اللي في الرخا كان واجد
ومن العرب والصوت والثوب مليت =وقامت عليك اهموم بقعا تراجد
فارافع يديك لخالقك لا توضيت= وادعو تراك اقرب الى صرت ساجد

محمد بن فطيس

محمد الذيابـــي

19-Jun-2011, 03:59 AM

تضيـــق بي الدنيا بكبرها من معابيس الوجيه=وهذاك لامنه تبـسـم شفت للدنيا طرف

سعد بن علوش

محمد الذيابـــي

19-Jun-2011, 05:44 PM

ياضيقة الصدر وش تبغين من صدري =سيفك علامك على صـدري تسلينـه

محمد الذيابـــي

20-Jun-2011, 06:24 AM

الا يالهبوب البارده عجلي هبي=على جاش من قامت هواجيسه تلوبه

سعد بن جدلان

غالب الذيابي

20-Jun-2011, 02:13 PM

:
:
:
:

ياليتني لاطحت ، لاطحت ، لاطحت ........................ ماطيح عند اللي يسره مطيحي

:
:
:
:

محمد الذيابـــي

22-Jun-2011, 06:15 PM

انا ضاق صدري وانكسر خاطري ياحمود=خطيرٍ على أجلي واكب السعوديه

فهد العازمي العتيبي

23-Jun-2011, 02:19 AM

..

اسهر الى نامت عيون الهداريس.............بالليل أساهر ساهرات النجومي

طلال ناشي

23-Jun-2011, 03:02 AM

عليه قلبي يقول بكل وجدانه = ياليت الايام يا غازي تجينيبه

ــــــــــــــــــــــــــــــــــــــــــــــــــ

شقير الجذع

عزارم

23-Jun-2011, 04:26 AM

يـاقلـب هـود واطـرد الهـم بالنجـم ------------------- الافـراج مـن عنـد الولـي مرتجينـها

الامـــــــــــــــــــير / تركـــــــــــــــــــي بن حميـــــــــــــــــــــــــد

محمد الذيابـــي

23-Jun-2011, 06:00 AM

خلقت بالدنيا وانا مامعي شي=واروح منها مامعي شي منها

عاشق الطاروق

23-Jun-2011, 06:19 AM

ودنا بالطيب مير الدهر جحاد طيب ''''''' كل ماتخلص مع الناس كنك تغشها

يدك لمدت وفاء لاتحرى وش تجيب '''''''''' كان جاتك سالمة حب يدك وخشها

الشاعر/ سعد ابن جدلان

محمد الذيابـــي

23-Jun-2011, 06:42 PM

ياضيقة الـــصدر بالله لاتمليني=فيه من الضيق مانفسي معذبها

صقر نايف العتيبي

23-Jun-2011, 07:43 PM

أجامل الخاطر : واقول له هآنت=هآنت وطول الصبر ، كفى ولا هان

محمد الذيابـــي

24-Jun-2011, 07:37 AM

صح لسااااااااااااانه

محمد الذيابـــي

26-Jun-2011, 05:47 PM

ليتك تشوف القاهرة يالذيابي=وتشوف من يمشي على شاطي النيل
نقا العضياني

مجول بن جلال المقاطي

26-Jun-2011, 11:10 PM

اخير منها ركعتينن بالاسحار = لاطاب نوم اللي حياته خسارة

عزارم

27-Jun-2011, 01:02 AM

غزل :-

ليا ناحرت والثوب عن صدرها مكشوف=حَمَار النحر ماتفرقه من قلايدها

عزارم

27-Jun-2011, 01:32 AM

يامل قلب يلوعه طاري الفرقا= كما يلوع الحمام الورق شيهانه

عزارم

27-Jun-2011, 01:36 AM

قالوا تزوج كود تدله وتنساه=قلت آه لو خذت اربعٍ مانسيته

محمد الذيابـــي

29-Jun-2011, 08:53 AM

صح لسااااااااااااااااانه

عزارم

29-Jun-2011, 05:25 PM

وصح بدنك يامحمد

مايذبح الرجال ضدٍ من ابعيد=الموت وان جت ضدته من سنيده

حمود الشاطري

العقاب الناوي

30-Jun-2011, 12:30 AM

السلام عليكم ورحمة الله

اولا شكرا يامحمد على هذا الطرح المميز

والبيت اللي اردده هههههههههه بدون مجامله

ياواد قلي وش القصه=سيب الهم واحكي لي

@ـايل

30-Jun-2011, 01:09 AM

الله من عين طرقها صواديف=عميت ويبسن العروق الصخافي.
شفت الوزابالعين من عرض ماشيف=شفته وغيري من فطن له وشافي.
وقت تغير فيه حتى العواصيف=جافي عواصيف الرياح اختلافي

لـ بندر بن سرور رحمه الله

شكرا على الموضوع

..

..

ܓܨ عبدالله البرقاويܓܨ

30-Jun-2011, 01:16 AM

ياطير يا طير ياطير السعد يا للـي تـرف الجنـاح=لا واهنيـك ليـا ضاقـت عليـك الأرض خليتـهـا
وإن رحت وإن جيت ياطير السعد تسبق هبوب الرياح=وأظن ما فيه ديره فوق وجـه الأرض مـا جيتهـا

العقاب الناوي

01-Jul-2011, 03:59 AM

كفايه لاتعــذب, شــوف حــالي=نحيـل الحـال من طيفـــك يا غالي
توجـدنا علـى شـوفــك ولكـــن=كسبنا اليأس, لي شوفك محالي fresh

تقبلوا تحياتي

زعيم المراجل

01-Jul-2011, 04:14 AM

لاضاق صدري ركبت مبعد الضيقه *** كنه ليا فز يدري وش مضايقني

للشيخ الشاعر فيحان بن سلطان الشغار

محمد الذيابـــي

01-Jul-2011, 07:41 AM

لاضاق صدري ركبت مبعد الضيقه *** كنه ليا فز يدري وش مضايقني

للشيخ الشاعر فيحان بن سلطان الشغار

الله الله الله

عز الله انه بيت القصيد

محمد@الجعيد

01-Jul-2011, 07:58 AM

دائما مواضيعك جميله اشكرك على هذا الموضوع

هذا البيت اردده دائما لاضاق صدري وهو مذكور في احدى قصائد الشاعر نوار الجعيد (رحمه الله ).انفك من العيات بنصاف مالك=وان عيت العيات بالمال كله

محمد الذيابـــي

01-Jul-2011, 08:43 AM

عزارم

03-Jul-2011, 01:17 AM

لا هنت يالجعيد

بيت حكمه ير دده الكبير على الصغير وان كان مايعرف قائله

انتشر في انحاء الجزيره

الله يرحم قايل القصيده

تقبل تحياتي ياطيب

عزارم

03-Jul-2011, 01:21 AM

بيت قاله حسني مبارك

عقب المعزه قيل ذلك غشاكا=اليوم ياحسني قصرنا لك القيد
وقاموا علينا الشامتينا اضحاكا=وصرنا نسحب والخلايق شواهيد

محمد@الجعيد

03-Jul-2011, 01:44 AM

لا هنت يالجعيد

بيت حكمه ير دده الكبير على الصغير وان كان مايعرف قائله

انتشر في انحاء الجزيره

الله يرحم قايل القصيده

تقبل تحياتي ياطيب

وانا اخوك البيت مذكور في قصيدة نوار الجعيد رحمه الله وهو بيت مشهور وانا لادري هل ذكر قبل ان يذكره ولا بعد ماذكره لكنه موجود في احدى قصائده وهي قصيده قديمه

بن رفااع

03-Jul-2011, 01:50 AM

ياضميري لايهمك من الدنيا هموم

الصعيبه حلها والبسيطه عدها

محمد الذيابـــي

04-Jul-2011, 03:48 AM

ياضميري لايهمك من الدنيا هموم

الصعيبه حلها والبسيطه عدها

الله الله الله

مشكوووووووور

عـقـــــــــــاب

05-Jul-2011, 02:17 AM

بيت قاله حسني مبارك

عقب المعزه قيل ذلك غشاكا=اليوم ياحسني قصرنا لك القيد
وقاموا علينا الشامتينا اضحاكا=وصرنا نسحب والخلايق شواهيد

بري حااااااااااااااااالي

محمد الذيابـــي

08-Jul-2011, 12:10 AM

مشكورين ع المرور جميعا

عـقـــــــــــاب

08-Jul-2011, 12:43 AM

مشكورين ع المرور جميعا

العفو بالنيابه

وهذا من جذب موضوعك الناجح ياناجح

محمد الذيابـــي

09-Jul-2011, 05:59 AM

لاهنت ياعقاب

اشكر مرورك الدائم الذي لايزيدني الا شرفا

محمد الذيابـــي

23-Jul-2011, 05:11 AM

بالصدر ضيقه ونوم العين هملاجـه
عيني من العام والسهـر متولجهـا

محمد الذيابـــي

28-Jul-2011, 07:09 PM

أنا ليا ضاقت علـي المساعـي=أشكي على راع العطايا الجزيلـه

مصلح بن عياد الشلوي

حد الرهيّف

28-Jul-2011, 07:11 PM

لاهنت أخي محمد على الفكره

(((ول لا عادت طواريك ياليل الهجاد...من هنا كنت أحتريها وجتني من هنا))) مساعد الرشيدي.

متعب الند

29-Jul-2011, 05:47 PM

بعد التحيه ..... اخوي محمد البيوت التاليه اكثر مايمرني خصوصاً وقت التفكير في الموضؤع الهام

....لسالم الزير

ان دارة رحانا مع رحاهم ...........طحناهم وصرنا الطاحنينا

....لشاعر عبد الله بن عون...

يالله يالي بيدك الضيق وفراجه...........يخالق الخلق يقاضي حوايجها

لشاعر محدى الهبداني..

نجدن يجزي عن عشاها غثاها...لوهي مقر ابليس في ماض الاذكار

نركض من صاد الجراده شواها ....ولنار من عقب من ا لمال دينار

لبن رشيد محمد..

اظرب على الكايد الياكنت بحلان.......وعند الولي وصل الرشاء ونقطاعه..

عيباً خفاض الصوت من عقب مابان.......وعيباً طمان الراس عقب الرتفاعه....

وتقبل خالص تحياتي

محمد الذيابـــي

31-Jul-2011, 01:16 AM

لاهنت أخي محمد على الفكره

(((ول لا عادت طواريك ياليل الهجاد...من هنا كنت أحتريها وجتني من هنا))) مساعد الرشيدي.

لاهنت على التشريف يالحد الرهيف

محمد الذيابـــي

31-Jul-2011, 01:17 AM

بعد التحيه ..... اخوي محمد البيوت التاليه اكثر مايمرني خصوصاً وقت التفكير في الموضؤع الهام

....لسالم الزير

ان دارة رحانا مع رحاهم ...........طحناهم وصرنا الطاحنينا

....لشاعر عبد الله بن عون...

يالله يالي بيدك الضيق وفراجه...........يخالق الخلق يقاضي حوايجها

لشاعر محدى الهبداني..

نجدن يجزي عن عشاها غثاها...لوهي مقر ابليس في

نركض من صاد الجراده شواها ....ولنار من عقب من ا لمال دينار

لبن رشيد محمد..

اظرب على الكايد الياكنت بحلان.......وعند الولي وصل الرشاء ونقطاعه..

عيباً خفاض الصوت من عقب مابان.......وعيباً طمان الراس عقب الرتفاعه....

وتقبل خالص تحياتي

صح لساااااااااااااااانه ومشكور

سعد بن مطلق المقاطي

31-Jul-2011, 01:31 AM

القوي الله ولاغيره قوي =واستعين بقوته في كل حال

محمد الذيابـــي

31-Jul-2011, 01:41 AM

صح لساااااااااااانه

الله عليك يابو مطلق

سعد بن مطلق المقاطي

31-Jul-2011, 02:05 AM

بعد ماجيت من هجر المسمى ندفع المطواع= على كبد السمار ولا لنا عن نجد منزالي

محمد الذيابـــي

31-Jul-2011, 03:41 AM

صح لسااااااااااااانه

قــرنــاس

06-Aug-2011, 12:03 AM

فل الحجاج وخل عنك الهواجيس
كل(ن) يموت وحاجته ما قضاها

.
.
.

فيصل مطر

06-Aug-2011, 01:16 AM

ليا ظاق صدري رحت اسولف مع اكبر شاه=والاقي مع اكبر شاه بعض سعة الصدري
فجوج الوطن فيها السعه والسعد نلقاه=ونصبر على حكم القضى فيه والقدري
وجودي وجود الي حضر وقطعو يماناه=حكم فوقها القاضي على طول بالبتري
حكم فوقها القاضي بعد ثبتو دعواه=جزاه الشريعه والعوض فارغ الصبري
على الي سلب عقلي وانا ماقدرت انساه=سلب عقلي الغالي وكني عنه مدري (راعي الزرقا)

محمد الذيابـــي

07-Aug-2011, 05:02 AM

فل الحجاج وخل عنك الهواجيس
كل(ن) يموت وحاجته ما قضاها

.
.
.

ياسلالالالالالالالالالالالام

محمد الذيابـــي

07-Aug-2011, 05:04 AM

[quote=راعي الزرقا;1208735][

وجودي وجود الي حضر وقطعـو يمانـاه ==== حكم فوقها القاضي على طـول بالبتـري

الله عليك

محمد الذيابـــي

14-Sep-2011, 10:36 PM

يامل قلب فيه ونه وونات *** دواه ممشاً فالسهل والخبوتي

علي الثبيتي

14-Sep-2011, 10:59 PM

مواضيعك رائعه يامحمد وابيض وجه

الصبر زين وفيه مضمون ثنتين//////// تكسب جميل وتاخذ الحق وافي

محمد الذيابـــي

14-Sep-2011, 11:31 PM

أشكر مرورك يالنشمي وانت نشمي على أسمك

لاهنت يالغالي

سعد بن مطلق المقاطي

19-Sep-2011, 02:25 AM

الصىحبه اللي تجي وتروح مثلومه=لا بارك الله فى ثلمه وراعيها

محمد الذيابـــي

19-Sep-2011, 05:06 AM

الله عيك يابو مطلق

فعلاً مافيك حيله

,’

عايض التوم

29-Sep-2011, 04:29 AM

ليا ضاق صدري من هموم تولاه وزاد العماس وقام صدري يفوحي
والله يلولا العظم يوم اني املاه اكويه بالجمره ويكوي جروحي
مع دلة صفرا على النار مركاه ابصر بصبتها على كيف روحي
فنجالها يشدي خضاب الخونداه الجادل اللي عند اهلها طموحي
ابن ربيعان

محمد الذيابـــي

30-Sep-2011, 04:41 AM

لاهنت على المرور يالتوم

عبدالله جبارالعتيبي

30-Sep-2011, 11:11 PM

هذه أبيات لي دايماا ماأرددها

ياويل قلبي من صواديف الأيام=نصٍ معي والنص الآخر تفتت
هاذي مقاديري تراها من العام=من وين ماجمعت ذاتي تشتت