غزليه للفيصل الرياحي ... راتعه

[بندر المطيري]

ياصاحبـي صفحـة الأيـام مقلوبـه = وحنا على مذهب العشـاق ،عشاقـي
والحب بعض الخلايـق ماتهنـوا بـه = اللـي هواهـم تسكـاعٍٍ بالأسـواقـي
أفكارهـم سـود والأسـرار منكوبـه = عساهـم فـداك ياحبـي وعمـلاقـي
يامن جمعت الحلا والـذوق وأسلوبـه = والأصل والفصل والعفـه والأخلاقـي
غيرك من الناس والله مالتفت صوبـه = أنت الذي غاص حبك داخـل أعماقـي
مابين قلب الحبيـب وقلـب محبوبـه = رسايـلٍ ماكتبهـا حبـر الأوراقـي
كان الهوى له مناصيب ، أنت منصوبه = مافوق آوامرك لي غير أمـر خلاقـي
وروحي من البعد والهجران منكوبـه = ياسيـدي لا تخيّـب هقـوة الهاقـي
لوكان تخطي ، بأقول أخطيت والتوبـه = وأنـا د خيلـك مـن أيـام التفراقـي
اليوم مالـي عليـك شـروط مكتوبـه = إلا دخول الهوى مـع شعبـه الراقـي
ليه أبيض القلـب ماتعطيـه مطلوبـه = هو قطع الأعناق ولا قطع الأ رزاقـي
القلـب مشغـول والأ فكـار منهوبـه = ثورة همومي تعانق ثـورة أشواقـي
إخترت من خيرة الزينـات رعبوبـه = شمس الجمال أشرقت في قلبي إشراقي
حلوه ، جميله ، خفيفة دم ، موهوبـه = تغري عيون الحسد ميـر الله الواقـي
ماكنهـا إلا مـن الألمـاس مصبوبـه = القد ، والعنق ، والساقين ، والباقي