عايض الحبابي حيااك الله . . .!

[ماجد الدغيلبي]

السلام عليكم . . . عايض الحبابي من الموجودين ودي اخذك معك طاروق . .






يا سلامي ردةٍ بين شر وبين خير = تقضب احبال المعاني وافك حبالها
يالحبابي بعد جينا نوينا بالمسير = احتم الميقاف والملعبه بعنالها

[ولد عوجان الجذع]

عساك على القوة
يا ماجد والله يوفقك مع عايض

[ماجد الدغيلبي]

حياك الله


وهلا فيك وفي مرورك

يا بن عوجان . .!

[عايض الحبابي]

أبن عوجان ...شرفت ولاهنت ..:)

[عايض الحبابي]

ماجد حياك الله ..


مرحبا ترحيبة(ن) مايــــمدّ بها الفقير .! = والمعاني نعرف أقصارها وطوالها

لانويت أحذر ياماجد من الدرب الخطير = المواقف ماركه باسمنا ..حنّا لها .!

[ماجد الدغيلبي]

.
.
.




البقاء والعلم يحمل على الشطر الاخير = وكلٍ رِجلٍ لابغينا نمس عقالها

من يهاب الموت يكوى على الضلع القصير = والمواقف . . . يا عميلي نعرف رجالها

[مرزوق حمدان العتيبي]

....
ماجـــد الدغيلبي
وعايــض الحبابي....
بدايه قويه ورائعه .... وصلوا
وشدوا حيلكم .... وانا في الصفين ..
ومستمر بالمتابعه ....
تحياتي

[عايض الحبابي]

:
:
:

الفرزدق ماحد بمستواه الا جريـــر= نالوا من المجد صفحات ما احد(ن) نالها .!!

لاتهدد وانت لازلت مجهول المصـــير = أنت ماعايشت دنيا القشر وأهوالها

[عايض الحبابي]

أبو منذر ... ولكمووووووووو نووووورت ...;)

لاتجامل عارفين من انت في صفه ..!!:):)

مرورك شرف ... متشكرييين أووووي

[ماجد الدغيلبي]

مرزوق حيااك الله

ويا هلابك وبمرورك

لك احترامي

[ماجد الدغيلبي]

.
.
.


ناس قالو :أن الاعشى تعلم من زهير = شفت كيف الناس يا صاحبي وخبالها
من يهاب الشمس يجفل من ظلال العصير = وانت مدري علامك تغير فالها

[مرزوق حمدان العتيبي]

.....
ياسلام ياسلام ..
ابداع والله يقويكم ....
...
مازلت في الصفين ومتابع ....
------------------> ماعليه من كلام بعض الناس
يحيا العدل :)

[عايض الحبابي]

:

:

جعلهم ياماجد أثنينهم في زمهـــرير .!= أتحشرني وسط ناس(ن) ما أعرف اعمالها ؟؟؟

مانهاب ولانهوّن عن الدرب العسيــــر = أخذ هالكلمه ترى .. عايض اللي قــالها .!

[ماجد الدغيلبي]

.
.


ظني ان الذيب الاشهب طلع في وسط بير .! = كيف يطلع من قليب(ن) هفا مع جالها
الشواوي من عيونه يبا قرب المنير = كل ناسٍ لو تمره عدى واو مالها .. "

[ماجد الدغيلبي]

مرزوق لاهانك الله
: على المتابعه :)

[ماجد الدغيلبي]

الحبابي



شكراٍ لك على سعة صدرك وعلى هالطاروق الجميل معك


لك تحياتي ومودتي

اخوكم ماجد . .!

[عايض الحبابي]

تو الناس:)

على العموم تشرفنا ياماجد ..

وان شاء الله نتقابل في فرصه قادمه ..

تحياتي

[معقل المجانين]

الدغيلبي ,, والحبابي

والله والنعم ,,,,,,,,,,,,,,,,,,,,,,,,,,,,,, والنعم

\

تحياتي ,,,,,,,,,,,,,,,,,,,,,,,,, وتقديري

[عبدالعزيز بن جودان الرويس]

الله الله
محاوره جميله
انا في صف ماجد
ههههههههه
ماعنده مجامله

[ماجد الهذلي]

عايض أنا في صفك واللي يصير يصير

عبد العزيز أنا أشوف كلهم ما عندهم مجامله

محاوره رررائعه