سعد الرويس//

[محمد الذيابـــي]

مساء الخير للجميع:





يامرحبا من خاطرٍ صافي كما لون الحليب=في منتدى الهيلا وانا ماني بضيفٍ عندها
الليله الليله سعد يارد على جم القليب=ويعود ظامي ماشرب يا للعجب من عدها

[فهد الشهيب الثبيتي]

صح لسانك يامحمد وصح لسان ابن مروّح مقدماا

[محمد الذيابـــي]

هلا يافهد شرفت يالغالي

[سعد الرويس العتيبي]

دام البقا دام البقا من هاجس كله رهيب=في منتدى الهيلا وانا وياك زندي زندها
نارد ولانهاب والدعوى على وجه الحريب=لكن شد الحيل ثم عد المعاني عدها

[محمد الذيابـــي]

دام البقا دام البقا من هاجس كله رهيب=في منتدى الهيلا وانا وياك زندي زندها
نارد ولانهاب والدعوى على وجه الحريب=لكن شد الحيل ثم عد المعاني عدها





اقولها ياصاحبي مير الاشارة للبيب=وانته فطين لها وشايف وسمها في خدها
واحد لواحد والهدف واحد ولا فيها غليب=والناس في ذا الوقت ماعرف مزحها من جدها

[سعد الرويس العتيبي]

بعض العرب ياصاحبي مابين شك وبين ريب=وانته تعرف الاوله والثانيه من ردها
يشوش راسي كل ماشفت التكاتف والمجيب=مالي ومال القوم يومني بكسب ودها

[سعد الرويس العتيبي]

صح لسانك يامحمد وصح لسان ابن مروّح مقدماا

صح بدنك وشرفت

[محمد الذيابـــي]

بعض العرب ياصاحبي مابين شك وبين ريب=وانته تعرف الاوله والثانيه من ردها
يشوش راسي كل ماشفت التكاتف والمجيب=مالي ومال القوم يومني بكسب ودها






المشكله فالعله اللي عاجزٍ عنها الطبيب=الظلم لن ناش الجبال النايفات يهدها
الله يبيح العود راح ولاذخر شيٍ معيب=وانا اعرف انه لن نوى كل اللوازم سدها

[سعد الرويس العتيبي]

ان غردت فوق الجبل وان غردت وسط الشعيب=ماغيرت هندامها وقرونها اللي تكدها

ابشرك ياصاحبي مايذخر الطيب يطيب=صبرك عليه وتعجبك بيض السيوف وحدها

[خالد السويداني القحطاني]

الليله الليله سعد يارد على جم القليب=ويعود ظامي ماشرب يا للعجب من عدها
الله الله
تحت المجهر ياشيبة الرحمن
صح الله الالسنتكم وسلموني على
خشووومكم
مبدعين مبدعين

[محمد الذيابـــي]

ان غردت فوق الجبل وان غردت وسط الشعيب=ماغيرت هندامها وقرونها اللي تكدها

ابشرك ياصاحبي مايذخر الطيب يطيب=صبرك عليه وتعجبك بيض السيوف وحدها





ان غردت فوق الجبل والذيب تسمع له قنيب=والله ليقشطها ولا فكّر بسابع جدها
لا ياسعد ماضاع حق ومن ورى الحق الطليب=الحق لصحابه يعوّد والخصام نلدها

[محمد الذيابـــي]

خالد السويداني


شرفت يالغالي

[سعد الرويس العتيبي]

على يدك ياولدذايب والهدف ماهو غريب=اللي يخوضون المعارك قدها ثم قدها
مسك رسنها لاتفك والرسن عندك قريب=واالاوله ياصاحبي ماتطلع الا بيدها

[سعد الرويس العتيبي]

الليله الليله سعد يارد على جم القليب=ويعود ظامي ماشرب يا للعجب من عدها
الله الله
تحت المجهر ياشيبة الرحمن
صح الله الالسنتكم وسلموني على
خشووومكم
مبدعين مبدعين



صح لسانك ومرحبابك

[سعد الرويس العتيبي]

الاتصال عندي دوبه

[محمد الذيابـــي]

على يدك ياولدذايب والهدف ماهو غريب=اللي يخوضون المعارك قدها ثم قدها
مسك رسنها لاتفك والرسن عندك قريب=واالاوله ياصاحبي ماتطلع الا بيدها





لولا الغدر ياصاحبي ماوصل جساس لكليب=ماجات بمواجه على الميدان عانه مدها
الله فزع لك بالظلال اللي يظلل يالحبيب=والا يجي فالعلم علم وكل ليل نعدها

[محمد الذيابـــي]

الاتصال عندي دوبه





الاتصال عندك دوبه والليل سرى ياسعد مير الختام عندك والشرف لي وانت عزيز ومن رجالن عزيزين

[سعد الرويس العتيبي]

اللي تقوله صدق والدعو على ذمت عضيب=اللي يقول ان العداله في يمينه شدها


دنيا تقلب ياطويل العمر ومر الله صعيب=وحنا نعرف اهل المهار الاوله من ضدها

[محمد الذيابـــي]

صح لسانك ياسعد وبيض الله وجهك



تصبح على خير يالغالي

[سعد الرويس العتيبي]

الاتصال عندك دوبه والليل سرى ياسعد مير الختام عندك والشرف لي وانت عزيز ومن رجالن عزيزين

الله يعزك عند مولاك وبيض الله وجهك وتشرفت بالعب معك لك كل الشكر

[محمد الذيابـــي]

اشكر جميع الاعضاء اللذين شرفونا سواء بالمشاركه او بالاطلاع

[سعد الرويس العتيبي]

شكر كل من مر على هذي الصفحه وبيض الله وجيهكم

[عبدالعزيز بن جودان الرويس]

صحت السنتكم
محاوره جميله
وانا لي رجعه ثانيه لمراجعة هذا الطاروق

[سعد الرويس العتيبي]

صحت السنتكم
محاوره جميله
وانا لي رجعه ثانيه لمراجعة هذا الطاروق




صح بدنك ومرورك شرف لك كل الشكر

[محمد الذيابـــي]

حياك الله يابن جودان



لاهنت يالغالي