مرحبا ولا هلا ولا على فرك الخشوم..!!!الليل مبااشر

[مشعل الشيباني.]

مرحبا ولا هلا ولا على فرك الخشوم=يقدم اللى يعرف الديره مع سكانها
ان بدينا من طناخه ما بدينا من هموم=لابسين الجوخ ماتجهل قدر رعيانها

[فهد الشهيب الثبيتي]

صح لسانك يامشعل وصح لسان قبيلك مقدما

[محمد الذيابـــي]

صح لسانك يافهد وصح لسان قبيلك

[& محمد خالد القحطاني &]

خلك مووجود

[& محمد خالد القحطاني &]

البقى والطيبة من حظ راعين السلوم=وانت سر الليل والشعار قدمك عانها
ان بدينا ماعلينا من كثيرات العلوم=غير حط السالفة تازن على ميزانها

[مشعل الشيباني.]

بنشدك يا صاحبي يوم ان ماني بضلوم=ابك ما رحبت لك لو كان لك سفطانها
انت قحطاني وشويتك ذعاذيع السموم=ماتذريه البسيطه لو زبن ظلعانها

[مشعل الشيباني.]

الثبيتي والذيابي


صحت ابدانكم ولا هنتو

مروركم غايه ومحل اهتمام

تقديري لكم

..




.

[& محمد خالد القحطاني &]

انت تنشد غير مثلك في المهمة لايقوم=ماتطيح الا بيوتٍ ماثبت سيسانها
انت لاذلحين ضايع بين قوم وبين قوم=والبطايق ماعلينا من كتب ورعانها

[& محمد خالد القحطاني &]

الثبيتي والذيابي



صحت ابدانكم وحياكم الله

[مشعل الشيباني.]

انت ضايق مير بنشد لا وقف قدمي رخوم=في يدي سيفٍ يخالف روسها وامتانها
لو يوسف قد كلاه الذيب ماعاش مخدوم=ما كملتو يا رياجيلٍ خلت مرحانها

[& محمد خالد القحطاني &]

مايوقف للشدايد غير قرمٍ من قروم=خب سيفك والمواقف لاتجي بيبانها
ماتعيش الا الذيابة والصقور اللي تحوم=والحقايق بينة للناس قدم اعيانها

[مشعل الشيباني.]

انت قحطاني وفي خدك نجيضات الوسوم=لا تعاند لك رجالٍ طايلات ايمانها
الحقايق تزبن في طويلات الرجوم=يوم صبيان العرب تدرق ورا شيبانها

[& محمد خالد القحطاني &]

وانت شيباني وعرفك مع هل العرف امعدوم=تجفل من المعركة لاثورت دخانها
العلوم اموثقة ماهيب توثيق الختوم=في تواريخ الرجال اللي كبيرٍ شانها

[مشعل الشيباني.]

ايه شيباني وقسمي جزل وخيار القسوم=لا تلاحق لك مشاهيبٍ ذعر دخانها
قد وليناكم بسيف ورمح مع علط السهوم=نامر وننهى وكفتنا رجح ميزانها

[& محمد خالد القحطاني &]

انت عبدٍ من عباد الله معطى ومحروم=لاتشب النار وتزود بها عيدانها
حاكمينٍ نجد لابن هادي تسوق الرسوم=نامر وننهى ونخلف للعدات اذهانها

[مشعل الشيباني.]

عبد للوالى ولى عبدٍ نبيعه ونسوم=يا حصاة حويل كم قردٍ رقا شعبانها
ماحكمتو يا جنود سعود في نفخ الكموم=وابن هادي ما مسح للبنت دمع اعيانها

[مشعل الشيباني.]

صح لسانك يامحمد

تشرفت بمجاراتك


تقديري لك

..


.

[& محمد خالد القحطاني &]

الجبال اجبال ياراع القرون امهزوم=والحصاة اديار محدٍ قرب من حدانها
حاكمينك يالعتيبي وانت شيخك في البقوم=وابن هادي واقفٍ لعتيبة وفرسانها

[& محمد خالد القحطاني &]

صح لسانك يامحمد

تشرفت بمجاراتك


تقديري لك

..


.


صح الله بدنك يابن مشيب

والعذر ان كان اخطينا في حق احد


الدعوة كلها لعب مزووح




تحياتي