بن زويبن يخطي في تركيبة احد ابياتة

[مزحم العتيبي]

الشاعر الكبير / عبدالله بن زويبن الحربي من اعظم شعراء الجزيرة ولايحتاج الى تعريف


في احد قصائدة اللي مبداها يقول


عسى الله يخارجنا من المدفع اللي ثار = بعيد المدى اللي كل الاهداف يعطبها


في منتصف القصيدة بيت يقول فية


لكنا على اللي فيه زوده لغانا حار = مشاهيب نار من زمهرير نجذبها


في هذا البيت اتوقع انه اخطأ بن زويبن


كيف في الشطر الاول يقول لغانا حار وفي الشطر الثاني يقول مشاهيب نار من زمهرير نجذبها

وزمهرير ليست نار حارة بل معروف بشدة البرودة والجليد

فكيف ابن زويبن يصف كلامة بالحار ومشاهيب نار وتجذب من زمهرير المعروف بشدة البرودة

ابن زويبن اكبر من اني انتقده وانا يمكن تكون وجهة نظري خاطئة وابغى ارائكم على هذا الموضوع

[& محمد خالد القحطاني &]

زمهرير مثل ماقلت معروفه بشدة البرودة ولاكنها موجوده في النار يحمي الله بها عبادة المؤمنين


هذا اللي اعرفه

[غالب الذيابي]

:
:
:



هلا يامزحم..

البدو زمهرير عندهم معناها الجحيم..

لكنها في اللغة تعنى البرد..

الرجال ماغلط...

احترم وجهة نظرك.
:
:
:
:

[زعيم المراجل]

زمهرير وسط نار جهنم

اي مصدرها النار صدق ابن زويبن تصوير مثير وبراعه متناهيه في الشعر

[سعود طالع الشيباني]

الســلام عليكم ورحمة الله وبركاته

أخـوي مزحم يمكن الرجال اخطى من استعجال امام امسيه او ماشابه ذلك
لكن سمعة البيت هذا اول مااشتهرت القصيدةوكان الكاسيت موجود عندي ويقول فالبيت
مشاهيب نارٍ من ســنا ويــل نجذبها

[مزحم العتيبي]

زمهرير مثل ماقلت معروفه بشدة البرودة ولاكنها موجوده في النار يحمي الله بها عبادة المؤمنين


هذا اللي اعرفه

مرحبا يامحمد

ابي اسئلك سؤال

هل سمعت احد يقول ابي اجذب مشاهيب نار من قالب ثلج ،، ولو قالها لك احد ستقول مجنون

بن زويبن تقدر تقول خانتة ثقافتة اما انك تقول البيت هذا صحيح لااعتقد مع احترامي لك

[مزحم العتيبي]

:
:
:



هلا يامزحم..

البدو زمهرير عندهم معناها الجحيم..

لكنها في اللغة تعنى البرد..

الرجال ماغلط...

احترم وجهة نظرك.
:
:
:
:

غالب
مرحبابك واحترم وجهة نظرك

ولكن انا بدوي ولم اسمع في حياتي ان البدو يسمون النار زمهرير ، اذا جاهم البرد قالوا زمهرير

ولكن اترك عنك البدو ولغتهم وانقد البيت على اللغة العربية الفصحى فهل سيكون خطأ بن زويبن واضح او مشتبه فية
لاهنت على المشاركة

[مزحم العتيبي]

زمهرير وسط نار جهنم

اي مصدرها النار صدق ابن زويبن تصوير مثير وبراعه متناهيه في الشعر



مرحبا يازعيم المراجل

انا ابي اسئلك سؤال
اذا كانت زمهرير وسط النار فهل بن زويبن من اهل زمهرير او من ملائكة النار حتى يتصرف ويسحب مشاهيب ، لاحد يدخلها الا يوم القيامة وفي يوم القيامة ماظنه احد فاضي يسوي بيوت كنها مشاهيب يجذبها من زمهرير ، اسئل الله ان يعيذنا وجميع المسلمين الاحياء والميتين من زمهرير وعذاب القبر والاخرة
هذا سؤال بعيد عن الشعر فقط سؤال واقعي

ثانيا

نبي نحللها بمنظور شعري
الشاعر يقول ابياتي قوية ونارية > كأنها مشاهيب نار من > زمهرير<< كيف مشاهيب نار من شي شديد البرودة وحتى اذا كانت مكانها وسط النار الا انها شديدة البرودة

[مزحم العتيبي]

الســلام عليكم ورحمة الله وبركاته

أخـوي مزحم يمكن الرجال اخطى من استعجال امام امسيه او ماشابه ذلك
لكن سمعة البيت هذا اول مااشتهرت القصيدةوكان الكاسيت موجود عندي ويقول فالبيت
مشاهيب نارٍ من ســنا ويــل نجذبها

مرحبا ياسعود

انا سمعت البيت هذا في شريط عبدالله بن زويبن ((جواهر الشعر))

وبن زويبن شاعر بحر ولكن الخطأ وارد

[زعيم المراجل]

مرحبا يازعيم المراجل

انا ابي اسئلك سؤال
اذا كانت زمهرير وسط النار فهل بن زويبن من اهل زمهرير او من ملائكة النار حتى يتصرف ويسحب مشاهيب ، لاحد يدخلها الا يوم القيامة وفي يوم القيامة ماظنه احد فاضي يسوي بيوت كنها مشاهيب يجذبها من زمهرير ، اسئل الله ان يعيذنا وجميع المسلمين الاحياء والميتين من زمهرير وعذاب القبر والاخرة
هذا سؤال بعيد عن الشعر فقط سؤال واقعي

ثانيا

نبي نحللها بمنظور شعري
الشاعر يقول ابياتي قوية ونارية > كأنها مشاهيب نار من > زمهرير<< كيف مشاهيب نار من شي شديد البرودة وحتى اذا كانت مكانها وسط النار الا انها شديدة البرودة



مرحبا اخوي مزحم
ابن زويبن من اهل الخير انشاء الله (والشعراء يقولون مالا يفعلون وفي كل واد يهيمون)
ابن زويبن عسكري متقاعد استخدم المقوله العسكريه (الرد على النار بالمثل)فقد بالغ في نوع النار
الله يحمينا وياك واخواننا المسلمين من نار جهنم

[فهد علي العازمي]

رايي من رايك يامزحم

والقصيدة موجودة بالكامل في عدد من المواقع بنفس صيغتها اللي ذكرتها

وبصراحة خطاء واضح فادح من معلم علم أستاذ

[سلمان المرشدي]

الســلام عليكم ورحمة الله وبركاته

أخـوي مزحم يمكن الرجال اخطى من استعجال امام امسيه او ماشابه ذلك
لكن سمعة البيت هذا اول مااشتهرت القصيدةوكان الكاسيت موجود عندي ويقول فالبيت
مشاهيب نارٍ من ســنا ويــل نجذبها


عدلها ابن مشيب ذيبان

[مزحم العتيبي]

زعيم المراجل

حياك الله مره اخرى
ولاهنت على المشاركة

[مزحم العتيبي]

فهد العازمي
يامرحبابك يالغالي

ولاهنت على المشاركة

وبن زويبن شاعر علم مافية كلام ولكن الخطا وارد

[مزحم العتيبي]

ابوعدي المرشدي

حياك الله انت وبن مشيب

وابن مشيب يمكن سمعها بهذه الشكل

اما انا سمعت البيت هذا في شريط بن زويبن الجديد جواهر الشعر